SHAKAWN KUNGDAWN 100:1 - Jinghpaw Common Language Bible 2009

¹ Mungkan ga yawng hte e, dai Madu hpe mahkawn mangoi nga mu!

Jinghpaw Hanson Version Bible

¹ Mung shagu Yehowa hpe kabu jahtau nga mu.

SHAKAWN KUNGDAWN 100:1 ပူးပေါင်းရင်းမြစ်များ

SHAKAWN KUNGDAWN 145:1

Nye a Karai Kasang hte hkawhkam wa e, na a galu kaba ai lam hpe ngai htawn tsun nga na nngai; ngai nang hpe htani htana prat dingsa chyeju shakawn nga na nngai.

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

SHAKAWN KUNGDAWN 47:1

Masha amyu yawng hte e, kabu gara ai hte lahpawk dum mu! Nsen sharawt ai mahkawn mangoi ga ni hte Karai Kasang hpe shakawn mu!

SHAKAWN KUNGDAWN 47:5

Karai Kasang gaw shi a tingnyang de lung nga ai. Dai Madu lung wa yang, kabu gara jahtau garu ai nsen hte pahtau dum ai nsen ni hpe na lu nga ai.

SHAKAWN KUNGDAWN 66:1

Amyu masha ni yawng hte e, Karai Kasang hpe kabu gara jahtau garu ai hte shakawn nga mu!

SHAKAWN KUNGDAWN 66:4

Ga ntsa e shanu nga ai masha shagu hte gaw nang hpe nawku daw jau ma ai; shanhte gaw nang hpe mahkawn shakawn nga ma ai, na a mying nsang hpe shanhte mahkawn shakawn nga ma ai,” nga nna Karai Kasang hpe tsun ma ai.

SHAKAWN KUNGDAWN 67:4

Masha amyu ni hpe teng man ai tara hte nang jeyang ya nna; mungkan ga na amyu baw ni yawng hte hpe lam woi nga ndai majaw, amyu baw ni yawng kabu gara ai hte mahkawn shakawn nga mu ga.

SHAKAWN KUNGDAWN 68:32

Mungkan ga na mungdan ni e, Karai Kasang hpe shakawn mu; moi chyaloi nhkoi kaw nna nga nga sai lamu hta jawn nga ai Madu hpe mahkawn shakawn mu. Nsen kaba hte jahtau dat ai shi a nsen hpe madat mu.

SHAKAWN KUNGDAWN 98:4

Mungkan ga ting, dai Madu hpe kabu gara mahkawn nga mu; shi hpe mahkawn mangoi let kabu gara jahtau nga mu!

ZEHPANI 3:14

Israela amyu masha ni e, kabu gara mahkawn mangoi ai hte jahtau garu nga mu! Yerusalem e, na a myit masin mahkra hte kabu awng sharawng nga u!

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

LUKA 19:37

Ya Yerusalem mare du magang yang na Tsanlun bum kadawng yu ai shara kaw du yang, shi a sape hpung masha ni yawng gaw, shanhte mu yu sai magam atsam amu ni yawng a majaw, kabu gara let nsen kaba hte Karai Kasang hpe chyeju dum let shakawn kungdawn ma ai gaw:

ROMA 15:10

Bai Chyum Laika hta, “Maigan amyu ni e, Karai Kasang a amyu masha ni hte rau kabu gara nga mu!,” nga nna mung,

TARA JAHPRANG 32:43

“Masha amyu baw ni e, nanhte gaw dai Madu a amyu masha ni hpe shakawn lu na rai myit dai; shanhte hpe sat ai ni yawng ari jaw ai hkrum na rai ma ai. Gumlau hpyen ni hpe shi matai htang nna, shi a amyu masha ni galaw shut ai yubak mara hpe raw dat ya na rai wu ai.