RUHTA 4:10 - Jinghpaw Common Language Bible 2009

¹⁰ Dai hta kaga, Malon a gaida jan, Moba amyu shayi Ruhta mung, nye a madu jan rai sai. Dai lam gaw si mat sai masha wa a dinghku na sut gan arung arai hte shi a dinghku matu mara ni shi a mare hte amyu masha ni a lapran matut htuk shachyaw na lam rai nga ai. Dai ni, nanhte gaw ndai lam yawng a sakse ni rai nga manit dai,” ngu nna tsun wu ai.

Jinghpaw Hanson Version Bible

¹⁰ Dai hta kaga, si ai wa a amying hpe shi a kahpu kanau hpawng hta na mung, shi rawng ai mare a chyinghka kata na mung n htum mat hkra, shi a sali ga hta e shi a amying madat da na matu, Malon a gaida, Moba num Ruhta hpe, nye a num shatai na, ngai mari se ai mung, dai ni nanhte sakse rai manit dai,” ngu nna tsun wu ai.

RUHTA 4:10 ပူးပေါင်းရင်းမြစ်များ

NINGPAWT NINGHPANG 29:27

Hkungran poi galaw ai ndai bat lapran mi lai hkra naw la u; shing rai nye a matu sanit ning nang naw galaw jaw na rai yang, nang hpe Rahkela jaw sha na de ai,” ngu nna htan wu ai.

NINGPAWT NINGHPANG 38:9

Rai ti mung kashu kasha ni hpe shi madu lu na n rai nga ai hpe Onan chye wu ai rai nna shi kahpu a kashu kasha matu ni n dawng wa u ga, kahpu a gaida jan hte kanawn ai aten hta shi a azu hpe ga de jahkaw wu ai.

SHAKAWN KUNGDAWN 109:15

Dai Madu gaw shanhte a yubak ni hpe, tut nawng e adum ya nga u ga; rai ti mung, shanhte hkum nan tsep kawp malap kau ai hkrum nga mu ga.

SHAKAWN KUNGDAWN 34:16

Rai ti mung, n hkru n shawp ai amu galaw ai ni hpe shi hkum shingdang nga ai; shing rai, shanhte si wa ai shaloi, shanhte gaw alawan sha, malap kau ai hkrum nga ma ai.

GA SHAGAWP 18:22

Num la u, shaloi, mai kaja ai arai hpe nang mu la na ndai; dai gaw na a ntsa e, Madu a chyeju jaw ya ai hpe madun dan nga ai.

GA SHAGAWP 19:14

Masha gaw shi a kanu kawa ni kaw na, nta hte sut gan sali wunli hpe hkam la lu nga ai; dai Madu chyu sha shi hpe htauli htaula myit rawng ai madu jan jaw ya lu nga ai.

ESAIA 48:19

Na a aru arat ni gaw zaibru tum ni zawn law htam wa nna, shanhte gaw galoi mung jahten kau n hkrum na rai nga ai hpe ngai shangang shakang da se ai.”

HOSEA 12:12

Anhte a kaji kawa Yaku gaw madu jan lu la hkra nga, Mesopotamia mung de hprawng sa mat wa ai. Shi gaw kaga masha wa a matu amu galaw ya let shi a sagu ni hpe bau rem nga ai.

HOSEA 3:2

Dai rai nna, ngai gaw shi hpe mari la na matu gumhpraw tawng shi manga hte muk-yaw mam dang manga hte shi hpe jaw nngai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

MALAHKI 2:14

Nanhte gaw hpa majaw dai ni hpe shi galoi mung n hkap la ai hpe san myit dai. Dai gaw na a brang ram prat e nang hkungran da sai madu jan hpe jaw ai na a ga sadi hpe nang run kau nit dai hpe shi chye ai majaw rai nga ai. Shi gaw na a kanawn manang rai nga ai hte shi hta sadi dung na nngai ngu, Karai Kasang a man e nang ga sadi jaw ti mung na a ga sadi hpe nang run kau nga ndai.

EHPESU 5:25

Madu wa ni e, Hkristu gaw dai hpung hpe tsaw ra nna de a matu asak nawng ya kau wu ai zawn, nanhte a madu jan ni hpe tsaw ra nga mu.

TARA JAHPRANG 25:6

Israela amyu hta kahpu a amyu matu matut grin nga hkra, shawng shangai ai shadang sha gaw si mat sai wa a kasha rai nga ai ngu nna myit nawn la na rai nga ai.

HEBRE 13:4

Hkungran ai lam hpe masha yawng mayawng hkungga shagrau lu na rai myit dai hte madu wa madu jan shada da a ntsa e sadi dung nga lu na rai myit dai; Karai Kasang gaw arawn alai hten ai ni hte num shaw la shaw ai ni hpe jeyang na ra ai.

YAWSHU 7:9

Hkanani masha ni hte ndai mung na masha nlang ndai lam hpe na na rai ma ai. Shaloi shanhte gaw anhte hpe sa wang nna masha hkum shagu hte hpe sat kau na mara ai. Dai hpang na a arawng sadang hpung shingkang makawp maga na matu nang kaning di na rai nga n ta?,” ngu nna tsun wu ai.

RUHTA 4:9

Dai hpang Bua gaw ningbaw ni hte dai shara hta sa dung madat lawm nga ai ni yawng a man e, “Nanhte yawng gaw dai ni Elimelek hte shi a kasha yan rai nga ai Hkilion hte Malon ni madu ai arung arai yawng hpe Naomi a lata kaw nna ngai mari la sai a sakse ni rai nga manit dai.