SHAKAWN KUNGDAWN 10:5 - Jinghpaw Common Language Bible 2009

⁵ Tara n lang ai wa gaw lam shagu hta awng dang nga ai. Shi gaw Karai Kasang a tara dara ai lam ni hpe n chye na lu nga ai; shi gaw shi a gumlau hpyen ni hpe jahpoi asawng kau nga ai.

Jinghpaw Hanson Version Bible

⁵ Shi hkan ai hku, tutnawng e agrin nga lu ai; Na a tara dara ai lam ni, tsaw htum ai shara zawn, shi hte tsan gang nga ai: Shi a gumlau ni yawng hpe shi kawut kau mu ai.

SHAKAWN KUNGDAWN 10:5 ပူးပေါင်းရင်းမြစ်များ

NINGPAWT NINGHPANG 6:12

Karai Kasang gaw mungkan ga hpe mada yu wu yang, dai gaw n hkru n shawp ai amu hte hpring nga ai hpe mu wu ai; hpa majaw nga yang, shinggyim masha ni mahtang n hkru n shawp ai asak hkrun lam hta hkawm sa nga ma ai.

2 SAMUELA 5:6

Ya aten du jang, Hkawhkam Dawi hte shi a masha ni gaw Yerusalem mare hpe htim gasat na nga, pru sa wa ma ai. Dai mare e nga ai Yebusi masha ni chyawm gaw mare dai hpe Dawi n lu gasat dang la na zawn myit nawn da mu ai rai nna shanhte gaw shi hpe, “Nang gaw ndai de galoi mung shang lu na ndai n rai; myi kyaw ai ni hte lagaw hten ai ni pyi nang hpe lu shingdang kau lu nga ai,” ngu nna tsun ma ai.

1 HKAWHKAM 20:13

Dai aten hta myihtoi langai mi gaw Hkawhkam Ahab kaw sa nhtawm, “Dai Madu gaw dai hpyen hpung kaba hpe hkum hkrit et! Dai ni pyi shanhte hpe dang kau lu ai awng padang ngai nang hpe jaw na de ai; shaloi ngai nan dai Madu rai nga nngai hpe nang chye lu na rai ndai ngu tsun ai,” ngu nna tsun wu ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

GA SHAGAWP 1:19

Damya galaw ai wa a asak gaw damya galaw ai amu hta galoi mung sum mat chye nga ai. Dai gaw kashun kashe du daw sai hkaw ai amu hte hkrung nga ai ni hta, hkrum hkra ai lam rai nga ai.

GA SHAGAWP 15:24

Hpaji rawng ai masha ni gaw katsan ga de hkrang ai lam de n yu wa ai sha, asak hkrung ai lam de hkawm lung wa nga ma ai.

GA SHAGAWP 2:13

ding man ai asak hkrun lam hpe kau da nna, yubak a nsin hta nga hkawm nga ai masha ni,

GA SHAGAWP 2:15

kam hpa n lu ai masha ni a lata kaw nna, nang hpe mawai la na ra ai.

GA SHAGAWP 24:1

N hkru ai masha ni hpe hkum yu manawn et; shanhte hte jinghku hku na hkum shakut et.

ESAIA 10:1

Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 28:15

Nanhte gaw si hkrung si htan hte ga shaka tawn da nna katsan ga hte myit hkrum da ai hta shakawng nga myit dai. Nanhte gaw shim ai shara hta shingbyi lu na matu masu matsa ga hte hkalem hkalau ga ni hta machyu nga ndai majaw, dai lam du wa ai shaloi, nanhte hpe ru yak tsin-yam tsindam kaw na teng teng shangam da na re ngu kam nga myit dai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 5:12

Na a lusha poi ni hta dawraw tingse, dumbu, sumpyi, larung sumhkran, hte sabyi ntsin ni lawm nga ai. Rai ti mung nang gaw dai Madu hpa galaw nga ai hpe n chye nga ndai,

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

ROMA 3:16

Shanhte hkawm sa ai shara shagu hpe jahten shaza kau ma ai.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.

TARA AGYI 9:38

Dai hpang Zebula gaw shi hpe, “Nang tsun ai ga kaba ni yawng ya kanang rai mat salit ta? Ndai Abimelek hpe anhte hpa lam a majaw daw jau ang na ga ta?, nga nna nang san yu nit dai n rai hka! Ndai masha ni gaw nang e n gawn n sawn ngu hkrum ai ni n rai nga ma hka! Ya pru sa nna shanhte hpe gasat sanu,” ngu nna tsun wu ai.