SHAKAWN KUNGDAWN 108:7 - Jinghpaw Common Language Bible 2009

⁷ Shi a chyoi pra ai shara kaw na Karai Kasang gaw, “Awng padang hte ngai Shehkem hpe garan na nngai, Suhkot kadit hpe mung nye a amyu masha ni a lata de garan ya na nngai.

Jinghpaw Hanson Version Bible

⁷ Karai Kasang shi a chyoi pra ai hte tsun dan ai gaw, “Ngai kabu na nngai; Shehkem hpe ngai karan na we ai; Suhkot kadit hpe ngai shadawn na we ai.

SHAKAWN KUNGDAWN 108:7 ပူးပေါင်းရင်းမြစ်များ

NINGPAWT NINGHPANG 33:17

Esaw gaw dai shani jang rawt nna Edom mung de bai wa mat wa wu ai. Rai ti mung, Yaku chyawm gaw Suhkot ngu ai shara de du hkra hkawm sa wa nna, shi nga na nta hte yam nga ni rawng na sum ni hpe gap wu ai. Dai rai nna shara dai hpe Suhkot ngu nna shamying wu ai.

SHAKAWN KUNGDAWN 60:7

Gilead gaw nye a rai nga ai, Manashe mung nye a rai nga li ai; Ehprim gaw nye a hpri gupchyawp rai nna, Yuda gaw nye a hkawhkam rai nga ai.

AMO LAIKA (AMOS) 4:2

Tsaw Htum ai dai Madu gaw chyoi pra nga ai hte maren, shi gaw, “Shanhte gaw nanhte hpe chyinghkyi ni hte garawt mat wa ai shaloi, dai nhtoi ni du wa na ra ai; nanhte kaw na marai shagu hte gaw myek hta lu ai nga zawn tai mat na rai myit dai.

YAWSHU 17:7

Manashe a lamu ga jarit gaw Ashera mare kaw nna Shehkem mare a sinpraw maga nga ai Mikmehta de hprang rai nga ai. Dai jarit gaw dingda maga de yu wa nna Entapua masha ni nga ai shara de byawn rai nga ai.

YAWSHU 20:7

Dai rai nna, Yawdan hka a sinna maga ngu na de Naphtali bum ga Galile ginwang hta Kedesha mare e mung, Ehprim bum ga hta Shehkem mare e mung, Yuda bum ga hta Hebron mare ni hpe san da nga ma ai.

YAWSHU 24:1

Yawshu gaw Israela amyu bawsang ni yawng hpe Shehkem mare e jahpawng da wu ai. Myit su salang ni, ningbaw ni, tara agyi ni hte Israela du magam ni hpe shaga dat wu ai rai nna Karai Kasang a man de shanhte pru sa ma ai.

1 PETRU 1:3

Anhte gaw Madu Yesu Hkristu a Kawa Karai Kasang hpe shagrau sha-a nga ga; hpa majaw nga yang, shi a matsan dum ai myit kaba hte Yesu Hkristu hpe si mat ai kaw nna bai hkrung sharawt la ai a marang e shi anhte hpe asak sumdam ningnan bai jaw da mani ai rai nna anhte hta ahkrung nga ai myit mada shara jahpring shatsup ya mani ai.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.