SHAKAWN KUNGDAWN 10:13 - Jinghpaw Common Language Bible 2009

¹³ Tara n lang ai masha wa gaw Karai Kasang hpe n kaw n law di lu ai hte, “Shi gaw ngai hpe ari jaw na ra ai n rai,” nga nna gara hku shi hkum shi tsun lu nga a ni?

Jinghpaw Hanson Version Bible

¹³ Tara n lang ai wa gaw, hpa majaw Karai Kasang hpe asawng nna, “Shi ari jaw na n rai,” nga nna, shi a kraw e, a tsun nga lu ta?

SHAKAWN KUNGDAWN 10:13 ပူးပေါင်းရင်းမြစ်များ

NINGPAWT NINGHPANG 42:22

Rubin chyawm gaw, “Ma hpe n machyi shangun na matu, ngai tsun ni ai; rai ti mung, nanhte mahtang n madat ya myit dai. Shi a si hkrung si htan a matu, ya anhte ari jaw ai hkrum nga saga ai,” ngu nna tsun wu ai.

NINGPAWT NINGHPANG 9:5

Marai langai ngai masha a asak hpe la kau ai rai yang, shi gaw ari jaw ai hkrum na rai wu ai. Shinggyim masha a asak hpe hkra ai dusat yam nga hpe mung si ari ngai jaw na we ai.

2 HKAWHKAM LABAU 24:22

Hkawhkam wa mahtang Zehkaria a kawa Yehoiada shi hta sadi dung let daw jau ai chyeju lam hpe malap kau nhtawm, Zehkaria hpe shi sat kau wu ai. Zehkaria si wa yang shi gaw, “Dai Madu gaw nang hpa galaw nga ndai hpe mada yu nna nang hpe ari jaw u ga law!,” ngu nna tsun wu ai.

YOBA 24:12

Mare ni hta hkala nba hkrum ai ni hte si wa magang ai ni jahtau nga ma ti mung; Karai Kasang gaw shanhte a hpyi jahtau ai ga hpe hpa n nawn ya wu ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 74:10

O Karai Kasang e, na a gumlau hpyen ni gaw kade na hkra, nang hpe mani asawng nga na ma ai kun? Na a mying nsang hpe shanhte htani htana n kaw n law di nga na ma ai kun?

SHAKAWN KUNGDAWN 74:18

Rai ti mung, Madu e, na a gumlau hpyen ni nang hpe asawng asang di nga ai hpe, dum nga u.

BU HKAWM 11:20

nanhte a ladi hta manam hkying nna ajin anang nga mat hkra shata mi tup sha lu na rai myit dai. Ya nang e nanhte hte rau nga nga ai dai Madu hpe nanhte ningdang kau myit nhtawm Egutu mung kaw na nanhte galoi mung n pru wa na rai sahka nga nna shi hpe aput angun myit dai majaw ndai lam byin wa na rai nga ai,’” ngu nna tsun mu ai.

LUKA 10:16

Yesu gaw, “Nanhte a ga madat ai wa kadai mung, nye a ga madat ai mung rai nga ai. Nanhte hpe ningdang kau ai wa kadai mung, ngai hpe ningdang kau ai wa rai nga ai: ngai hpe ningdang kau ai wa kadai mung, ngai hpe shangun dat ai wa hpe mung, ningdang kau ai rai nga ai,” ngu nna shi a sape ni hpe tsun mu ai.

TARA JAHPRANG 29:18

Kaga masha amyu baw ni a hpara hpe nawku daw jau na nga, dai ni, ndai yang e tsap nga ai numsha lasha dinghku hte amyu bawsang ni kadai mung dai Madu anhte a Karai Kasang kaw na teng teng yit mat wa lu na myit dai n rai. Dai gaw agung hte hka ai hpun tu pru wa ai ru npawt zawn rai nga ai.

1 HTESALONI 4:8

Dai rai nna, ndai sharin shaga ai lam hpe ningdang kau ai wa kadai mung, masha hpe n rai, Chyoi Pra ai Wenyi jaw ya ai Karai Kasang hpe mahtang ningdang kau ai wa rai nga ai.