SHAKAWN KUNGDAWN 1:3 - Jinghpaw Common Language Bible 2009

³ Shanhte gaw hka kau e tu nna, shi a aten hta asi si nhtawm alap mung n hkraw mat ai hpun ni hte bung nga ai. Shanhte galaw ai lam shagu awng dang nga ai.

Jinghpaw Hanson Version Bible

³ Dai wa gaw hka kau e hkai ai, Shi a aten hta asi si nna, Alap mung n nyip ai hpun hte bung nga ai: Shi galaw ai yawng mayawng mung tai na ra ai.

SHAKAWN KUNGDAWN 1:3 ပူးပေါင်းရင်းမြစ်များ

NINGPAWT NINGHPANG 39:23

Dai Madu gaw Yosep hte rau rai nga nna shi galaw ai amu shagu hta shi hpe awng dang shangun wu ai majaw htawng agyi wa gaw Yosep hte seng ai amu langai mi mung hkan yu ra wu ai n rai.

NINGPAWT NINGHPANG 39:3

Yosep gaw Egutu masha shi a madu a nta hta nga wu ai. Shi galaw ai lam shagu mung shi hpe awng dang shangun ai dai Madu gaw Yosep hte rau nga nga ai hpe mu wu ai.

2 HKAWHKAM 18:7

Dai re ai majaw, dai Madu gaw shi hte rau nga nga ai rai nna shi galaw ai lam shagu hta awng dang hkrat hkrang nga wu ai. Shi gaw Asuri hkawseng wa hpe gumlau wu ai rai nna shi hpe hkungga lara na lam ningdang kau ya wu ai.

1 HKAWHKAM LABAU 22:11

Dawi gaw, “Ya chyawm gaw sha e, dai Madu na a Karai Kasang gaw nang hte rau rai nga u ga, shi a matu nang hpe awng dang hkra galaw shangun ai Nawku Htingnu hte seng ai shi a ga sadi hpe shi shadik shatup ya nu ga law.

1 HKAWHKAM LABAU 22:13

Dai Madu gaw Israela amyu ni a matu Mawshe hpe jaw ya sai tara ni yawng hpe nang madat mara ndai rai yang, nang hta awng dang ai lam hkam la lu na ndai. Myit jahkut daw dan nna kam hpa nga u. Hpa lam mung nang hpe n hkrit shangun nga u ga.

2 HKAWHKAM LABAU 31:21

Shi gaw Nawku Htingnu a matu shi galaw ai amu magup hta mung, Tara hkan ai htung hta mung, tsep kawp sadi dung ai hte shi a Karai Kasang hpe nawku akyu hpyi ai myit masin rawng nga ai majaw awng dang nga wu ai.

2 HKAWHKAM LABAU 32:23

Amyu masha law law hte gaw Yerusalem de sa nna dai Madu a matu hkungga ni, Hezekia hpe kumhpa ni sa ya shajang ma ai; dai aten kaw nna amyu baw ni yawng Hezekia hpe shagrau sha-a nga ma ai.

YOBA 14:9

hka jaw ai hte dai gaw abawng zawn maku bai prut wa na ra ai.

YOBA 22:28

Nang galaw ai lam shagu awng dang na ra ai; nang sa wa ai lam hta nhtoi jahtoi ya na ra ai.

SHAKAWN KUNGDAWN 128:2

Na a lata amu gaw na a ra kadawn nga ai lam ni hpe jahkum shatsup ya lu na ra ai; nang kabu gara wa lu ai hte ngamu ngamai wa na rin dai.

SHAKAWN KUNGDAWN 129:8

“Dai Madu gaw nanhte hpe shaman ya nga u ga, dai Madu a mying nsang hte anhte nanhte hpe shaman ya ga ai,” nga nna lai hprang masha ni kadai mung n tsun na mara ai.

SHAKAWN KUNGDAWN 92:14

Dai hpun gaw hpundaw wa ai aten hta pyi asi naw si nna; tut nawng e tsit lali nga ai hte ja kat nga ai.

SHAKAWN KUNGDAWN 92:15

Ngai hpe makawp maga ai Madu gaw ding man nga nna; shi hta hpa mung hkum tsup nga ai lam hpe madun dan nga ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 3:10

Ding hpring ai wa gaw a lu na ra ai, arai shagu shanhte a matu mai kaja na ra ai. Shanhte gaw shanhte galaw ai amu a majaw kabu gara na mara ai.

ESAIA 44:4

Shanhte gaw hka hkru ai tsingdu ni hte lwi hkrat wa ai hka shi makau hkan tu ai u byap hpun ni zawn bawngring wa na mara ai.

