RUHTA 4:1 - Jinghpaw Common Language Bible 2009

¹ Bua gaw mare chyinghka makau e nga ai zup hpawng ginra de sa nna dai shara hta dung nga ai. Dai hpang Bua tsun dan yu sai Elimelek a dinghku chyen na hpu nau wa lai wa nga yang, Bua gaw shi hpe shaga nna, “Nye a jinghku wa e ndai shara de kayin shang wa nna shang dung rit,” ngu nna tsun lajin wu ai. Dai rai nna shi gaw dai shara de sa wa nna sa dung nga ai.

Jinghpaw Hanson Version Bible

¹ Ya Bua gaw mare chyinghka de sa dung nna, shana e shi tsun ai hpunau wa lai wa jang, “Wora hpawa wa e, nang de naw kayin dung yu rit,” ngu nna shaga wu ai. Dai wa mung kayin nna, dung nga ai.

RUHTA 4:1 ပူးပေါင်းရင်းမြစ်များ

NINGPAWT NINGHPANG 19:1

Dai lamu kasa yan gaw nrim aten e, Sodom mare de sa du ma yang, Lawt gaw mare chyinghka e dung nga ai. Shi shan hpe mu ai hte rau shan hte hkrum na matu rawt sa wa wu ai. Shi gaw shan a man e gum dagup let,

NINGPAWT NINGHPANG 23:10

Ehpron shi nan mung mare chyinghka na hpawng ginra hta kaga Heti masha ni hte rau dung nga ai. Dai yang e madat nga ai masha shagu hte gaw, Abraham hpe,

NINGPAWT NINGHPANG 34:20

Hamura hte shi a kasha Shehkem gaw mare chyinghka e nga ai hpawng ginra de sa nhtawm shanhte a manang rai nga ai

2 SAMUELA 15:2

Shi gaw jau jau rawt nna mare chyinghka lam e sa tsap tsap rai nga ai. Amu rawng ai masha langai ngai gaw hkawhkam wa hpe tara dara shangun mayu nna dai de sa wa jang, Absalom mahtang dai wa hpe shaga la nhtawm shi kanang na rai nga a ta?, ngu nna hkap san san di wu ai. Shaloi shi gaw wora amyu bawsang na rai nga nngai ngu nna htan jang,

2 HKAWHKAM LABAU 18:9

Hkawhkam lahkawng yan gaw hkawhkam hpun palawng bu hpun let Samari mare chyinghka shinggan na chyarang pa e shan a tingnyang hta dung nga ma ai; myihtoi ni yawng mung shan a man e myihtoi htoi nga ma ai.

YOBA 29:7

Mare salang ni hkrum zup ai hpawng shagu hta ngai dung lawm nga yang,

YOBA 31:21

Ngai gaw jahkrai ma hpe masu hkalem kau nna, tara rung e dara dang kau lu ai hpe chye ai rai yang,

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

GA SHAGAWP 31:23

Shi a madu wa gaw mare hpe woi awn ai du salang, langai mi rai nna, mying dan hkung nga ai.

ESAIA 55:1

Dai Madu gaw, “Hpang gara ai ni e, sa marit- ndai yang e hka nga nga ai! Gumhpraw n lu ai ni e, sa marit- nsi naisi mari nna sha mu! Sa marit, sabyi ntsin hte nga chyu mari lu mu- dai gaw manu jahpu hpa mung n hkrat ra nga ai!

YEREMIA 32:10

Ngai gaw ga sadi laika hta lata masat kumla ka ai hte dazik dawk da nhtawm de a matu sakse hkam ai hte gumhpraw hpe joi hte shen ya ni ai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

ZEHKARIA 2:6

Dai Madu gaw shi a amyu masha ni hpe, “Ngai gaw nanhte hpe man maga shagu de shabra kau made ai. Rai ti mung ya chyawm gaw bawng dung hkrum ai ni e, Babelon mung na hprawng lawt wa nhtawm Yerusalem de nhtang wa manu.

TARA JAHPRANG 16:18

“Dai Madu nanhte a Karai Kasang nanhte hpe jaw ai mare shagu hta tara agyi ni hte kaga du salang ni hpe san tawn na rai myit dai. Dai masha ni gaw amyu masha ni hpe myi man n lata ai sha, tara jeyang na rai ma ai.

TARA JAHPRANG 17:5

dai wa hpe mare shinggan de woi shapraw la nna nlung hte si hkra kabai sat kau na rai myit dai.

TARA JAHPRANG 21:19

kanu yan kawa gaw shi nga ai mare a ningbaw ni a man de woi sa nna jeyang shangun na rai nga ai.

TARA JAHPRANG 25:7

Rai ti mung si mat sai wa a kanau mahtang karat hpe n hkungran hkraw ai rai yang, dai numsha gaw mare ningbaw ni a man de sa nhtawm, ‘Nye a madu wa a kahpu kanau gaw Israela amyu masha ni hta shi kahpu kanau a matu mara matut ya na lit hpe ningdang kau nga ai,’ ngu nna sa tsun dan na rai wu ai.

YAWSHU 20:4

Shi gaw mare langai ngai de hprawng sa nna, mare chyinghka e nga ai tara daw dan ai shara de sa wa lu na rai wu ai. Shing rai mare ningbaw ni hpe byin ai lam tsun dan na rai wu ai. Dai ni gaw mare kata de shi hpe woi jashawn la nna, dai yang e shi nga nga lu na matu shara hkap jaw na rai mu ai.

RUHTA 3:12

Ngai gaw nang hte ni dik ai nta chyen rai nga ai hte, na a matu lit nga ai masha rai nngai rai tim, ngai hta grau ni ai hpu nau langai naw nga nga ai.

RUHTA 3:18

Naomi gaw kanam hpe, “Ruhta e, ndai lam yawng kaning rai byin wa na lam, nang mu lu ai aten du hkra la madat yu ga. Bua gaw dai ni ndai amu lajang ngut ai aten du hkra shi jahkring da na ra ai n rai,” ngu nna tsun wu ai.