SHAKAWN KUNGDAWN 1:1 - Jinghpaw Common Language Bible 2009

¹ N hkru ai masha ni a hpaji daw ai lam hpe ningdang ai ni, yubak kap ai ni a kasi hta n hkan nang ai ni, Karai Kasang hpe jahpoi asawng ai ni hte rau n dung lawm ai ni gaw a nga ai.

Jinghpaw Hanson Version Bible

¹ Tara n lang ai ni a bawng ai hku hta n hkawm, Yubak kap ai ni a lam e n tsap, Jahpoi ai ni a hpawng hta n dung lawm ai sha,

SHAKAWN KUNGDAWN 1:1 ပူးပေါင်းရင်းမြစ်များ

NINGPAWT NINGHPANG 49:6

Ngai gaw shan a mayun bawng ban ai hta shang lawm na n rai, Shan a zuphpawng ni hta shang lawm na n rai, Shan gaw masin kahtet ai a majaw masha sat manu ai. Ginsup chyai na matu dumsu usu lahkap dan masai.

NINGPAWT NINGHPANG 5:24

Shi hkrung nga ai hte yang Karai Kasang hte kanawn mazum nga wu ai, dai hpang shi n nga mat sai, hpa majaw nga yang Karai Kasang shi hpe woi la kau nga sai.

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

YOBA 10:3

Na a matu grai di gumshem ai gaw jaw a ni? Nang nan hpan da ai arai hpe hpa majaw yu matsat kau n ta? N hkru ai masha ni a yaw shada ai lam ni hta hpa majaw yu myit dik nga n ni?

YOBA 21:16

Shanhte chyawm gaw shanhte a n-gun lagaw hte sha awng dang lu ai nga nna tsun ma ai; rai ti mung shanhte a myit mang ai lam hpe ngai n hkap la lu nngai.

YOBA 31:5

N hkru ai amu hpe ngai galoi mung n galaw ai hte kaga masha ni hpe galoi mung n masu hkalem nga ai hpe ngai dagam nngai.

SHAKAWN KUNGDAWN 1:6

Ding hpring ai ni gaw dai Madu kaw nna lam woi ai hte makawp maga la ai hkrum nga ma ai; n hkru ai ni chyawm gaw htum mat wa na mara ai.

SHAKAWN KUNGDAWN 106:3

Shi a hkang da ai ga ni hpe madat mara hkan nang nga nna, ding man ai amu hpe tut nawng e, galaw nga ai ni gaw a nga ai.

SHAKAWN KUNGDAWN 112:1

Dai Madu hpe shakawn mu! Dai Madu hpe shagrau sha-a nna shi a hkang da ai ga ni hpe madat mara hkan sa na hta awng sharawng nga ai wa gaw a nga ai.

SHAKAWN KUNGDAWN 119:115

Yubak kap ai masha ni e, ngai kaw nna pru mat wa mu, nye a Karai Kasang a hkang da ai ga ni hpe ngai madat mara nga na nngai.

SHAKAWN KUNGDAWN 144:15

Ndai zawn teng man ai hte nga lu ai amyu gaw a nga ai; Madu hpe Karai Kasang hku nna hkap la kam sham ai amyu gaw a nga ai law!

SHAKAWN KUNGDAWN 146:5

Yaku a Karai Kasang karum la ai lam hpe hkam la lu ai ni hte dai Madu shi a Karai Kasang hta shamyet shanat nga ai ni gaw a lu ma ai.

SHAKAWN KUNGDAWN 146:9

Anhte a lamu ga hta nga ai tsasam masha ni hpe shi makawp maga ya nga ai; gaida gaina ni hte jahkrai nmai ni hpe shi karum ya nga ai, rai ti mung, tara n lang ai ni a maw mawn ai lam hpe chyawm gaw jahtum kau ya nga ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

SHAKAWN KUNGDAWN 26:12

Hkrit hpa shara yawng hte kaw na, ngai shim lum nga nngai; shi a amyu masha ni a shawa hpawng hta Ngai gaw dai Madu hpe shakawn nngai.

SHAKAWN KUNGDAWN 34:8

Dai Madu kade wa mai kaja nga ai gaw nang hkum nan chyim yu nna chye u; shi hta shingbyi shara mu ai wa gaw a nga ai.

SHAKAWN KUNGDAWN 36:4

Shanhte gaw yup ku ntsa e kaleng nga yang, n hkru ai mahkyen ni hpe galaw ma ai; shi galaw ai amu hpa mung n kaja nga ai, n hkru ai amu hpa hpe mung galoi mung ningdang kau nga ai n rai.

SHAKAWN KUNGDAWN 64:2

Tara n lang ai ni a maw mawn ai lam hte n hkru n shawp ai masha ni a hpawng kaw na, ngai hpe makawp maga la e.

SHAKAWN KUNGDAWN 81:12

Shing rai, shanhte a baw ja ai lam hku sa wa lu mu ga; shanhte ra mara hpe galaw lu mu ga, ngai shanhte hpe ahkang jaw dat nngai.

