SHAKAWN KUNGDAWN 10:9 - Jinghpaw Common Language Bible 2009

⁹ Shi gaw hkanghkyi langai zawn lagyim shara hta la nga nhtawm; matsan mayan ni hpe gamu rim la na shi la nga let, shi gaw shi a mahkam hta shanhte hpe rim bang ai hte shanhte hpe tsan tsan de garawt mat wa wu ai.

Jinghpaw Hanson Version Bible

⁹ Hkanghkyi gaw shi a lungpu hta zawn, makoi ai shara hta e shi gyem nga ai: Matsan mayan ni hpe kamu la na shi gyem nga ai; Shi a sumgawn gang karawt yang, matsan mayan wa mung lawm nga ai.

SHAKAWN KUNGDAWN 10:9 ပူးပေါင်းရင်းမြစ်များ

SHAKAWN KUNGDAWN 109:31

Hpa majaw nga yang, shi gaw matsan mayan wa hpe makawp maga ya nna; shi hpe si na tara daw dan ya ai ni a lata kaw nna hkye hkrang la ai majaw rai nga ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 140:5

Gumrawng gumtawng ai masha ni nye a matu mahkam hkam da nga masai; shanhte ngai hpe rim la na matu, lam e sumgawn nep da nna, mahkam galaw da nga masai.

SHAKAWN KUNGDAWN 17:12

Shanhte ni gaw hkanghkyi ni zawn ngai hpe ashep ashin di nna, gang amya je kau na matu, gyem ai hte la nga ma ai.

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 37:14

Matsan mayan ni hte ra kadawn ai ni hpe mung, teng man ai amu galaw ai masha ni hpe mung sat kau na nga; n hkru n shawp ai ni gaw shanhte a nhtu ni hpe shaw nna, ndan ni hpe shachyen nga ma ai;

SHAKAWN KUNGDAWN 59:3

Yu u! Shanhte gaw ngai hpe sat na matu ala nga ma ai; mazut ai masha ni ngai hpe hkap daw na matu zup hpawng nga ma ai. O Madu e, shanhte gaw shanhte a shara ni hta gasat na matu jin jin rai nga ai lam gaw, ngai galaw shut kau sai shut hpyit lam, shing n rai, yubak a majaw mung n rai, dai sha n ga, nye a mara langai ngai a majaw mung n rai nga ai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 22:16

Sut gan shalaw na matu, matsan mayan wa hpe dip gamyet da nna sut su ai ni hpe kumhpa nang jaw ai rai yang, nang hkum nan matsan mayan hkrum na ra ai.

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

ESAIA 3:15

Nanhte hta nye a amyu masha ni hpe agrawp mani kau na hte matsan mayan masha ni hpe zai hku nna dip gamyet sha na ahkang hpa mung n lu myit dai. Ngai Chyahtum Chyalai N-gun rawng ai Tsaw Htum ai Madu nan tsun ni ai.”

ESAIA 32:7

Myit n su ai wa gaw n hkru nga ai rai nna n hkru ai amu ni galaw nga ai; shi gaw matsan mayan masha ni hpe masu magaw ga hte jahten sharun na hte shanhte a ahkaw ahkang ni hpe hkum shingdang na matu maw mawn chye nga ai.

YEREMIA 5:26

“N hkru ai masha ni gaw nye a amyu masha ni hta shanu lawm nga ma ai; shanhte gaw ntsa malen u ni hpe rim na matu sumgawn ni hpe jahkrat da ai masha ni zawn la lagyim ma ai. Rai ti mung shanhte gaw masha rim na matu shanhte a mahkam ni hpe tawn da manu ai.

SHARUNG SHAYAWT 3:10

Shi gaw ngai hpe htim amya na tsap zawn ala nga nna, hkanghkyi zawn nye a ntsa e htim gamyet da ni ai.

EZEKELA 22:29

Sut su ai ni gaw maw lu maw sha ai hte hpya lu hpya sha nga ma ai. Shanhte gaw matsan mayan hkrum hkra nga ai ni hpe pagawn mi di nna, maigan manam ni hpe zai hku adip arip di ma ai.

AMO LAIKA (AMOS) 3:4

Hkanghkyi gaw nam maling kata e htim na shan shi n mu yang shabam ga a ni? Hkanghkyi uram gaw shahpa n lu rim yang, shi a nhkun kata e nying ga a ni?

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

HABAKU 1:15

Babelon masha ni gaw chyinghkyi ni hte nga myek la ai zawn masha ni hpe mahkai la nga ma ai. Shanhte gaw sumgawn hte dagup gang la nna, shanhte lu rim la ai hpe kabu jahtau nga ma ai!

HABAKU 3:14

Anhte hpe shabra kau na nga, laru bungga zawn ahpawt du wa nna, matsan mayan masha ni hpe machyi shim ai hku dip gamyet sha na yu kabu nga ai shaloi, na a pala ni dai hpyen hpung woi awn ai hpyendu wa hpe galun htinggrang kau nga nit dai.

ZEHKARIA 11:3

Mung up salang ni jahtau let yawn ma ai; shanhte a hpung shingkang htum mat manu ai! Hkanghkyi ni a shabam ai nsen hpe madat u; Yawdan hka mayan hku na shanhte a maling nta hten za mat sai!

YAWHAN 10:12

Nchyang sha re ai wa gaw, sagu rem mung n rai, sagu madu mung n re ai majaw, chyahkyawn ni sa wa ai mu jang, sagu ni hpe kau da nna hprawng mat wa nga ai, chyahkyawn mung sagu ni hpe hpya sha nna shabra kau nga ai.

KASA 23:21

Rai ti mung shanhte ra ai hku hkum hkraw ya et, hpa majaw nga yang lam e masha mali shi jan shi hpe hkap rim na makoi nga na ma ai. Shanhte gaw Pawlu hpe garai n sat lu lu gaw hpa mung n lu n sha na, nga nna dagam shaka da ma ai. Ya pyi na a ahkang hpe ala let, ndai amu galaw na jin jin rai nga masai,” ngu wu ai.