SHAKAWN KUNGDAWN 10:14 - Jinghpaw Common Language Bible 2009

¹⁴ Rai ti mung, ru tsang hte nni nkri hpe nang mu mada nna matsing da nga ndai hte karum la na matu, tut nawng e, jin jin rai nga ndai. Dai karum la lam n nga ai masha wa gaw shi hkum nan nang hta ap nawng shamyet shanat nga nna, nang gaw ra kadawn ai ni hpe tut nawng e, karum la nga ndai.

Jinghpaw Hanson Version Bible

¹⁴ Gaja wa nang mu mada nga ndai: na a lata hta matsing da na, N shawp ai hte shatsang ai hpe, nang a yu nga ndai; Nji nmu ai wa nang hta shamyet shanat nga ai; Jahkrai nmai ni a karum ai wa, nang tai nit dai.

SHAKAWN KUNGDAWN 10:14 ပူးပေါင်းရင်းမြစ်များ

NINGPAWT NINGHPANG 21:17

Karai Kasang mung dai ma jahtau hkrap ai nsen na wu ai rai nna, sumsing lamu na Karai Kasang a lamu kasa gaw Hagara hpe, “Hagara e, nang hpa baw ru yak tsin-yam hkrum hkra nga n ta? Hkum hkrit nga et, Karai Kasang gaw dai ma a jahtau hkrap ai nsen hpe na ya nu ai.

NINGPAWT NINGHPANG 31:12

Shi gaw, ‘Mada yu u, uli lung ai bainam la ni yawng ka ka shit shit re ai hte aprup aprap ateng apang re ai ni hkrai rai ma ai. Nang hpe Laban e galaw ai lam yawng mayawng hpe ngai mu se ai majaw ndai lam hpe ngai shabyin ai re.

2 SAMUELA 16:12

Dai Madu gaw nni nkri lam hpe yu matsing nhtawm, shi matsa ai a marang e, ngai hpe shaman chyeju nkau mi jaw ya nhten,” ngu nna tsun wu ai.

2 HKAWHKAM 9:26

‘Nabot hpe mung, shi a shadang sha ni hpe mung mani e sat kau ai hpe ngai mu nngai. Ndai sun hta e nan ngai nang hpe ari jaw na we ai.’ Yehu gaw shi a hpyen du wa hpe, “Dai Madu a ga sadi shatup na matu mung, Yoram a moi mang hpe la nna Nabot madu tawn da ai sun hta dai hpe sa kabai tawn su,” ngu nna hkang dat wu ai.

2 HKAWHKAM LABAU 24:22

Hkawhkam wa mahtang Zehkaria a kawa Yehoiada shi hta sadi dung let daw jau ai chyeju lam hpe malap kau nhtawm, Zehkaria hpe shi sat kau wu ai. Zehkaria si wa yang shi gaw, “Dai Madu gaw nang hpa galaw nga ndai hpe mada yu nna nang hpe ari jaw u ga law!,” ngu nna tsun wu ai.

2 HKAWHKAM LABAU 6:23

O Madu e, sumsing lamu hta e madat la nna na a shangun ma ni hpe jeyang mi; mara kap ai wa hpe shi hkam la ging ai hte maren ari jaw u, mara n kap ai wa hpe chyawm gaw shi hkam la ging ai hte maren mara dat ya u law.

SHAKAWN KUNGDAWN 146:9

Anhte a lamu ga hta nga ai tsasam masha ni hpe shi makawp maga ya nga ai; gaida gaina ni hte jahkrai nmai ni hpe shi karum ya nga ai, rai ti mung, tara n lang ai ni a maw mawn ai lam hpe chyawm gaw jahtum kau ya nga ai.

SHAKAWN KUNGDAWN 22:11

Ngai hpe hkum jahka da et! Ru tsang gaw ni nga ai, karum la na matu langai mi mung n nga nga ai.

SHAKAWN KUNGDAWN 31:8

Nye gumlau hpyen ni ngai hpe rim la na, nang ap ya nga ndai n rai; ngai sa mayu ai shara de ndut ndang hkawm sa lu na lam, nang lajang ya nga ndai.

SHAKAWN KUNGDAWN 35:22

Rai ti mung, Madu e, nang gaw dai lam ni hpe mu nit dai majaw, Madu e, atsin sha hkum nga nga et, ngai hte ani sha nga nga u law!

SHAKAWN KUNGDAWN 55:22

Na a ru yak tsin-yam ni hpe Madu hta tawn da u, shi nang hpe makawp maga la na ra ai; ding hpring ai masha ni hpe shi galoi mung sum shangun nga ai n rai.

