SHAKAWN KUNGDAWN 10:2 - Jinghpaw Common Language Bible 2009

² Tara n lang ai ni gumrawng gumtawng nga nna, matsan mayan ni hpe zingri zingrat nga ma ai; shanhte galaw da ai mahkam ni hta shanhte hpe lu shagun u.

Jinghpaw Hanson Version Bible

² Tara n lang ai ni a gumrawng ai myit majaw, matsan mayan ni hkru mat masai, Dai ni maw ai hku hta shanhte ahkang mat masai.

SHAKAWN KUNGDAWN 10:2 ပူးပေါင်းရင်းမြစ်များ

SHAKAWN KUNGDAWN 109:16

Dai masha wa matsan dum na lam, galoi mung n myit yu ai hte; shi gaw matsan mayan re ai wa, ra kadawn ai wa hte karum la na masha n lu ai ni hpe zingri sat kau nu ai.

SHAKAWN KUNGDAWN 119:122

Na a shangun ma wa hpe nang karum la na lam, ga sadi jaw e; myit tsaw myit dap ai masha ni ngai hpe hkum dip gamyet shangun et!

SHAKAWN KUNGDAWN 119:5

Na a ga matsun ni hpe hkan shatup lu hkra ngai sadi sahka rai nga lu na hpe, ngai kade wa myit mada nga a hka!

SHAKAWN KUNGDAWN 119:69

Gumrawng gumtawng ai ni nye a lam hpe masu magaw ga ni hte tsun shatan nga ma ti mung; nye a myit masin mahkra hte na a ga matsun ni hpe ngai madat mara hkan sa nga nngai.

SHAKAWN KUNGDAWN 119:85

Na a tara hpe hkan sa na matu lale ai gumrawng gumtawng masha ni ngai hpe mahkam hkam na matu, nhkun htu da nga masai.

SHAKAWN KUNGDAWN 140:5

Gumrawng gumtawng ai masha ni nye a matu mahkam hkam da nga masai; shanhte ngai hpe rim la na matu, lam e sumgawn nep da nna, mahkam galaw da nga masai.

SHAKAWN KUNGDAWN 31:18

Masu magaw ai ni, gumrawng gumtawng ai hte myit tsaw myit dap rawng nga nna, ding hpring ai masha ni a lam hpe n kaw n law nga nna tsun ai ni yawng hte hpe jasim kau u.

SHAKAWN KUNGDAWN 36:11

Gumrawng gumtawng ai masha ni ngai hpe hkum gasat shangun et, n hkru n shawp ai masha ni mung ngai hpe hkum jahtaw kau shangun et.

SHAKAWN KUNGDAWN 59:12

Yubak gaw shanhte a nten ni hta rawng nga ai, shanhte tsun shaga ai ga ni yawng mung yubak hkrai rai nga ai. shanhte gaw dagam dala ga hte masu magaw ga ni hpe tsun nga ma ai majaw; shanhte a gumrawng gumtawng ai mahkam hta ahkang nga mu ga!

SHAKAWN KUNGDAWN 7:16

Shing rai shanhte gaw shanhte galaw ai n hkru ai amu hta ari hkrum sha nna, shanhte a kashun kashe re ai amu hta machyi hkrum nga ma ai.

PRU MAT 18:11

Egutu masha ni Israela amyu ni hpe dai zawn n kaw n law di mu ai shaloi, shi gaw ndai amu ni hpe galaw nu ai majaw, dai Madu gaw karai ni yawng hta grau kaba nga ai hpe ya ngai chye ni ai,” ngu nna tsun wu ai.

PRU MAT 9:17

Rai tim, nang mahtang myit nau kaba nga ndai rai nna, nye a amyu masha ni hpe dat dat na matu n hkraw nga ndai.

GA SHAGAWP 5:22

Tara n lang ai masha wa a yubak ni gaw mahkam rai nga nna, shi gaw shi a yubak sumgawn hta rim la ai hkrum nga ai.

ESAIA 14:13

Nang gaw sumsing lamu de lung nna tsaw htum ai shagan ni a ntsa e na a tingnyang tawn da na matu, myit daw dan da nit dai. Nang gaw karai ni zup hpawng ai dingdung maga na dai bum ntsa hta e hkawhkam langai zawn dung lu na hpe myit yu nit dai.

ESAIA 14:16

Si hkrung si htan gaw azi yu nna mau mahka na ra ai. Shanhte gaw, “Ginding aga hpe ashun awam di nna de a mungdan ni hpe gari shangun ai gaw ndai masha wa rai nga a ni?

YEREMIA 43:2

Dai hpang, Hoshaia a kasha Azaria, Karea a kasha Yohanan hte myit kaba ai kaga masha ni yawng hte gaw ngai hpe, “Nang masu nga ndai, dai Madu anhte a Karai Kasang gaw Egutu mung de n sa shanu nga mu ga nga, anhte hpe tsun na matu nang hpe shangun dat ai n rai.