SHAKAWN KUNGDAWN 10:8 - Jinghpaw Common Language Bible 2009

⁸ Shi gaw mara n kap ai masha ni hpe sat na lagyim la nga let, kahtawng ni hkan, shi hkum shi makoi nga ai; shi gaw karum la lam n nga ai ru yak hkrum ai ni hpe kin-yu yu nga ai.

Jinghpaw Hanson Version Bible

⁸ Kahtawng ni a gyam yu ai shara hta e shi dung nga ai, Makoi ai shara hta mara n kap ai ni hpe sat kau mu ai. Shi a myi nji nmu nga ai ni hpe azi yu nga mu ai.

SHAKAWN KUNGDAWN 10:8 ပူးပေါင်းရင်းမြစ်များ

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

YOBA 24:14

Masha sat ai wa gaw nhtoi htoi jang rawt nna, matsan mayan ni hpe sat na nga, pru sa wa ai, shi gaw shana e hkan lagu hkawm nga ai.

SHAKAWN KUNGDAWN 17:11

Ngai kayin hkawm ai shara shagu hte hta, ya e, shanhte ngai hpe wang shinggrup nga ma ai; ngai hpe gang jahkrat lu na ginjang hpe shanhte sin yu nga ma ai.

SHAKAWN KUNGDAWN 94:6

Shanhte gaw gaida jan ni hte jahkrai ma ni hpe sat nga ma ai hte, anhte a lamu ga hta nga ai tsasam manam ni hpe mung htau kau ma ai.

GA SHAGAWP 24:15

Tara malang ai masha wa hpe hpya kau nna, shi a nta hpe kashun la kau ya na matu maw mawn ai, dai tara n lang ai masha wa zawn, hkum rai nga et.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

HABAKU 3:14

Anhte hpe shabra kau na nga, laru bungga zawn ahpawt du wa nna, matsan mayan masha ni hpe machyi shim ai hku dip gamyet sha na yu kabu nga ai shaloi, na a pala ni dai hpyen hpung woi awn ai hpyendu wa hpe galun htinggrang kau nga nit dai.

LUKA 10:1

Dai hpang, dai Madu gaw, sape kaga marai sanit shi lahkawng hpe lata san da nna, marai lahkawng yep yep di nhtawm, shi nan sa wa magang nga ai mare hte shara shagu de, shi a shawng e shangun dat wu ai.

LUKA 8:1

Dai hpang gade n na yang, Yesu gaw Mare ni hte kahtawng ni de du hkawm sa nna, Karai Kasang a Mungdan lam Kabu Gara Shiga ni hpe hkaw tsun nga ai. Sape shi lahkawng hte mung shi hte rau hkawm sa ma ai.

TARA AGYI 9:25

Shehkem masha ni gaw Abimelek hpe mayun gyam na matu, bum pungding hkan e masha tawn da ma ai rai nna dai lam hku bu hkawm lai wa ai masha shagu hte hpe hkap hpya la ma ai. Dai lam Abimelek hpe shana ya ma ai.

1 SAMUELA 22:18

Dai rai nna Shawlu gaw Doeg hpe, “Shanhte hpe sat kau u,” ngu nna tsun dat wu yang, Doeg mung shanhte yawng hpe sat kau wu ai. Dai shani e, atsam rawng nna hpa hkai lawng hpun ai hkinjawng matsat shi manga hpe sat kau wu ai.

1 SAMUELA 23:23

Dai re ai majaw, shi makoi nga ai shara ni hpe tup hkrak sagawn la lu jang mahtang, ngai kaw ading tawk shiga bai wa jaw mi. Shaloi ngai nanhte hte rau pru sa wa nna, dai ginwang hkan shi naw nga ai rai yang, Yuda mung ting ngai hkan sawk nna shi hpe hkan shachyut tam la na nngai,” ngu nna tsun wu ai.