RUHTA 4:2 - Jinghpaw Common Language Bible 2009

² Dai hpang, Bua gaw dai mare a ningbaw marai shi hpe shaga la nna dai shara hta dung na matu hpyi lajin wu ai. Shanhte dung ai shaloi,

Jinghpaw Hanson Version Bible

² Mare na salang marai shi hpe mung shaga nna, “Nang e dung yu marit,” ngu wu ai. Shanhte mung dung ma ai.

RUHTA 4:2 ပူးပေါင်းရင်းမြစ်များ

1 HKAWHKAM 21:8

Dai hpang shi gaw laika loi mi ka nhtawm dai ni hta Ahab a mying htu let Ahab a dazik dawk la nna du salang ni hte Yezrela mare woi awn ai agyi salang ni hpang de shagun dat wu ai.

PRU MAT 21:8

Numsha gaw marai langai ngai a madu jan tai na matu yaw shada ai hte dut kau hkrum ai rai ti mung dai la wa shi hpe n ra ai rai yang, dai numsha gaw shi a kawa hpang de dut nhtang kau ai hkrum na rai wu ai; shi a mayam madu wa chyawm gaw shi hpe maigan masha ni a lata de dut ya lu na n rai; hpa majaw nga yang, shi mahtang dai numsha hpe n tsawm n htap ai hku di kau nu ai majaw rai nga ai.

GA SHAGAWP 31:23

Shi a madu wa gaw mare hpe woi awn ai du salang, langai mi rai nna, mying dan hkung nga ai.

SHARUNG SHAYAWT 5:14

Asak kaba salang ni gaw mare chyinghka hta galoi mung n sa dung masai; shabrang ni mung sumpyi loi mi sha pyi n dum ma ai.

KASA 6:12

Shing rai shanhte gaw mung masha ni hte agyi salang ni, Tara sara ni hpe myit sharawt ya nna shi hpe sa rim la nhtawm Kongsi hpawng a man e woi tawn mu ai.

TARA JAHPRANG 25:7

Rai ti mung si mat sai wa a kanau mahtang karat hpe n hkungran hkraw ai rai yang, dai numsha gaw mare ningbaw ni a man de sa nhtawm, ‘Nye a madu wa a kahpu kanau gaw Israela amyu masha ni hta shi kahpu kanau a matu mara matut ya na lit hpe ningdang kau nga ai,’ ngu nna sa tsun dan na rai wu ai.

TARA JAHPRANG 29:10

Nanhte a ningbaw ni hte du salang ni, nanhte hta na lasha, numsha ni hte ma kaji ni,

TARA JAHPRANG 31:28

Nanhte a amyu bawsang ni yawng hte seng ai ningbaw ni hte du salang ni yawng hpe nye a man e jahpawng tawn mu; shaloi ndai ga ni shanhte hpe tsun dan lu n-ga, shanhte a matu nye a sakse tai na, sumsing lamu hte ginding aga hpe ngai shatai na we ai.