SHAKAWN KUNGDAWN 100:2 - Jinghpaw Common Language Bible 2009

² Madu hpe kabu gara ai hte nawku daw jau nga mu; shi a man de, kabu gara mahkawn let shang mu!

Jinghpaw Hanson Version Bible

² Yehowa hpe kabu gara ai hte daw jau nga mu, Shi a man de mahkawn mangoi let shang mu.

SHAKAWN KUNGDAWN 100:2 ပူးပေါင်းရင်းမြစ်များ

1 HKAWHKAM 8:66

Ya matsat ya ngu na shani hta Shawlumon gaw amyu masha ni hpe nta de wa kau shangun nga ai. Shanhte mung shi hpe shakawn kungdawn let shi a shangun ma Dawi hte shi a amyu masha Israela hpe dai Madu shaman ya ai chyeju yawng a majaw kabu gara ai hte tinang nang a dum nta de wa mat wa ma ai.

2 HKAWHKAM LABAU 29:30

Hkawhkam wa hte amyu baw a ningbaw ni gaw Dawi hte myihtoi Asap ka jahtuk da sai shakawn mahkawn ga hte dai Madu hpe mahkawn shakawn na matu Lewi masha ni hpe tsun mu ai. Dai rai nna masha shagu hte gaw nachying kabu gara ai hte mahkawn let Karai Kasang hpe lahput hput di ai hte nawku ma ai.

2 HKAWHKAM LABAU 31:2

Hkawhkam Hezekia gaw hkinjawng hte Lewi masha ni hpe hpung hpaw shagrin da ya nga ai rai nna shanhte langai hte langai tinang ang ai hpung hta laksan bungli lit lu nga ma ai. Shing re ai bungli lit ni hta wan nat hkungga hte mahku hkungga ni hpe nawng ya ai lam, Nawku Htingnu kata nawku ai hta shang lawm ai hte Nawku Htingnu kata hta shakawn kungdawn let chyeju dum ai lam amyu myu lawm nga ai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 71:23

Na matu tingse dum ai shaloi, kabu gara ai hte ngai jahtau na nngai; nang ngai hpe hkye hkrang la nit dai majaw, nye a myit masin, hkum hkrang mahkra hte, ngai mahkawn na ring ngai.

SHAKAWN KUNGDAWN 95:2

Shi a man e, chyeju dum let anhte shang nna, mahkawn mangoi ga hte shi hpe kabu gara shakawn ga.

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 16:14

Nanhte a kashu kasha ni, shangun ma ni, nanhte a mare hkan nga ai Lewi ni, maigan masha ni, jahkrai nmai ni hte gaida gaina ni hte kabu gara lu na rai myit dai.

TARA JAHPRANG 28:47

Dai Madu gaw nanhte hpe lam magup shaman ya manit dai; rai ti mung nanhte shi hpe kabu gara ai myit hte n daw n jau myit dai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.