SHAKAWN KUNGDAWN 84:12

Chyahtum Chyalai n-gun rawng ai Madu e, nang hpe kam hpa nga ai ni gaw kade wa a lu nga ma hka!

GA SHAGAWP 1:15

Sha e, dai zawn re ai masha ni a hpang hkum hkan nang et; shanhte hpe koi yen kau u.

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

GA SHAGAWP 13:15

Zai byeng-ya hpaji gaw hkungga lara ai hpe lu la shangun ti mung; kam hpa n lu ai ni chyawm gaw hten byak na lam de sa wa nga ma ai.

GA SHAGAWP 13:20

Hpaji rawng ai wa hte kanawn nga u, shaloi, nang hpaji rawng wa na ra ai; angawk ai masha ni hte nang jinghku galaw ai rai yang, hten byak ai nang hkrum na ra ai.

GA SHAGAWP 19:29

Rai dum nna angawk ai wa gaw anu gayat ai hpe teng teng hkam la na rai nga ai.

GA SHAGAWP 2:12

dai gaw shut hpyit amu galaw ai kaw na, nang hpe hkum shingdang la na ra ai. Dai sha n-ga, shanhte tsun ai ga hte ru yak tsin-yam hpe shalut kabrawng ya nga ai masha ni hte,

GA SHAGAWP 3:34

Shi gaw myit tsaw myit dap ai masha ni hpe n ra sharawng ti mung, shagrit shanem ai masha ni hpe chyawm gaw myi man pa shangun nga ai.

GA SHAGAWP 4:19

Tara n lang ai ni a lam chyawm gaw shana zawn sin mak nga ai. Shanhte gaw kashawt ti mung, shanhte kaning rai kataw ai hpe n chye nga ma ai.

GA SHAGAWP 9:12

Nang hpaji byeng-ya hkam la lu ai rai yang, nang nan akyu hkam sha lu na ndai. Dai hpe nang ndang kau ai rai yang chyawm gaw nang nan nni nkri hkam sha na rin dai.

YEREMIA 15:17

Ngai gaw nye a aten hpe kaga masha ni hte mani sengbreng hkawm nna aten shama kau ai n rai. Na a hkang da ai ga ni hpe madat mara na matu ngai hkrai sha nga nga nna masin kahtet ai hte hpring nga nngai.

YEREMIA 17:7

“Rai ti mung, ngai gaw ngai hpe kam hpa nga ai wa hpe shaman ya na nngai.

EZEKELA 20:18

Shing rai galaw na malai, nanhte a kaji kawa ni hkan ai tara ni hpe hkum hkan shadik myit, shanhte hkan ai htung lailen ni hpe hkum hkan dagraw myit; shanhte a hpara sumla ni hte nanhte hkum nan awu asin matsat shabat hkum rai nga myit, ngu nna shanhte hta lawm nang ai shabrang ni hpe ngai shadum ni ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

LUKA 11:28

Rai ti mung, Yesu gaw, “Karai Kasang a mungga madat la nna, hkan nang ai ni mahtang gade wa a lu nga ma hka!,” ngu nna htan wu ai.

LUKA 23:51

Shi gaw Yuda amyu mung bawng salang hpung hta lawm ai wa langai mi rai nga ai rai ti mung, shanhte a bawng daw dan ai hte galaw ai lam hpe myit n hkrum lawm wu ai.

YAWHAN 13:17

Ya nanhte ndai teng man ai lam hpe chye na manit dai rai nna, dai hpe hkan shatup myit yang gaw, nanhte a lu myit dai!

YAWHAN 20:29

Yesu gaw, “Nang gaw ngai e mu lu ai majaw sha kam n ni? Ngai hpe n mu lu ai sha kam sham ai ni gaw a lu ma ai!,” ngu nna Htawma hpe tsun wu ai.

ROMA 5:2

Anhte Madu Yesu Hkristu hpe kam sham ga ai rai nna shi gaw Karai Kasang anhte hpe gade chyeju hkam sha shangun ai lam wa mu chye shangun mi ai. Dai chyeju hta ya anhte hkrung nga ga ai. Dai rai nna Karai Kasang a hpung shingkang hpe hkam la lu na myit mada let anhte kabu gumrawng nga ga ai.

EHPESU 6:13

Dai re ai majaw, Karai Kasang a hpyen hking nlang hte hpe ya jang bu hpun dagraw da nga mu. Shing rai jang she n hkru n hkra ai hte ruyak ai nhtoi du ai shaloi nanhte gaw hpyen wa a gasat gala ai lam ni hpe hkap manga kau lu na myit dai. Jahtum du hkra gasat shangut ai hpang e mung, nanhte ngang ngang kang kang lahpran tsap nga lu na marin dai.

TARA JAHPRANG 14:6

shat lai lai ai shan amyu ni rai nga ai.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.