ESAIA 58:11

Ngai gaw nang hpe tut nawng woi lakawn nna mai kaja ai arai ni hte nang hpe myit shadik ya na nngai. Ngai gaw nang hpe n-gun shaja ya nna hkam kaja shangun na nngai. Nang gaw hka n taw n tsang rawng ai sun hte galoi mung n hkyet mat ai hka hpawk langai zawn tai na ndai.

YEREMIA 17:8

Shi gaw hka kau e tu nga ai hpun hte bung nna, hka de ru hkram sa wa nga ai. Ginhtawng ta du ai shaloi, kahtet kang ai hpe shi hkrit ai n rai; hpa majaw nga yang, de a hpun lap ni naw tsit lali nga ai; Marang n htu ai shaloi mung shi hta tsang shara hpa mung n nga nga ai; asi mung tut nawng asi nga ai.

EZEKELA 17:8

Rai ti mung, dai sabyi ru hpe ga sau kaja nna hka hkru hkru lu lu ai lamu ga hta hkai da mu ai; dai sabyi ru gaw alap ni lali wa nna asi si wa nhtawm hpun ru kaja tai nga ai.

EZEKELA 19:10

Na a kanu gaw hka kau e hkai ai sabyi ru hte bung nga ai hka shi langai a makau e hkai da nga ai. Hpa majaw nga yang, hka alaw alam nga ai rai nna, sabyi ru gaw alap ni hte asi ni hte ka-up da nga ai.

EZEKELA 31:5

Dai hpun gaw hka kaja lu lu ai majaw, Dai hpun gaw kaga hpun ni hta grau tsaw nga ai. De a lakung lakying ni gaw kaba ai hte galu nga ai.

EZEKELA 47:12

Dai hka hkin-gau maga mi hte maga mi de sha mai ai hpun amyu myu tu na ra ai; de a alap ni gaw galoi mung n nyip ai sha asi mung n wai na ra ai. Nawku Htingnu na lwi pru ai hka a majaw, mu ai namsi shata shagu si na ra ai. Hpun ni mung sha na namsi si jaw nna de a alap ni gaw amyu masha ni hpe shamai shatsai ai lam hta lang lu na ra ai,” ngu nna tsun ai.

BU HKAWM 24:6

Dai ni gaw galu yang yang rai hkai da ai namhtan hpun ni Hte hka kau na sun ni zawn dai Madu hkai da ai Maza hpun ni hte hka kau e tu ai shaji hpun ni zawn ut rai nga ai.

MAHTE 13:6

jan pru nna katen jang krau mat wa ai rai nna, ru n jung lu ai majaw hkraw mat wa ai.

MAHTE 21:19

Shaloi lam makau e tu ai maihpang hpun langai mi hpe mu wu yang, dai de shi sa wu ai, rai ti mung dai hpun hta lap ni hta kaga hpa n mu wu ai. Dai majaw shi gaw, “Ya kaw nna prat dingsa e, nang hta asi bai n si n ga!,” ngu nna dai hpun hpe tsun wu ai. Maihpang hpun mung kalang ta shaloi jang hkraw nyip mat wa ai.

MAHTE 21:34

Ya sabyi ngai ai ten du jang, shi lu la ang ai sabyi mangai a asi sa la na matu, sun galaw ai ni hpang de, shi mayam ni hpe shangun dat mu ai.

MAHTE 21:41

Shanhte gaw, “Dai n hkru ai masha ni hpe shi teng teng sat kau na mu ai rai nna, sabyi mangai aten hta jaw ra ai asi hkrak hkrak jaw lu ai sun galaw masha kaga ni hpe, dai sun htawt shap ya na ru ai,” ngu nna shi hpe htan mu ai.

YAWHAN 15:6

Ngai hta n jung n noi ai wa gaw shinggan de kabai kau ai hkrum nna hkraw mat wa ai lakung lakying zawn tai na ra ai. Masha ni mung shing re ai lakung lakying ni hpe magawn la nhtawm, wan hta kabai bang nna, hkru krawp mat ai kaw du wa lu ai.

TARA JAHPRANG 28:8

“Dai Madu nanhte a Karai Kasang gaw nanhte galaw ai magam amu hpe shaman chyeju jaw ya nhtawm nanhte a mam dum ni hta nai mam nsi naisi hte hpring nga na ra ai. Shi nanhte hpe jaw ai mung hta nanhte hpe shaman chyeju jaw ya na ra ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

SHINGRAN 22:2

Dai hka nu a hkin-gau maga mi hte maga mi hta asi amyu shi lahkawng si ai asak jahkrung ai hpun tu nga ai rai nna, shata mi hta kalang mi, laning mi hta shi lahkawng lang si nga ai. Dai hpun a lap ni gaw, masha amyu ni a ana ahkya ni hpe shamai shatsai ya na matu rai nga ai.