RUHTA 4:4 - Jinghpaw Common Language Bible 2009

⁴ ngai myit yu ai hku nga yang, ndai lam nang chye na da ra na lit dai. Nang dai yi, ra sharawng ai rai yang, ndai shara hta dung nga ai masha kaba ni a man e dai hpe mari la u; rai ti mung dai yi hpe nang ra sharawng ai lam n nga jang mung dai hku rai nu ga; hpa majaw nga yang, dai hpe shawng mari la na ahkaw ahkang nang lu nga ndai. Dai hpang she ngai hta ang wa na re ai,” ngu nna tsun wu ai. Dai masha wa mung, “Dai hpe ngai mari la na nngai,” ngu nna tsun wu ai.

Jinghpaw Hanson Version Bible

⁴ ya nang e dung nga ai ni hte, nye mare salang ni a man e, nang, mari u,” ngu nna bawng mayu nga nngai: nang shaw mayu yang shaw u; shing n rai, ngai hpe tsun e; nang hta kaga shaw ang ai masha shaje n nga ai; nang hta na lai jang gaw ngai hta ang sai,” ngu wu ai. Dai wa mung, “Ngai shaw na,” ngu wu ai.

RUHTA 4:4 ပူးပေါင်းရင်းမြစ်များ

NINGPAWT NINGHPANG 23:11

“Madu e, madat u, ginlawng hku lawm ai sun lamu ga ting nang hpe ngai jaw na nngai. Ndai yang na nye a amyu masha ni a man e nan nang hpe ngai jaw na de ai; na a madu jan hpe nang lup makoi lu na ndai,” ngu nna htan wu ai.

NINGPAWT NINGHPANG 23:18

Dai hpawng ginra hta lawm ai Heti masha yawng hte mung, dai gaw Abraham madu da sai sut gan rai nga ai ngu, jawm hkap masat da ya ma ai.

YEREMIA 32:25

Ti mung, Tsaw Htum ai Madu e, nang gaw ndai mare Babelon masha ni a lata hta hkrat mat na rai yang pyi, sakse ni a man e ndai sun mari na matu ngai hpe hkang dat ai wa rai nga ndai,” ngu nna tsun ni ai.

ROMA 12:17

Nanhte hpe masha langai ngai n hkru n kaja ai hku tai yang, shi hpe n hkru n kaja ai hku hkum tai mu, masha shagu a myit hta htap htuk mai kaja ai ngu myit sawn la mai ai amu galaw na shakut shaja nga mu.

2 KORINHTU 8:21

Dai Madu a man e sha n rai, masha a man e mung, teng man htap htuk ai amu galaw na gaw anhte a yaw shada ai lam nan rai nga mali ai.

TARA JAHPRANG 25:8

Dai hpang mare ningbaw ni gaw dai wa hpe shaga la nna tsun dan na rai ma ai; shi mung karat hte hkungran na matu naw ningdang nga ai rai yang gaw,

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

RUHTA 2:20

Naomi gaw, “Dai Madu gaw Bua hpe shaman ya nga u ga! Hkrung nga ai ni hte si mat sai ni hta dai Madu shi a ga shaka tut nawng agrin nga u ga,” ngu nna marawn tsun wu ai. Shi gaw matut nna, “Dai wa gaw anhte hte grau ni htep ai jinghku, anhte hpe yu lanu lahku ang ai lit nga ai masha wa mung rai nga ai,” ngu nna tsun dan wu ai.

RUHTA 3:12

Ngai gaw nang hte ni dik ai nta chyen rai nga ai hte, na a matu lit nga ai masha rai nngai rai tim, ngai hta grau ni ai hpu nau langai naw nga nga ai.

RUHTA 3:9

Shi gaw, “Nang kadai rai nga n ta?,” ngu nna san dat wu ai. Shi gaw, “Madu e, Ruhta rai nngai. Nang gaw ngai hpe hta ang ai ni htum ai nta chyen rai nga ndai majaw, ngai hpe yu lanu lahku na lit lu nga ndai. Dai re ai majaw, chyeju hte ngai hpe hkungran la rit,” ngu nna htan wu ai.