SHAKAWN KUNGDAWN 10:3 - Jinghpaw Common Language Bible 2009

³ Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte Madu hpe nyet kau nga ai.

Jinghpaw Hanson Version Bible

³ Tara n lang ai wa, shi myit masin ra ai hku shakawn nga ai, Lawhpa ai wa gaw Yehowa hpe kau da nna, asawng nga ai.

SHAKAWN KUNGDAWN 10:3 ပူးပေါင်းရင်းမြစ်များ

1 HKAWHKAM 20:25

Nang kaw nna hprawng htaw mat wa ai hpyen luksuk hte hpawn gumra ni hte hpyen leng ni hte maren, law hkra naw shaga tawn ga. Israela masha ni hpe layang ga e anhte gasat gaw; ndai shanhte hpe anhte dang kau na ga ai,” ngu nna tsun mu ai. Shaloi Benhadad mung shanhte a hpaji jaw ga hpe myit hkrum ya ai hte hkan sa ya wu ai.

YOBA 31:24

Ngai gaw sut gan ni hta galoi mung kam hpa ai n rai

SHAKAWN KUNGDAWN 35:21

“Nang hpa galaw da sai lam hpe anhte mu sagaw ai,” nga nna jahtau tsun let; shanhte ngai hpe mara shagun da nga ma ai.

SHAKAWN KUNGDAWN 49:18

Masha langai wa mi gaw ndai prat hta e, myit dik dum nna, shi awng dang ai amu hta shakawn ai hkrum sha nga tim pyi,

SHAKAWN KUNGDAWN 5:6

Masu magaw ga tsun ai ni yawng hte hpe nang jahten kau ndai; kashun kashe hte hkalem hkalau chye ai ni hpe nang matsat nga ndai.

SHAKAWN KUNGDAWN 52:1

Galu kaba ai masha wa e, nang gaw hpa majaw na a n hkru ai lam hta gumrawng nga n ta? Karai Kasang a tsaw ra myit gaw htani htana agrin nga ai.

SHAKAWN KUNGDAWN 94:4

Ru hka amu galaw shapraw ai ni mung galoi aten du hkra, gumrawng gumtawng lu nna grang dakat lu na rai nga ma ta?

PRU MAT 15:9

Gumlau hpyen wa gaw, ‘Ngai shanhte hpe hkan shachyut nna rim la na we ai; ngai gaw shanhte a sut gan hpe garan kau nna, ngai ra ai yawng la kau na we ai; Nye a nhtu shaw nna shanhte lu ai arai yawng hte hpe htawm la na we ai,’ ngu nna tsun wu ai.

GA SHAGAWP 28:4

Tara hpe nang n hkungga ai rai yang, nang gaw tara nlang ai masha ni a hpang maga de nga nga ndai; rai ti mung, dai tara hpe nang hkan nang ai wa rai yang chyawm gaw shanhte hte nang nhtan shai nga ai.

HPAJI NINGLI 7:15

Nye a asak hkrun lam gaw kaman lila nan rai mat sai, rai ti mung dai hta lam magup hpe ngai mu la se ai. Shanhte n hkru n hkra nga ai hte asak hkrung nga lu yang, mai kaja ai masha ni si mat chye nga ai.

ESAIA 37:23

Kadai hpe nang n kaw n law di nna asawng kau nga n ni? Nang gaw ngai, Israela a chyoi pra ai Karai Kasang hpe n gawn n sawn di kau nit dai.

ESAIA 57:17

Shanhte a yubak hte lawhpa myit a majaw ngai shanhte hpe masin pawt nngai, dai rai nna, ngai shanhte hpe ari jaw ai hte kau da nngai. Rai ti mung, shanhte gaw du ja nna shanhte a lam hku matut hkawm ma ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

JAW JAU 26:30

Kawng ntsa hkan na nanhte a nawku shara ni hpe ngai jahten sharun kau nhtawm nanhte a manam pyaw ai baw nat nawng ai tawn hkungri ni hpe hpya kau let agrawp taw nga ai hpara sumla ni a ntsa e nanhte a si mang ni hpe kabai mara da na we ai.