SHAKAWN KUNGDAWN 68:5

Shi a chyoi pra ai Nawku Htingnu hta shanu nga ai Karai Kasang gaw jahkrai nmai ni hpe lanu lahku nga nna gaida jan ni hpe makawp maga ya nga ai.

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

PRU MAT 2:25

Shi gaw Israela amyu masha ni a mayam lit hpe mu ya nna, shi shanhte hpe yu matsan dum wu ai.

PRU MAT 22:22

Gaida jan hte chyahkrai ma hpe n gawn n sawn hkum di myit.

PRU MAT 22:26

Marai langai ngai gaw ga sadi hte nang kaw shi a ntsa palawng sa tang da ai rai yang, dai hpe jan garai n du ai shaloi shi hpe bai nhtang ya lu na rai ndai,

GA SHAGAWP 15:25

Dai Madu gaw gumrawng gumtawng ai masha ni a dum nta ni hpe jahten kau ti mung; gaida gaina jan ni a sut gan arung arai ni hpe chyawm gaw, makawp maga ya na ra ai.

GA SHAGAWP 15:3

Dai Madu gaw shara shagu hkan hpa baw byin nga ai hpe, mu chye nga ai; anhte kaja ai hte n hkru ai amu galaw nga ai hpe mung, shi yu nga ai.

ESAIA 10:3

Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

YEREMIA 16:17

Shanhte galaw ai lam shagu hpe ngai mu nngai. Hpa mung ngai kaw nna makoi gyem lu ai n rai. Shanhte galaw ai yubak mara ni gaw nye a man kaw na hprawng lawt mat wa lu nga ai n rai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

YEREMIA 49:11

Na a jahkrai nmai ni hpe ngai hte tawn da u, shaloi ngai gaw shanhte hpe lanu lahku la na nngai. Na a gaida gaina ni ngai hta shamyet shanat lu nga ma ai.

YEREMIA 51:56

Shanhte gaw Babelon hpe jahten na matu du sa ma ai; dai mung na hpyenla ni gaw rim hkrum nga ma ai, shanhte a ndan ni agrawp daw mat manu ai. Ngai gaw n hkru ai amu galaw ai ni hpe ari jaw ai Karai Kasang rai nga nngai, Ngai gaw Babelon wa hkam la ging ai mara hte maren, di na we ai.

SHARUNG SHAYAWT 3:59

Ngai hpe gumlang ai shut hpyit ai amu hpe nang chye nit dai majaw, nye a matu teng man ai amu daw dan ya e.

SHARUNG SHAYAWT 3:60

Nye a gumlau hpyen ni ngai hpe kade n dawng nga ai hte shanhte ngai hpe gara hku maw mawn nga ai hpe nang chye ndai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

HABAKU 1:13

Rai ti mung, nang gaw ndai gumle gumlau rai nna n hkru ai masha ni hpe gara hku hkam sharang lu na rai nga n ta? Na a myi ni gaw n hkru ai hpe yu na matu naw san pra nga ai majaw shut hpyit amu galaw ai masha ni a man e, nang n hkam sharang lu nga ndai. Dai re ai majaw, shanhte gaw shanhte hta grau nna ding hpring nga ai masha ni hpe jahten shaza nga ma yang, nang hpa majaw atsin sha nga nga n ta?

TARA JAHPRANG 10:18

Shi gaw jahkrai nmai, gaida gaina ni hpe rap ra ai hku daw dan ya nna, anhte a amyu masha ni kaw hkan nga ai maigan masha ni hpe tsaw ra ai majaw lusha hte hpun palawng ni hpe jaw ya wu ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

1 PETRU 4:19

Dai rai nna shanhte a matu Karai Kasang a myit ra ai hku hte maren nni nkri hkrum ai ni gaw kaja ai amu bungli galaw nga let galoi mung sadi dung nga ai tinang a Hpan Da Madu hta awm dawm kam hpa nga mu ga.

1 PETRU 5:7

Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.

TARA AGYI 1:7

Adonibezek gaw, “Lata yungnu hte lagaw yungnu kaba ni kahtam di kau hkrum ai hkawhkam sanit shi hte gaw nye a sha ku npu e shat ahkyep ahkap hta sha ma ai; ya chyawm gaw shanhte hpe ngai galaw ai zawn Karai Kasang ngai hpe bai tai nu ai,” ngu nna tsun wu ai. Shi gaw Yerusalem mare de woi la hkrum ai hte dai yang e si mat wu ai.