SHAKAWN KUNGDAWN 10:12 - Jinghpaw Common Language Bible 2009

¹² Madu e, tara n lang ai masha ni hpe ari jaw u! Nni nkri hkrum sha nga ai ni hpe dum nga u!

Jinghpaw Hanson Version Bible

¹² Rawt u, Yehowa e; Karai Wa e, na a lata sharawt u, Matsan mayan ni hpe hkum malap kau et.

SHAKAWN KUNGDAWN 10:12 ပူးပေါင်းရင်းမြစ်များ

SHAKAWN KUNGDAWN 13:1

Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

SHAKAWN KUNGDAWN 17:13

Madu e, sa rit! Nye a gumlau hpyen ni hpe ninghkap nna, dang kau u! Tara n lang ai ni kaw na, na a nhtu hte ngai hpe hkye hkran la e.

SHAKAWN KUNGDAWN 17:7

Na a mauhpa tsaw ra myit madun dan nna ngai hpe hkye hkrang la e; na a makau e nga lu yang, ngai gaw nye a gumlau hpyen ni a lata kaw nna shim lum nga nngai.

SHAKAWN KUNGDAWN 3:7

Madu e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

SHAKAWN KUNGDAWN 7:6

Madu e, Pawt sindawng ai hte rawt u! Nye a gumlau hpyen ni a sindawng kahtet ai hpe rawt ninghkap u; hprang u, ngai hpe karum la e! Nang hpyi ai gaw teng man rap ra ai lam rai nga ai.

SHAKAWN KUNGDAWN 74:19

Karum la na jinghku n lu ai na a amyu masha ni hpe mazut ai gumlau hpyen ni a lata de hkum kau da nga et; zingri zingrat hkrum sha nga ai na a amyu masha ni hpe hkum malap kau nga et!

SHAKAWN KUNGDAWN 77:9

Karai Kasang gaw matsan dum na malap kau nu ai kun? Matsan dum la na malai, masin kahtet bu nga ai kun?”

SHAKAWN KUNGDAWN 9:12

Karai Kasang gaw nni nkri hkrum sha ai ni hpe dum nga nna; shanhte a hpyi jahtau ai nsen hpe shi malap kau nga ai n rai, shi gaw shanhte hpe shut hpyit ai ni hpe, ari jaw nga ai.

SHAKAWN KUNGDAWN 9:13

Madu e, ngai hpe matsan dum la e law! Nye a gumlau hpyen ni ngai hpe jahkrum ai nni nkri lam ni hpe mu ya e! Madu e, si hkrung si htan kaw nna ngai hpe mawai la e,

SHAKAWN KUNGDAWN 9:19

Madu e, sa rit! Kadai hpe mung nang hpe hkum ninghkap shangun et! Tara maigan ni hpe na a man de woi sa nna, shanhte a ntsa e tara jeyang daw dan ai ga tsun ya u.

SHAKAWN KUNGDAWN 94:2

Nang masha yawng mayawng hte hpe tara jeyang ai wa rai nga ndai; rawt nna, gumrawng gumtawng ai ni lu la ang ai hte maren, ari jaw ya u!

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 33:10

Dai Madu gaw masha amyu baw ni hpe, “Ya chyawm gaw, ngai amu galaw na nngai. Ngai kade daram daru magam n-gun rawng nga nngai hpe madun dan na we ai.

MIHKA 5:9

Israela gaw shi a gumlau hpyen ni hpe awng dang kau na ra ai, shanhte yawng hpe jahten shaza kau na ra ai.

TARA AGYI 16:28

Samson gaw, “Tsaw Htum ai Madu e, chyeju hte ngai hpe dum e law; myi lahkawng maga malawk kau ya ai Hpilisti masha ni hpe lang lata matai htang lu n-ga, Karai Kasang e, chyeju hte ngai hpe lang mi sha gaw n-gun naw jaw ya e law,” ngu nna hpyi shaga wu ai.