SHAKAWN KUNGDAWN 10:4 - Jinghpaw Common Language Bible 2009

⁴ Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

Jinghpaw Hanson Version Bible

⁴ Tara n lang ai wa myit kaba nna, “Shi ari jaw na n rai,” nga ai. Karai Kasang n nga ai, nga nna, myit mang nga ai.

SHAKAWN KUNGDAWN 10:4 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

YOBA 22:17

Dai ni gaw Karai Kasang hpe ningdang kau ai masha ni rai nna; shi shanhte a matu hpa n lu galaw ya nga ai, ngu kam ma ai.

SHAKAWN KUNGDAWN 101:5

Langai ngai a n kaja ai lam ni hpe kahte tsun ai wa kadai hpe rai tim, ngai shaden kau na we ai. Gumrawng gumtawng ai hte myit tsaw myit dap rawng ai wa hpe ngai hkam sharang na nngai n rai.

SHAKAWN KUNGDAWN 18:27

Shagrit shanem ai myit rawng ai ni hpe nang hkye hkrang la nga ndai; rai ti mung gumrawng gumtawng myit rawng ai ni hpe nang shagrit kau nga ndai.

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

SHAKAWN KUNGDAWN 36:1

Yubak gaw tara n lang ai masha wa a sung ai myit kraw kata hta shaga nga ai; shi gaw Karai Kasang hpe nyet kau nhtawm shi hpe hkrit hkungga ai lam hpa mung n nga ai, ngu nga ai.

SHAKAWN KUNGDAWN 53:1

“Karai Kasang n nga ai!,” nga nna angawk ai ni gaw shanhte a myit hta tsun nga ma ai. Shanhte yawng hte gaw tsam mat nga ma ai, hkrithpa amu ni hpe, shanhte galaw kau ma ai; dai teng man ai amu hpe galaw na masha kadai mung n nga nga ai.

SHAKAWN KUNGDAWN 73:11

Shanhte gaw, “Karai Kasang chye na n rai; Tsaw Htum ai Wa mu tam na n rai,” nga nna tsun ma ai.

PRU MAT 5:2

Hkawhkam wa mahtang, “Dai Madu gaw kadai wa rai nga a ta? Ngai gaw hpa majaw shi tsun ai ga hpe madat nna Israela amyu masha ni hpe dat dat na rai ni? Dai Madu hpe ngai n chye nngai. Israela amyu masha ni hpe mung ngai n dat ya lu na nngai,” ngu nna tsun wu ai.

GA SHAGAWP 21:4

Tara n lang ai masha ni gaw shanhte a myit tsaw myit dap ai hte gumrawng gumtawng ai myit ni hta up hkang da ai hkrum nga ma ai, dai gaw yubak rai nga ai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

HPAJI NINGLI 8:11

Masha gaw ru hka amu ni hpe hpa majaw aloi loi sha shut hpyit nga a ta? Hpa majaw nga yang, Ru hka amu hpe alawan ari jaw ai n rai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

ESAIA 59:7

Nang gaw tut nawng n hkru ai amu yaw shada nga ndai, dai amu galaw lu na matu nang dasang ala nga ndai. Nang gaw mara n kap ai amyu masha ni hpe sat na matu galoi mung myit kanung nga ndai n rai. Nang du ai shara shagu hkan hten run ai hte hten za ai amu hpe nang tawn da nga ndai.

ESAIA 65:2

Shut hpyit amu hpe du ja ja hte galaw nna shanhte a lam hku sha hkawm nga ai nye a amyu masha ni hpe hkalum la na matu ngai tut nawng jin jin rai nga nngai.

YEREMIA 2:31

Israela amyu masha ni e, ngai tsun nga ai ga madat mu. Ngai gaw na a matu zaibru jang zawn, nsin zawn hte hkrit hpa lamu ga langai zawn tai yu nga a ni? Dai re ai mi, nang ra sharawng ai hku nang galaw nna, ngai hpang de galoi mung n wa na nga nna hpa majaw tsun n ta?

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

ZEHPANI 1:12

Dai aten e ngai gaw pyengdin lang let, Yerusalem hpe sawk yu na nngai. Dai Madu gaw lam langai hku shing n rai lam kaga hku nna mi rai rai, lama mi hpe galoi mung galaw na n rai, nga nna shanhte hkum shanhte tsun let tinang dai myit dik nga ai ni hte madu hkum madu kam hpa nga ai masha ni hpe ngai ari jaw na we ai.

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

MARKU 7:21

Hpa majaw nga yang, masha a myit kata de nna n kaja ai myit mang ai lam ni pru wa nna, dai gaw shi hpe n hkru n kaja ai arawn alai lam ni hkan sa galaw na, masha arai lagu na, masha sat na,

KASA 8:22

Dai majaw na a n hkru n kaja maw mawn ai lam hta na myit malai lu u. Dai Madu kaw hpyi nem nga u, shing rai yang na a kraw lawang hta dai n hkru n kaja ai hku myit mang kau ai lam hpe mara raw dat ya na rin dai.

ROMA 1:21

Shanhte gaw Karai Kasang hpe chye chyang ninglen Karai Kasang hpe shagrau sha-a ang ai hte maren, n shagrau sha-a ma ai, chyeju jawm shakawn kung dawn ai lam n galaw ma ai, shanhte a myit mang ai lam gaw, lachyum n pru kaman li la sha rai mat malu ai majaw, shanhte a htauli htaula myit kaja ai myit masin ni gaw sin mak ai hte hpring chyat nga malu ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

EHPESU 2:12

Dai aten hta nanhte gaw Hkristu hte daw hka mat ai ni, Karai Kasang lata la ai amyu masha ni hta n lawm ai sumtsan masha ni, shi a amyu masha ni hpe jaw da ai ga shaka hte seng ai ga ndat ni hta tsasam ni rai nna, mungkan hta myit mada shara mung, Karai Kasang mung n lu ai sha, pra nga ai masha ni rai lai wa manit dai hpe dum nga mu.

TARA JAHPRANG 8:14

nanhte mayam sa tai nga ai Egutu mung kaw na nanhte hpe hkye hkrang la ai wa, nanhte a Madu Karai Kasang hpe malap kau nna gumrawng ai myit n rawng nga myit ga, sadi nga mu.