SHAKAWN KUNGDAWN 101:3 - Jinghpaw Common Language Bible 2009

³ n hkru n hkra ai lam hpe ngai galoi mung, hkam sharang na nngai n rai. Karai Kasang a man kaw nna myi man kayin mat wa ai ni a shamu shamawt ai lam ni hpe ngai n dawng nga nngai; ngai gaw shanhte hte hpa seng na nngai n rai.

Jinghpaw Hanson Version Bible

³ N hkru ai amu hpe ngai n yu na nngai, Shut hpyit ai ni a amu hpe ngai n dawng nga nngai: Dai gaw ngai hta kap lu na n rai.

SHAKAWN KUNGDAWN 101:3 ပူးပေါင်းရင်းမြစ်များ

YOBA 31:1

Ngai gaw numsha langai hpe ngang gayut ai myi hte galoi mung n mada yu na ngu, ga sadi dagam da se ai.

SHAKAWN KUNGDAWN 119:113

Nang hta tsep kawp sadi n dung ai ni hpe ngai n ju n dawng nga nngai; rai ti mung, na a hkang da ai tara hpe chyawm gaw ngai tsaw ra nga nngai.

SHAKAWN KUNGDAWN 119:37

Kaman lila hpe myit manoi nga ai kaw nna ngai hpe shatsan kau ya e; na a ga sadi nga ai hte maren, mai kaja ai lam, ngai hpe madun dan e.

SHAKAWN KUNGDAWN 125:5

Rai ti mung, n hkru n shawp ai ni hpe nang ari jaw ai shaloi, na a lam ni hpe yit kau da nga ai ni hpe mung ari jaw u. Ngwi pyaw sim sa ai gaw Israela ni hte rau anga nga u ga law!

SHAKAWN KUNGDAWN 139:22

Ngai shanhte hpe n dawng n yawt ai myit masin mahkra hte n dawng nga nngai; shanhte hpe nye a gumlau hpyen ni zawn ngai sawn la nga nngai.

SHAKAWN KUNGDAWN 14:3

Rai ti mung, shanhte yawng hte gaw shut hpyit ma masai; shanhte yawng hte wa, maren n kaja nga ma ai. Dai teng man ai amu galaw ai masha shanhte hta langai mi mung n nga nga ai, kaja wa, langai mi mung n nga nga ai.

SHAKAWN KUNGDAWN 36:3

Shi a tsun shaga ai ga gaw n hkru n shawp ai hte masu magaw ga ni hte hpring nga ai; hpaji rawng ai lam hte mai kaja ai lam hpe shi kachyi mi mung n galaw nga ai.

SHAKAWN KUNGDAWN 39:1

“Ngai galaw ai amu hta sadi sahka hte nga na ring ngai; nye a shinglet hte ngai yubak n galaw shangun na nngai. N hkru ai masha ni, ni nga yang, ngai hpa mung tsun dan na nngai n rai,” nga nna ngai tsun ni ai.

SHAKAWN KUNGDAWN 40:4

Hpara sumla hpang de n hkan nang ai hte, karai masu ni hpe nawku daw jau ai ni hte mung, n mazum ai sha, dai Madu hpe kam hpa nga ai ni gaw a nga ai.

SHAKAWN KUNGDAWN 41:9

Ngai hpe grau nna kam hpa let ngai hte rau shat jawm sha ai nye a kaja htum ai manang wa pyi ngai hpe nhtang gumlau kau nu ai.

SHAKAWN KUNGDAWN 78:41

Shanhte gaw Karai Kasang hpe lang hte lang chyam yu nna Israela a chyoi pra ai Karai Kasang hpe, myit machyi shangun wu ai.

SHAKAWN KUNGDAWN 78:57

Shanhte a kaji kawa ni zawn, sadi n dung ai sha gumlau ai ni rai nga ma ai; magaw ai ndan pala zawn, n mai kam ai ni rai ma ai.

SHAKAWN KUNGDAWN 97:10

N hkru ai ni hpe n ju n dawng nga ai ni hpe Madu tsaw ra nga ai; shi gaw shi a amyu masha ni a asak ni hpe makawp maga ya nna, tara n lang ai masha ni a n-gun atsam kaw nna mung, shanhte hpe mawai la nga ai.

PRU MAT 20:17

“Kaga masha wa a nta hpe ra marit ai myit hkum rawng et. Shi a madu jan hpe mung, mayam num ni hpe mung, shi a dumsu hte lawze ni hpe mung, shi madu tawn ai arai hpa hpe mung hkum ra marit nga et.

PRU MAT 32:8

Shanhte hkan sa na matu ngai hkang da ai lam hta na dam mat wa nhtawm ja shabyawng la let dumsu usu kasha langai galaw la nna dai hpe nawku ai hte shagu hkungga nawng jau ya nga masai. Shanhte gaw dai gaw Egutu mung kaw na shanhte hpe woi shapraw wa ai shanhte a hpara rai nga ai ngu tsun nga masai.

GA SHAGAWP 6:12

Lachyum n pru ai n hkru n shawp ai masha ni kayin hkawm nna, masu magaw ga ni hpe tsun nga ma ai.

