SHAKAWN KUNGDAWN 101:1 - Jinghpaw Common Language Bible 2009

¹ O Madu e, nye a mahkawn ga gaw sadi dung ai hte teng man ai lam rai nga ai, dai hte, ngai nang hpe mahkawn mangoi nngai.

Jinghpaw Hanson Version Bible

¹ Chyeju hte tara dara ai lam ngai mahkawn mangoi na nngai: Yehowa e, ngai nang hpe shakawn na nngai.

SHAKAWN KUNGDAWN 101:1 ပူးပေါင်းရင်းမြစ်များ

SHAKAWN KUNGDAWN 145:7

Shanhte gaw na a mai kaja ai lam yawng hte hpe tsun dan na mara ai; na a matsan dum ai lam hpe shanhte mahkawn shakawn na mara ai.

SHAKAWN KUNGDAWN 51:14

Karai Kasang e, nye a asak hpe shalawt ya nna, ngai hpe hkye hkrang la e; na a ding man ai lam hpe ngai kabu gara htawn tsun nga na nngai.

SHAKAWN KUNGDAWN 89:1

O Madu e, na a dinggrin tsaw ra myit a lam hpe ngai tut nawng e, mahkawn mangoi nga na nngai; na a sadi sahka hpe ngai htani htana htawn tsun nga na nngai.

SHAKAWN KUNGDAWN 92:2

mahku pyaw ai tingse, sumri rawng ai madum sumpyi ni hte jahpawt manap shagu na a dinggrin tsaw ra myit hte shana shagu na a sadi sahka lam ni hpe htawn tsun dan ai gaw, kade wa mai kaja nga a hka!

SHAKAWN KUNGDAWN 97:8

Madu e, nang tara jeyang ai a majaw, Ziun amyu masha ni kabu gara nga ma ai, Yuda mung na mare ni mung kabu jahtau nga ma ai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

ROMA 11:22

Ndai kaw Karai Kasang gaw gade daram matsan dum lama chye ai hte gade daram laja lana ari jaw chye ai wa re ai hpe anhte mu lu ga ai. Shi gaw yubak mara galaw ai ni hpe laja lana ari jaw nga ai rai ti mung nanhte gaw shi a matsan dum lama ai lam hpe hkam la ai lam hta matut nna ging dan hkra hkawm sa ai rai yang, shi gaw nanhte hpe matsan dum lama nga na ra ai. Rai ti mung nanhte mung shi a matsan dum lama ai hpe hkam la ging ai ni n tai myit yang gaw nanhte mung, gyi kau ai hkrum na marin dai.