SHAKAWN KUNGDAWN 104:3 - Jinghpaw Common Language Bible 2009

³ lamu madin hta nga ai hka ni a ntsa e, na a nta hpe gap da nga ndai. Nang gaw sumwi ni hpe na a gumra leng zawn, nang akyu jashawn nna; nbung a singkaw ntsa e, nang jawn nga ndai.

Jinghpaw Hanson Version Bible

³ Shi a gawk madung gaw hka hta shi tawn da nu ai; Sumwi hpe shi a leng ni shi shatai nu ai; Nbung a singkaw hta shi hkawm nga ai.

SHAKAWN KUNGDAWN 104:3 ပူးပေါင်းရင်းမြစ်များ

2 SAMUELA 22:11

Singkaw tu ai hkrung kanu a ntsa e chyang ai hte pyen hkawm nhtawm; nbung a singkaw ntsa e shi hkawm sa nga ai.

SHAKAWN KUNGDAWN 139:9

Sinpraw maga de, ngai pyen hkawm mat wa ai rai yang mung, sinna maga tsan dik htum ai shara hta sa nga ai rai yang mung,

SHAKAWN KUNGDAWN 148:4

Tsaw htum ai sumsing lamu ni hte lamu a ntsa hta nga nga ai hka hpung ni e, shi hpe shakawn mu.

ESAIA 19:1

Ndai gaw Egutu mung hte seng ai mungga rai nga ai. Dai Madu gaw sumwi ntsa e jawn nna Egutu mung de tin tin sa wa nga ai. Egutu hpara sumla ni shi a man e gari ashun nna Egutu masha ni nden marai sum mat ma ai.

AMO LAIKA (AMOS) 9:6

Dai Madu gaw shi a nta hpe sumsing lamu ni hta gap da nna, ginding aga a ntsa e lamu madin tawn da nga ai. Shi gaw panglai hka ni hpe shaga dat nna dai ni hpe ginding aga ntsa de ru dat wu ai. Shi a mying shingteng gaw dai Madu rai nga a hka!

NAHUM 1:3

Dai Madu gaw loi loi hte masin pawt ai n rai, rai ti mung shi gaw daru magam n-gun rawng nga ai hte mara lu ai wa hpe ari n jaw ai sha galoi mung dat dat ai n rai. Dai Madu hkawm ai shara hta, laru ru nga ai; sumwi ni gaw shi a lagaw a npu na ga nhpu rai nga a hka!

MAHTE 26:64

Yesu gaw, “Nang tsun ai hte maren rai nga ai. Rai ti mung ngai nanhte yawng hpe tsun made ga, ya kaw nna dai Masha Kasha gaw daru magam ahkang aya lu ai wa a hkra maga e dung nga nna lamu na sumwi ni hte du sa ai hpe nanhte mu na marin dai!,” ngu nna shi hpe tsun wu ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

SHINGRAN 1:7

Yu mu! Shi gaw sumwi ni hta jawn nna du sa wa ra ai; Madu hpe nri hte galun baw ai ni hte hpawn masha yawng gaw shi hpe mu lu na mara ai. Dinghta ga na amyu nlang hte gaw, shi a majaw yawn hkyen sharung shayawt na mara ai. Dai hte maren byin wa u ga law!