RUHTA 4:14 - Jinghpaw Common Language Bible 2009

¹⁴ Numsha manang ni gaw Naomi hpe, “Dai Madu hpe shakawn kungdawn nga u! Shi gaw nang hpe yu lanu lahku na matu dai ni nang hpe kashu langai shaman ya nit dai. Dai ma gaw Israela amyu hta arawng dan hkung ai ma tai wa sanu ga law!

Jinghpaw Hanson Version Bible

¹⁴ Dai re ai majaw numsha manang ni gaw Naomi hpe, “Dai ni, na nta matu n jahtum ya ai Yehowa gaw a nga u ga law; ya shangai ai wa mung, Israela amyu hta arawng dan hkung nga u ga law.

RUHTA 4:14 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 24:27

Shi gaw, “Nye a madu hta shi a ga sadi hte maren, sadi sahka hte shatup ya sai nye a madu Abraham a Karai Kasang dai Madu a nga u ga law. Dai Madu gaw ngai hpe nye madu a amyu bawsang ni nga ai de ading sha woi wa ni ai,” ngu nna tsun ai.

NINGPAWT NINGHPANG 29:35

Dai hpang mung shi hta na-um nasin hkum bai tai wa nna shadang sha kaga langai mi hpe shangai wu ai. Shi gaw, “Ya gaw dai Madu hpe ngai shakawn na we ai,” ngu nna tsun nhtawm shi hpe Yuda ngu nna shamying wu ai. Dai hpang shi gaw kasha n shangai ai sha nga mat ai.

LUKA 1:58

Dai Madu gaw shi a chyeju chyalai shi hpe madun dan nu ai lam, htingbu ni hte mayu dama ni na ma ai rai nna, shi hte rau kabu gara ma ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

2 HTESALONI 1:3

Tsaw ra ai hpu nau ni e, nanhte a lam hte lakap nna Karai Kasang a chyeju hpe anhte tut nawng e shakawn kungdawn ra ga ai. Shing rai shakawn kungdawn ai lam anhte galaw na gaw anhte a matu jaw ang ai amu rai nga ai; hpa majaw nga yang, nanhte a makam masham gaw grai galu kaba wa ai hte nanhte hta rawng ai, masha hpe tsaw ra ai myit mung grau grau nna kunghpan kaba wa sai.