SHAKAWN KUNGDAWN 1:2 - Jinghpaw Common Language Bible 2009

² Shingrai na malai, dai Madu a Tara hpe madat mara nna, dai Tara hpe shani shana sharin la ai ni gaw kabu gara ai hpe mu la nga ma ai.

Jinghpaw Hanson Version Bible

² Yehowa a tara hta awng nga nna, Shi a tara hpe shani shana myit mang ai wa gaw, a nga ai.

SHAKAWN KUNGDAWN 1:2 ပူးပေါင်းရင်းမြစ်များ

NINGPAWT NINGHPANG 24:63

Shi chyawm gaw shana maga de loi jau jau re ai aten hta pa layang hkan e hkawm chyai na nga, pru mat wa yang, gawla-uk ni wa ai hpe mu wu ai.

EZRA 7:10

Ezra chyawm gaw dai Madu a Tara hpe sharin achyin ya let dai hpe ta tut hkan sa nna, Israela amyu masha ni hpe de a tara hte hkan sa na matsun maroi ga ni hpe sharin achyin ya na, shi a asak ap nawng da nu ai.

YOBA 23:12

Karai Kasang hkang da ai lam hpe ngai tut nawng galaw nngai; nye a myit ra ai hku n rai, shi a myit ra ai hku ngai hkan nang nngai.

SHAKAWN KUNGDAWN 104:34

Nye a kabu gara ai lam gaw shi kaw na rai nga ai majaw, nye a mahkawn shakawn ai ga hpe Madu ra sharawng nga u ga law.

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 119:1

Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.

SHAKAWN KUNGDAWN 119:11

Na a tara hpe nye a myit masin hta ngai kyem da nga nngai rai nna, ngai nang hpe yubak n galaw na nngai.

SHAKAWN KUNGDAWN 119:35

Na a hkang da ai tara ni hta, kabu gara ai lam hpe ngai mu nngai majaw, dai ga matsun ni hpe chye madat mara nga shangun rit.

SHAKAWN KUNGDAWN 119:72

Nang ngai hpe jaw ya ai tara gaw mungkan ga na ja gumhpraw sut gan yawng mayawng hta grau nna manu dan nga li ai.

SHAKAWN KUNGDAWN 119:92

Lama wa, na a hkang da ai tara gaw nye a matu kabu gara ai npawt nhpang n rai taw gaw, nye a nni nkri hta ngai si mat wa na nngai.

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

SHAKAWN KUNGDAWN 88:1

Ngai hpe hkye hkrang la ai Madu Karai Kasang e shani tup ngai nang hpe hpyi jahtau nna; shana e mung, na a man de du sa nngai.

YEREMIA 15:16

Nang ngai hpe tsun shaga ai ga hkum shagu hte hpe ngai madat se ai. Chyahtum Chyalai N-gun Rawng ai Madu Karai Kasang e, nang ngai hpe madu da nga ndai majaw na a mungga ni nye a myit kraw lawang hta kabu gara ai hte awng sharawng ai hte jahpring ya nit dai.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

LUKA 2:37

Dai num gaw Nawku Htingnu kaw na n pru ai sha, lusha gam nna akyu hpyi ai hte Karai Kasang hpe nawku daw jau let anga nga ai.

ROMA 7:22

Nye a kraw lawang myit gaw Karai Kasang a Tara hta kabu gara sharawng awng nga ai.

1 HTESALONI 2:9

Hpu nau ni e anhte gade daram amu bungli galaw shakut shaja lai wa saga ai hpe kaja wa nanhte dum nga myit dai. Nanhte hpe hpa lit n shali n shayak sha u ga, anhte gaw anhte a kan bau bungli hpe shani shana galaw shakut let Karai Kasang a Kabu Gara Shiga hpe hkaw tsun ga ai.

1 TIMOHTI 4:15

Na a kunghpan jat wa ai hpe masha yawng mayawng mu lu mu ga, lahta de tsun da sai lit ni hpe myit lawm ai hte hkan shatup let dai hta a manoi nga u.

2 TIMOHTI 1:3

Nye a ji wa ni galaw ai zawn, san seng ai myit hte ngai daw jau nga ai Karai Kasang hpe ngai shakawn nngai. Ngai gaw shani shana akyu hpyi ai hta nang hpe galoi mung adum nga let Karai Kasang hpe chyeju shakawn nga nngai.

YAWSHU 1:8

Nanhte a nawku hpawng hta ndai tara laika hpe teng teng ahti nga lu na rai nga ai. Dai hpe shani shana hti yu nhtawm dai hta ka da mada yawng hpe nang teng teng madat mara hkan sa lu na rai ndai. Shaloi nanhte ngamu ngamai wa nna awng dang lu na rai myit dai.

1 YAWHAN 5:3

Hpa majaw nga yang, Karai Kasang a hkang da ai ga ni hpe hkan galaw ai lam gaw shi hpe tsaw ra ai lam rai nga ai. Shi a hkang da ai ga chyawm gaw, anhte a matu yak la nga ai n rai.