HABAKU 2:9

Nanhte gaw dingnye hkrum nga myit dai! Nanhte gaw tinang a dinghku hpe kashun kashe du daw sai hkaw amu shabyin nna la wa ai sut gan hte mung, nanhte a dinghku hpe machyi hkra shangun ai hte hkrit tsang shara kaw na shim hkra nga pyaw shangun ai hte mung sut su shangun nga myit hka!

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 12:19

Dai hpang, nye a myit masin hpe ning ngu na we ai, gam kaja ai masha wa e! Law law ning a matu nang ra ai arai kaja law law nang shinggyin da lu nit dai rai nna, asak hkrung ai lam hta asan apan rai nga nu, lu nu, sha nu, pyaw pyaw rai nga nu, ngu na we ai,’ nga nna shi hkum hpe shi tsun wu ai.

ROMA 1:29

Shanhte hta n hkru n kaja ai lam amyu myu, awu asin re ai lam, nam mak lawhpa ai lam, arawn alai hten ai lam, n dawng n yawt ai lam, masha sat ai, ga li ga law ai lam, hkalem hkalau ai, mara matsing da ai lam ni hpring chyat rai nga malu ai.

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

1 KORINHTU 6:10

lagu lagut galaw ai ni, nammak lawhpa ai ni, chyaru ya shang ai ni, shatan nhkan ai ni, kashun kashe rai jahkrit shagyeng sha ai ni, Karai Kasang a mungdan a sali wunli hpe hkam la lu na ma ai n rai.

EHPESU 5:5

Hpye ai wa, kaya n chye sari n rawng ai wa, nammak lawhpa ai wa, kadai rai ti mung, Hkristu hte Karai Kasang yan a mungdan hta sali kamhtaw galoi mung hkam la lu na n re ai hpe nanhte hkrak chye nga myit dai. (Hpa majaw nga yang nammak lawhpa ai lam gaw, sumla nawku ai lam amyu mi rai nga ai)

TARA JAHPRANG 29:19

Ndai dagam ga hpe dai ni, ndai yang e na ai ni lam shagu shi hte mai kaja na re ngu shi nan myit hkawn da tim, myit ja ai hte shi a lam shi hkawm ai rai yang, dai gaw kaja ai rai ti mung, n kaja ai rai ti mung nanhte yawng hpe shamyit kau na wu ai.

TARA JAHPRANG 32:19

“Dai lam hpe Madu mu nna masin kahtet pawt sindawng shi a shayi shadang sha ni hpe ningdang kau wu ai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

YAKU 4:13

“Dai ni shing n rai hpawt ni e, anhte mare langai ngai de bu hkawm sa nna dai kaw laning mi nga nhtawm hpaga ga nna ja gumhpraw law law lu hkra galaw na ga ai,” nga nna tsun ai ni e, ngai tsun ai hpe madat yu mu.

YAKU 4:16

Rai ti mung ya gaw nanhte gumrawng gumtawng ai hte shakawng shakat rai nga myit dai; shing rai shakawng shakat rai gumrawng ai lam yawng gaw shut ai lam rai nga ai.

1 YAWHAN 2:15

Dinghta ga hpe mung, dinghta ga e nga ai arai hpe mung hkum tsaw ra myit. Nanhte dinghta ga hpe tsaw ra myit yang gaw, Kawa hpe n tsaw ra myit dai.

TARA AGYI 17:2

Shi gaw shi a kanu hpe, “Marai langai ngai nang kaw na gumhpraw hkying mi latsa lagu la kau ya ai shaloi, dai lagut wa hpe nang matsa kau nga ndai. Nang dai hku galaw ai hpe ngai na nngai. Yu u, dai gumhpraw ngai lu nngai. Dai hpe la ai wa gaw ngai rai nga nngai,” ngu nna tsun wu ai. Shaloi shi a kanu gaw, “Ngai sha e, dai Madu gaw nang hpe shaman ya u ga law!,” ngu nna tsun wu ai.

1 SAMUELA 23:21

Shawlu gaw, “Nanhte ngai hpe matsan dum manit dai majaw, dai Madu gaw nanhte hpe shaman ya nga u ga law!