SHAKAWN KUNGDAWN 103:5 - Jinghpaw Common Language Bible 2009

⁵ Shi gaw nye a prat hpe mai kaja ai hte shakat ya ai majaw, ngai gaw galang zawn ram prat bai pra nna n-gun ja nga nngai.

Jinghpaw Hanson Version Bible

⁵ Nang gaw, kalang zawn, ram prat bai pra lu hkra, na a aprat hpe mai kaja ai hte shakat nu ai.

SHAKAWN KUNGDAWN 103:5 ပူးပေါင်းရင်းမြစ်များ

YOBA 33:25

Shanhte a hkum shan ni gaw ma kaji zawn hkalung nna n-gun ja wa na mara ai;

SHAKAWN KUNGDAWN 104:28

Nang dai ni hpe lusha jaw nna, shanhte dai hpe sha ma ai; nang lusha shahpa jaw nna shanhte myit dik nga ma ai.

SHAKAWN KUNGDAWN 107:9

Shi gaw hpang gara hkrum ai ni hpe jahkru ya nna, kawsi hkrum ai ni hpe kaja ai lusha hte shakat ya nga ai.

SHAKAWN KUNGDAWN 23:5

Nye a gumlau hpyen ni yawng ngai hpe mu mada lu ai shara hta; nye a matu sha ku nang lajang da ya nga ndai. Nang gaw ngai hpe shagrau sha-a hkrum ai manam langai mi hpe zawn hkalum la nga ndai, nye a gawm hpe nten dem rai hkra jahpring ya nga ndai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

SHAKAWN KUNGDAWN 65:4

Nang lata la hkrum sai ni hte, na a chyoi pra ai Htingnu kata hta nga lu na matu, nang woi sa wa hkrum ai ni gaw a lu nga ai. Anhte gaw na a nta na kaja ai arai ni hte, na a chyoi pra ai Nawku Htingnu na shaman chyeju ni hta myit dik nga na ga ai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

HOSEA 2:15

Ngai gaw shi a sabyi sun ni hpe bai jaw nna Tsin-Yam Tsindam Kadit hpe mung myit mada chyinghka shatai na we ai. Shi naw mahkawn nga yang, Egutu mung na pru wa ai shaloi shi galaw ai zawn shi ngai hpe htan ya na ra ai.

2 KORINHTU 4:16

Ndai lam ni a majaw anhte gaw galoi mung myit n hten, n-gun n yawm ga ai. Anhte a shinggan lam hku myi hte mu lu nga ai shinggyim hkrang gaw yat yat sha hten run mat wa nga ai, rai ti mung kata na wenyi hkrang gaw lani hte lani ningnan bai galai lajang ai hpe hkam la nga ga ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

YAWSHU 14:11

Mawshe ngai hpe shangun ai shaloi n-gun lagaw ja nngai zawn dai ni mung ngai n-gun naw ja nga nngai. Hpyen majan amu shing n rai kaga lam maga ga a matu mung, ngai hta n-gun naw ja nga nngai.