SHAKAWN KUNGDAWN 100:3 - Jinghpaw Common Language Bible 2009

³ Dai Madu gaw Karai Kasang rai nga ai hpe yin la mu. Shi anhte hpe hpan da mi ai rai nna, anhte mung shi hte seng ai ni rai nga ga ai; anhte gaw shi a amyu masha ni rai nna, shi a sagu hpung ni rai nga ga ai.

Jinghpaw Hanson Version Bible

³ Yehowa gaw Karai Kasang rai nga ai, chye mu: Shi anhte hpe hpan da mi ai rai nna, Anhte shi a masha ni rai nga ga ai; Shi a amyu hte shi a udat na sagu hpung, anhte rai nga ga ai.

SHAKAWN KUNGDAWN 100:3 ပူးပေါင်းရင်းမြစ်များ

2 HKAWHKAM 19:19

Ya chyawm gaw anhte a Madu Karai Kasang e, anhte hpe Asuri ni a lata kaw nna mawai la mi; shaloi mungkan ga na masha amyu ni yawng hte gaw nang chyu sha Madu Karai Kasang rai nga ai hpe chye wa na mara ai,” ngu nna hpyi wu ai.

1 HKAWHKAM LABAU 16:14

Dai Madu gaw anhte a Karai Kasang rai nga ai; shi a hkang da ai tara ni mungkan ting a matu rai nga ai.

YOBA 10:3

Na a matu grai di gumshem ai gaw jaw a ni? Nang nan hpan da ai arai hpe hpa majaw yu matsat kau n ta? N hkru ai masha ni a yaw shada ai lam ni hta hpa majaw yu myit dik nga n ni?

SHAKAWN KUNGDAWN 119:73

Nang ngai hpe hpan da nna shim lum ai hte tawn da nga ndai; na a tara ni hpe sharin la lu n ga, chye chyang ai nyan ngai hpe jaw ya e.

SHAKAWN KUNGDAWN 149:2

Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

SHAKAWN KUNGDAWN 46:10

Shi gaw, “Gasat gala ai lam hpe jahkring kau mu, ngai gaw masha amyu baw ni a ka-ang e mung, mungkan ting a Karai Kasang rai nga nngai hpe mung chye mu,” ngu nna tsun wu ai.

SHAKAWN KUNGDAWN 78:52

Dai hpang, shi gaw shi a amyu masha ni hpe sagu rem ai wa zawn, woi wa nna; shanhte hpe nam mali hku woi lakawn wa mu ai.

SHAKAWN KUNGDAWN 79:13

Shaloi, anhte na a amyu masha ngu ai na a sagu hpung na sagu ni, nang hpe htani htana chyeju dum nga na ga ai hte, du wa na aten ahkying yawng hta mung, chyeju shakawn nga na ga ai law.

SHAKAWN KUNGDAWN 95:3

Kaning rai nme law, Madu gaw Chyahtum Chyalai n-gun rawng ai Karai Kasang, karai ni yawng a ntsa e up nga ai n-gun hte hpring ai hkawhkam wa rai nga ai.

PRU MAT 6:7

Ngai gaw nanhte hpe nye a amyu masha majing hku shatai la nna, nanhte a Karai Kasang tai na nngai. Ngai gaw Egutu mung mayam prat kaw na nanhte hpe shalawt dat ai nanhte a Karai Kasang dai Madu rai nga ai hpe nanhte chye lu na marin dai.

HPAJI NINGLI 12:1

Dai rai nna, ram prat naw rai nga yang, nang gaw, “Asak hkrun lam hpe ngai n ra sharawng nngai,” ngu nna myit ru myit tsang ai nhtoi ni hte shaning ni garai n du yang, na a Hpan Wa Ningsang hpe adum nga u.

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

ESAIA 63:19

Nang gaw anhte hpe anhte a mung du galoi mung n tai yu ai wa zawn mung, anhte gaw na a amyu masha ni galoi mung n tai yu ai ni zawn di nga ndai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

EZEKELA 34:11

“Ngai nan nye a sagu ni hpe hkan yu nna shanhte hpe lanu lahku na nngai ngu nna Tsaw Htum ai dai Madu ngai nan nanhte hpe tsun nga nngai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

2 KORINHTU 4:6

Yesu Hkristu a myi man hta htoi tu ai hpung shingkang a lam nanhte chye chyang u ga, anhte a myit masin hta nhtoi jahtoi ya ai Karai Kasang gaw, “Nsin hta na nhtoi htoi na ra ai,” nga nna tsun ai Karai Kasang shi nan rai nga ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

TARA JAHPRANG 32:15

“Dai Madu a amyu masha ni sut su wa ti mung, gumlau hpyen she nhtang tai; mu mai ai lusha hte shanhte hpum sau ma ai. Shanhte a hpan Madu Karai Kasang hpe kabai kau ma ai; chyalai n-gun hte hpring ai hkye madu hpe ningdang kau ma ai.

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

TARA JAHPRANG 4:35

Dai Madu chyu sha Karai Kasang rai nga ai hte shi hta kaga karai shaje n nga nga ai hpe sakse hkam na matu, dai Madu gaw ndai lam madun dan nu ai.

TARA JAHPRANG 4:39

Dai rai nna dai Madu gaw sumsing lamu hte ginding aga ntsa na Karai Kasang rai nga ai hpe myit dum ai hte galoi mung hkum malap kau nga myit. Karai shaje n nga nga ai.

TARA JAHPRANG 7:9

Dai Madu nanhte a Karai Kasang gaw shi chyu sha Karai Kasang rai nga ai hpe adum nga mu; shi gaw kang ka re ai wa rai nga ai. Shi hpe tsaw ra ai hte shi a hkang da ai ga ni hpe hkan sa madat mara ai ni hpe chyawm gaw prat ban hkying mun du hkra shi a dinggrin tsaw ra myit madun dan let shi a ga shaka hpe shatup na rai wu ai;

1 PETRU 2:25

Nanhte gaw lam dam mat ai sagu ni zawn rai nga myit dai; ya chyawm gaw sagu rem wa hte nanhte a myit masin ni hpe up madu da ya ai wa a hpang e hkan nang na matu shi hpang de bai woi du wa manit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.

1 YAWHAN 5:20

Karai Kasang a Kasha gaw du sa ra ai rai nna, teng man ai Karai Kasang hpe chye chyang lu ai myit, shi anhte hpe jaw da mi ai hpe anhte chye ga ai. Anhte gaw Kasha Yesu Hkristu hte langai sha tai nna hkrung nga ga ai majaw, teng man ai Karai Kasang hte mung langai sha tai nna hkrung nga ga ai. Dai wa gaw teng man ai Karai Kasang hte n htum n wai asak mung rai nga ai.