SHAKAWN KUNGDAWN 10:7 - Jinghpaw Common Language Bible 2009

⁷ Shi a tsun shaga ai ga hta dagam dala, masu magaw hte jahkrit shama ai ga ni hte hpring nga ai; shi gaw n dawng ai hte n hkru ai ga ni hpe tsun na lawan nga ai.

Jinghpaw Hanson Version Bible

⁷ Shi n-gup, matsa mawa, hkalem sha ai, kashun kashe ai hte hpring nga lu ai. Shi a shinglet npu e n shawp ai hte shut hpyit ai rawng nga lu ai.

SHAKAWN KUNGDAWN 10:7 ပူးပေါင်းရင်းမြစ်များ

YOBA 15:35

Dai ni gaw ru yak tsin-yam tsindam maw mawn nna n hkru ai amu galaw ai ni rai nga ma ai; shanhte a myit kraw lawang ni hta masu hkalem ai ga ni hte tut nawng hpring nga ai.

YOBA 20:12

N hkru ai gaw shanhte a matu grai dwi sau nga nna, de a namchyim hpe kabu gara ma-ut lu na matu shi a n-gup hta nkau mi ma-um da nga ai.

SHAKAWN KUNGDAWN 12:2

Shanhte yawng hte gaw shada da masu ga tsun ma ai; shanhte gaw shada da abawk ai ga hte hkalem nga ma ai.

SHAKAWN KUNGDAWN 140:3

Shanhte a shinglet ni gaw gung rawng ai lapu zawn rai nga nna, shanhte tsun shaga ai ga ni mung pu mawp a atuk zawn rai ma ai.

SHAKAWN KUNGDAWN 140:9

Nye a gumlau hpyen ni hpe awng padang hkum lu shangun nga et; ngai hpe jahkrit shama ai lam yawng mayawng mung shanhte a ntsa e, bai hkrat wa mu ga.

SHAKAWN KUNGDAWN 144:11

Gumshem ai nye a gumlau hpyen ni a lata kaw nna ngai hpe hkye hkrang la e; tsasam masha ni a n-gun atsam kata kaw nna mung ngai hpe hkye hkrang la e; shanhte gaw teng man ai ga hpe galoi mung n tsun nga ma ai hte dagam ga hte ga shaka la tim pyi shanhte masu ai ga ni hpe naw tsun nga ma ai.

SHAKAWN KUNGDAWN 144:8

Shanhte gaw teng man ai ga hpe, galoi mung n tsun nga ma ai; teng man ai ga tsun na matu, dagam ga hte ga shaka tawn sai rai ti mung, shanhte naw masu nga ma ai.

SHAKAWN KUNGDAWN 36:3

Shi a tsun shaga ai ga gaw n hkru n shawp ai hte masu magaw ga ni hte hpring nga ai; hpaji rawng ai lam hte mai kaja ai lam hpe shi kachyi mi mung n galaw nga ai.

SHAKAWN KUNGDAWN 41:6

Ngai kaw sa chyai ai ni gaw myit kaja ai hte n sa ma ai; shanhte gaw nye a lam hte seng ai n kaja ai shiga hpe mahkawng shinggyin nna shara shagu de dai lam hpe tsun shabra ma ai.

SHAKAWN KUNGDAWN 5:9

Nye a gumlau hpyen ni tsun ai hpa lam hpe rai tim, galoi mung n mai kam nga ai; shanhte gaw jahten kau na matu sha, ra sharawng nga ma ai. Shanhte tsun shaga ai ga ni gaw dwi sau nna abawk shatsawm lu nga ma ti mung, dai ni gaw hkrit tsang mai ai hkalem ga ni hte hpring nga ai.

SHAKAWN KUNGDAWN 50:19

“Nang gaw n hkru ai ga shaga na matu, tut nawng e, jin jin rai nga ndai; masu magaw ga ni hpe tsun shaga na, nang galoi mung lit li nga ai n rai.

SHAKAWN KUNGDAWN 52:4

Masu magaw ai wa e, nang gaw na a n-gup ga ni hte masha kaga ni hpe myit machyi mat hkra, tsun na hpe ra sharawng nga ndai!

