SHAKAWN KUNGDAWN 103:2 - Jinghpaw Common Language Bible 2009

² Nye a wenyi e, Madu hpe shakawn u! Shi a chyeju yawng hte hpe hkum malap kau nga et!

Jinghpaw Hanson Version Bible

² Nye a myit masin e, Yehowa hpe sha-a nga u, Shi a chyeju yawng hte hpe hkum malap kau et.

SHAKAWN KUNGDAWN 103:2 ပူးပေါင်းရင်းမြစ်များ

2 HKAWHKAM LABAU 32:25

Rai ti mung Hezekia chyawm gaw dai Madu shi a matu galaw nu ai chyeju hpe shadan dan na matu nau wa gumrawng nga wu ai. Yuda hte Yerusalem gaw de a matu nni nkri hkrum sha nga ma ai.

SHAKAWN KUNGDAWN 105:5

Shi a shangun ma Abraham a aru arat ni hte shi lata la sai Yaku a aru arat ni e, Karai Kasang galaw dan sai lamik kumla ni hte shi jaw da sai tara dara lam ni hpe adum nga mu.

SHAKAWN KUNGDAWN 106:21

Egutu mung hta shi a mauhpa magam amu ni hte shanhte hpe hkye hkrang da ai Karai Kasang hpe shanhte malap kau mu ai.

SHAKAWN KUNGDAWN 106:7

Egutu mung hta shanu nga ai anhte a kaji kawa ni gaw Karai Kasang a mauhpa magam amu ni hpe n chye na kau mu ai; shanhte hpe law law lang shi madun dan sai shi a tsaw ra myit hpe shanhte malap kau nna, shanhte gaw, dai Chyahtum Chyalai n-gun rawng ai Madu hpe pyi, dai Nawng Hkyen e gumlau ma ai.

SHAKAWN KUNGDAWN 116:12

Dai Madu ngai hpe jaw ya ai chyeju nlang hte hpe, hpa baw hte wa daw jau lu na rai nga a ta?

ESAIA 63:1

Edom mung Bozra mare kaw na du sa wa ai ndai wa gaw kadai rai nga a ni? Hkyeng ai hpun palawng hte grai hkik hkam hkra hpun nna daru magam n-gun hte n-gun atsam hte hkawm sa wa ai ndai wa gaw kadai rai nga a ni? Dai gaw hkye hkrang la na daru magam n-gun hte shi a awng padang hpe tsun shabra na matu du sa nga ai dai Madu rai nga ai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

TARA JAHPRANG 32:18

Shanhte hpe asak jaw ai wa, chyalai n-gun hte hpring ai hkye la Madu, shanhte a Karai Kasang hpe nan malap kau manu ai.

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

TARA JAHPRANG 6:12

mayam tai nga ai Egutu mung kaw na nang hpe hkrang shaw wa ai dai Madu hpe n malap kau myit ga, sadi nga mu.

TARA AGYI 5:2

Dai Madu hpe shakawn mu! Israela ni gaw gasat na matu daw dan nga masai; amyu masha ni kabu gara ai hte tinang myit hku shang lawm nga ma ai.

TARA AGYI 5:9

Nye a myit masin gaw Israela du ni hte mung, kabu gara myit hte tinang myit hku shang lawm nga ai ni hte mung rau rai nga ai. Dai Madu hpe shakawn mu!