SHAKAWN KUNGDAWN 103:7 - Jinghpaw Common Language Bible 2009

⁷ Shi gaw Mawshe hpe shi a yaw shada ai lam madun dan nu ai, shi a mauhpa magam amu ni hpe Israela amyu masha ni hpe mu la shangun wu ai.

Jinghpaw Hanson Version Bible

⁷ Shi gaw shi a lam Mawshe hpe, shi a lai len ni, Israela kashu kasha ni hpe, madun dan ya manu ai.

SHAKAWN KUNGDAWN 103:7 ပူးပေါင်းရင်းမြစ်များ

NEHEMIA 9:14

Nang gaw shanhte hpe na a Bansa Nhtoi ni chyoi pra nga na matu sharin ya nit dai, nang gaw na a shangun ma Mawshe hku nna shanhte hpe na a tara ni jaw ya nit dai.

SHAKAWN KUNGDAWN 106:22

Dai mung hta shi galaw dan sai amu ni gaw kaning re ai mauhpa wa rai nga a hka! Nawng hkyeng hta shi galaw dan sai magam amu ni gaw kaning re ai mauhpa wa rai nga a hka!

SHAKAWN KUNGDAWN 111:6

Maigan masha ni a lamu ga, shanhte hpe jaw ya ai hku nna shi a amyu masha ni hpe daru magam n-gun madun dan nu ai.

SHAKAWN KUNGDAWN 147:19

Shi gaw shi a amyu masha ni hpang de, shi a mungga hte shi a sharin achyin ai matsun mungga hte tara ni hpe Israela amyu masha ni hpang de jaw ya nga ai.

SHAKAWN KUNGDAWN 77:20

Nang gaw Mawshe hte Arun yan hpe ningbaw shatai nhtawm, na a amyu masha ni hpe sagu rem wa zawn woi wa nit dai.

SHAKAWN KUNGDAWN 78:11

Shanhte gaw shi galaw dan sai magam amu ni hte shanhte mu yu sai mauhpa lamik kumla ni hpe malap kau manu ai.

SHAKAWN KUNGDAWN 78:5

Nang gaw Israela amyu masha ni hpe jep ai tara ni hte; Yaku a aru arat ni hpe hkang da ai tara ni hte jaw da ya nit dai. Madu gaw shi a hkang da ai tara ni hpe shanhte a kashu kasha ni hpe sharin ya na matu; anhte a kaji kawa ni hpe tsun matsun da nu ai.

SHAKAWN KUNGDAWN 99:7

Shi gaw shanhte hpe sumwi shadaw kaw nna ga tsun nu ai; dai Madu shanhte hpe jaw ya ai tara ni hte hkang da ai ga ni hpe shanhte madat mara hkan nang nga ma ai.

PRU MAT 19:20

Dai Madu gaw Sina Bum pungding ntsa de yu hkrat wa nhtawm, Mawshe hpe dai bum pungding de shaga la wu ai.

PRU MAT 19:8

Dai hpang amyu masha ni yawng gaw, “Dai Madu hkang da mada mahkra hpe anhte galaw na ga ai,” ngu nna jawm htan mu ai. Mawshe gaw dai lam dai Madu hpe bai htawn shana ya wu ai.

PRU MAT 20:21

Rai ti mung, amyu masha ni mahtang tsan tsan e sha atsap nga ma ai rai nna, Mawshe chyu sha Karai Kasang nga ai dai htat ai sumwi de shani sa wa wu ai.

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

BU HKAWM 12:7

Nye a shangun ma Mawshe hte ngai ga shaga ai shaloi, dai gaw shai ai lam rai nga ai; dai nye a amyu masha Israela ni yawng hpe woi hpareng na matu, ngai shi hpe san da ni ai.

TARA JAHPRANG 34:10

Dai Madu hte myi man chyaw ga shaga lu ai Mawshe zawn re ai myihtoi Israela amyu masha ni hta galoi mung n nga yu nga ai.