SHAKAWN KUNGDAWN 55:21

Shi a n-gup aga ni gaw htawbat hta grau manen nga ai; shi a myit masin kata hta n dawng ai myit rawng nga ai; shi tsun ai ga hkum ni gaw namman hta grau kya nga ti mung, dai ai nhtu zawn, gadoi di lu nga ai.

SHAKAWN KUNGDAWN 58:3

N tara ai masha ni gaw shanhte a asak hkrun lam yawng hta shut hpyit ai hku hkawm sa nga ma ai; shanhte gaw shangai wa ai shani kaw nna masu magaw ai ga ni hpe tsun nga ma ai.

SHAKAWN KUNGDAWN 59:12

Yubak gaw shanhte a nten ni hta rawng nga ai, shanhte tsun shaga ai ga ni yawng mung yubak hkrai rai nga ai. shanhte gaw dagam dala ga hte masu magaw ga ni hpe tsun nga ma ai majaw; shanhte a gumrawng gumtawng ai mahkam hta ahkang nga mu ga!

SHAKAWN KUNGDAWN 59:13

Na a masin kahtet ai hte shanhte hpe shamyit kau u, shanhte hpe atsai awai shamyit kau u. Shaloi, Karai Kasang gaw Israela hpe up hkang nga ai lam hpe masha shagu chye wa nna, shi a up hkang ai gaw mungkan ga ting a ntsa e, maden jat wa na ra ai.

SHAKAWN KUNGDAWN 62:4

Shi hpe shagrau shatsaw da ai shara kaw nna chyu sha nanhte shi hpe gang jahkrat kau mayu nga myit dai, nanhte gaw masu magaw ga tsun na hpe ra sharawng nga myit dai. Shaman ga ni hpe nanhte tsun nga myit ti mung, nanhte shi hpe nanhte a myit masin kata kaw nna dagam dala ga tsun nga myit dai.

SHAKAWN KUNGDAWN 64:3

Shanhte gaw shinglet ni hpe nhtu ni zawn garang shadai nna; mazut ai ga ni hpe pala ni zawn shading da nga ma ai.

SHAKAWN KUNGDAWN 7:14

Tara n lang ai ni gaw n hkru ai lam hpe kaning rai myit shapraw nga ma ai hpe yu yu mu. Shanhte gaw makyin madut ru tsang lam hpe maw mawn nna, hkalem hkalau lam hpe hkan galaw nga ma ai.

SHAKAWN KUNGDAWN 73:8

Shanhte gaw kaga masha ni hpe mani asawng nna n hkru n hkra ai lam ni hpe tsun nga ma ai. shanhte gaw gumrawng gumtawng nga ma ai hte, kaga masha ni hpe dip gamyet sha na lam maw mawn nga ma ai.

GA SHAGAWP 21:6

N teng n man ai hku, nang lu la ai sut gan ni gaw gade n na yang mat mat na ra ai rai tim, dai garai n mat mat yang, dai sut gan gaw nang hpe si du a shakap kata de woi sa mat wa na ra ai.

GA SHAGAWP 30:8

Masu magaw ga tsun ai kaw na, ngai hpe shatsan shagang kau ya e; sut su ai hte matsan ai mung, ngai hta n rai u ga. Dai majaw ngai hta ra kadawn nga ai shat lusha hpe sha, ngai hpe jaw ya e.

ESAIA 59:4

Nanhte tara rung de sa myit dai, rai ti mung nanhte a hpang maga de teng man rap ra ai tara n nga nga ai. Na a amu awng hkra nga, nang gaw masu magaw ga ni hta shamyet shanat nga ndai. Nang gaw masha kaga wa hpe machyi hkra shangun na matu, na a yaw shada lam ni hpe maw mawn nga ndai.

YEREMIA 9:3

Shanhte gaw tut nawng masu magaw ga tsun na jin jin rai ma ai; teng man ai a malai n ding n man ai hte mungdan up ma ai. Dai Madu gaw, “Nye a amyu masha ni n hkru ai amu langai hpang langai galaw nna ngai hpe mung shanhte a Karai Kasang hku n yin la ma ai,” ngu nna tsun ai.

AMO LAIKA (AMOS) 8:4

Ra kadawn ai ni hpe kabye dip ai hte mungdan na matsan mayan masha ni hpe jahten sharun shakut nga ai nanhte gaw ndai ga madat mu.

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.