GA SHAGAWP 6:13

Shanhte nang hpe masu hkalem na matu, myi grip nna, lagaw lata ni hte kumla madun dan nga ma ai.

GA SHAGAWP 6:25

Shanhte a tsawm htap ai lam hta gunglau hkum hkrum nga et; shanhte a hkalem asoi la lu ai myi a mahkam hta hkum lu mat shangun et.

GA SHAGAWP 8:13

Dai Madu hpe shagrau sha-a ai lam gaw n hkru ai lam hpe n dawng ai lam rai nga ai; ngai gaw gumrawng gumtawng ai hte myit tsaw myit dap ai n hkru ai lam hte n teng n man ai ga ni hpe n dawng nngai.

HPAJI NINGLI 6:9

Dai mung kaman lila rai nga ai; dai gaw nbung hpe shachyut ai zawn rai nga ai. Nang lu ai hta myit dik lu ai gaw arai lama ma hpe tut e ra marit nga ai hta grau kaja nga ai.

ESAIA 30:11

Anhte a lam kaw na yen mu, anhte a lai lam hkum pat myit. Anhte gaw nanhte a Israela a chyoi pra ai Karai Kasang hte seng ai lam n na mayu ga ai.

ESAIA 33:15

Nanhte gaw jaw ai amu hpe tsun nna galaw ai rai yang nanhte asak hkrung lu na myit dai. Matsan mayan masha ni hpe masu hkalem na matu na a daru magam n-gun hpe hkum lang et; mayun kumhpa ni hkum hkap la et. Masha sat amu galaw maw mawn ai ni hte kaga n hkru ai amu galaw ai ni hte hkum kanawn et.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

MIHKA 2:2

Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

ZEHKARIA 8:17

Langai hte langai hpe machyi hkra shangun ai lam hkum maw mawn myit. Dagam dala ga hte sakse hkum hkam myit. Ngai gaw masu magaw ai, n teng n man ai hte kashun kashe du daw sai hkaw amu galaw shapraw ai hpe n dawng nngai.”

MAHTE 5:28

Rai ti mung, ya, ngai nanhte hpe tsun made ai gaw kadai rai ti mung numsha langai mi hpe madu mayu ai myit hte yu ai wa gaw, shi a myit hta, dai numsha hte num shaw ai mara galaw nu ai.

ROMA 12:9

Tsaw ra ai myit hta sawt ai n lawm u ga, n hkru n hkra ai hpe n ju n dawng matsat nna, mai kaja ai hta manoi nga mu.

GALATI 4:9

Ya chyawm gaw nanhte Karai Kasang hpe chye wa manit dai hta n-ga, Karai Kasang mung nanhte hpe chye nga sayang me, n-gun kya ai hte matsan mayan re ai nat minla ni a hpang de nanhte hpa rai nhtang mat wa mayu myit ta?

TARA JAHPRANG 13:17

Shing rai yang jahten sharun kau na matu daw dan da sai mare na arai hpa hpe mung nanhte a matu hkum mazing la nga myit. Shaloi dai Madu gaw masin kawp nna matsan dum ai myit nanhte hpe madun dan na ra ai. Dai ni ngai nanhte hpe jaw made ai shi a hkang da ai ga ni yawng hpe madat mara hkan sa nna shi hpyi ai hte maren galaw ai rai yang, shi gaw nanhte a nji nwa ni hpe ga sadi tawn da nu ai hte maren nanhte hpe matsan dum nna law htam ai amyu masha shatai na rai wu ai.

TARA JAHPRANG 15:9

Jaw ra ai hka ni hpe shaprai kau ya ai shaning ladaw du wa magang ra ai majaw arai lama ma shi hpe hkoi shap ya na matu lit hkum li dum myit. Dai zawn re ai n hkru n shawp ai myit mang lam nanhte a kraw hta hkum rawng shangun nga myit. Shi hpe hkoi shap ya na matu nanhte ningdang kau ai rai yang, dai Madu hpe shi jahtau shaga ai majaw mara jaw hkrum na rai myit dai.

HEBRE 10:39

Anhte gaw sit htingnut nna mat mat ai masha ni n re ai sha, kam sham nna hkye hkrang la hkrum ai ni rai nga ga ai.

YAWSHU 23:6

Dai rai nna Mawshe a Tara Laika hta ka da sai lam magup hte hpe sadi sahka hte madat mara let hkan galaw shatup nga mu. Kaning re ai tara daw hpe mung n gawn n sawn hkum rai myit.

2 PETRU 2:21

Ding hpring ai lam hpe chye chyang la nhtawm shanhte hpe ap ya da sai dai chyoi pra ai hkang da ai ga hpe tawt lai kau ai hta, dai lam hpe n chye ai sha nga na mahtang gaw grau mai nga ai.

1 YAWHAN 2:19

Ndai masha ni gaw galoi mung anhte a kanawn mazum ai hte n seng ai ni rai ma ai majaw, anhte kaw na shanhte pru mat wa ma ai, anhte a kanawn mazum ai hte seng ai ni rai ma taw gaw shanhte gaw anhte hte rau nga nga na ma ai. Rai ti mung shanhte nlang anhte hte kaja wa n seng ai lam dan leng wa u ga, shanhte pru mat wa ma ai.

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.