RUHTA 4:13 - Jinghpaw Common Language Bible 2009

¹³ Dai rai nna Bua gaw Ruhta hpe nta de woi wa nna shi a madu jan zawn lakawn nga wu ai. Dai Madu gaw shi hpe shaman ya ai rai nna, shi hta na-um nasin tai wa nhtawm shadang sha shangai ya wu ai.

Jinghpaw Hanson Version Bible

¹³ Shing rai Bua gaw Ruhta hpe kahkyin la nna, shi a madu jan shatai wu ai: Bua mung shi kaw shang nna, Yehowa chyeju hte shi na-um nasin rai nhtawm shadang sha shangai ya wu ai.

RUHTA 4:13 ပူးပေါင်းရင်းမြစ်များ

NINGPAWT NINGHPANG 20:17

Abraham a madu jan Sara hta byin lai wa sai lam a majaw dai Madu gaw Abimelek a hkaw wang na numsha kadai hpe mung kashu kasha n kap hkra dim da nu ai. Dai rai nna Abraham gaw Abimelek a matu akyu hpyi ya wu yang, shi hpe mung, shi a madu jan hte mayam num ni hpe mung Karai Kasang shamai ya nu ai rai nna shanhte gaw kashu kasha ni shaprat mu ai.

NINGPAWT NINGHPANG 25:21

Rebeka maudung dung ai a majaw Isak gaw shi a matu dai Madu kaw akyu hpyi ya wu ai. Dai Madu mung shi a akyu hpyi ga hpe htan ya wu ai rai nna Rebeka hta na-um nasin rai wa lu ai.

NINGPAWT NINGHPANG 29:31

Lea mahtang Rahkela daram tsaw ra myit hpring hpring n hkam la hkrum wu ai hpe dai Madu mu ai shaloi, kashu kasha shaprat na lam hpaw ya wu ai; rai ti mung Rahkela hpe chyawm gaw maudung dung shangun da wu ai.

NINGPAWT NINGHPANG 30:2

Yaku gaw Rahkela hpe masin pawt let, “Karai Kasang a shara hta ngai n nga lu nngai; kashu kasha n shaprat shangun lu ai mung shi chyu sha re,” ngu nna tsun wu ai.

NINGPAWT NINGHPANG 33:5

Esaw gaw grup yin de mada yu wu yang, numsha ni hte kasha ni hpe mu ai shaloi, “Nang hte rau hkan ai ndai masha ni gaw kadai ni rai nga ma ta?,” ngu nna san wu ai. Hpu ba e, ndai ni gaw ra n rawng hkra ngai hpe Karai Kasang jaw ya ai ma ni rai nga ma ai,” ngu nna Yaku htan wu ai.

SHAKAWN KUNGDAWN 113:9

Shi gaw maudung num dum nta hta dai jan hpe shagrau sha-a nna; kashu kasha shaprat shangun ai hte kabu gara shangun nga ai. Dai Madu hpe shakawn mu!

SHAKAWN KUNGDAWN 127:3

Kashu kasha ni gaw dai Madu kaw na kumhpa ni rai nga ai; shanhte gaw jet ai shaman chyeju majing ni rai ma ai.

RUHTA 3:11

Ruhta e, ya nang hpa mung hkum tsang et. Nang sari sadang hte hpring nga ai num rai nga ai gaw, mare masha shagu chye nga ma ai zawn, nang hpyi mahpyi lam shagu hpe ngai galaw na nngai.

RUHTA 4:12

Aprat garai n kaba ai ndai num hta dai Madu jaw ya na ra ai amyu matu a marang e, na a dinghku gaw Yuda hte Htama yan a kasha Hparet a dinghku zawn rai nga u ga law,” nga nna shaman ya ma ai.

1 SAMUELA 1:27

Ndai ma hpe ngai hpyi se ai rai nna ngai hpyi ai hte maren ngai hpe jaw ya nga ai.

1 SAMUELA 2:5

Lang mi hkru hkru kat kat nga lai wa sai amyu masha ni lusha tam na matu, ya jang, shanhte nan nchyang shang nga masai, rai ti mung kawsi hpang gara ai ni kawsi hpang gara galoi mung hkrum na mara ai n rai. Dai maudung dung ai madu jan gaw kasha sanit shangai nu ai, rai ti mung law law a kanu chyawm gaw kasha langai mung n nga mat nga ai.