RUHTA 3:9 - Jinghpaw Common Language Bible 2009

⁹ Shi gaw, “Nang kadai rai nga n ta?,” ngu nna san dat wu ai. Shi gaw, “Madu e, Ruhta rai nngai. Nang gaw ngai hpe hta ang ai ni htum ai nta chyen rai nga ndai majaw, ngai hpe yu lanu lahku na lit lu nga ndai. Dai re ai majaw, chyeju hte ngai hpe hkungran la rit,” ngu nna htan wu ai.

Jinghpaw Hanson Version Bible

⁹ Shaloi shi gaw, “Nang kadai rai ta?” ngu wu yang, “Ngai na a mayam jan Ruhta rai nga nngai; nang gaw ngai e hta ang ai nta chyen rai ndai majaw, na a mayam jan hpe, na pahpun hte jahpum la ni,” ngu wu ai.

RUHTA 3:9 ပူးပေါင်းရင်းမြစ်များ

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

RUHTA 2:20

Naomi gaw, “Dai Madu gaw Bua hpe shaman ya nga u ga! Hkrung nga ai ni hte si mat sai ni hta dai Madu shi a ga shaka tut nawng agrin nga u ga,” ngu nna marawn tsun wu ai. Shi gaw matut nna, “Dai wa gaw anhte hte grau ni htep ai jinghku, anhte hpe yu lanu lahku ang ai lit nga ai masha wa mung rai nga ai,” ngu nna tsun dan wu ai.

RUHTA 3:10

Shi gaw, “Dai Madu gaw nang hpe shaman ya u ga. Na a kamoi hpe nang galaw daw ai hta, dinghku sadi dung ai lam grau kaba nga ai hpe nang madun dan nga ndai. Matsan, lu su n nga, shabrang kadai hpe mung nang mai tam nga tim nang kadai hpe mung n myit ndai.

RUHTA 3:12

Ngai gaw nang hte ni dik ai nta chyen rai nga ai hte, na a matu lit nga ai masha rai nngai rai tim, ngai hta grau ni ai hpu nau langai naw nga nga ai.

RUHTA 3:8

Shana aten hta, shi gaw akajawng sha hprang wa nna kayin dat yang shi a lagaw nhpang e numsha langai mi kaleng taw nga ai hpe mu nna mau nga ai.

RUHTA 4:4

ngai myit yu ai hku nga yang, ndai lam nang chye na da ra na lit dai. Nang dai yi, ra sharawng ai rai yang, ndai shara hta dung nga ai masha kaba ni a man e dai hpe mari la u; rai ti mung dai yi hpe nang ra sharawng ai lam n nga jang mung dai hku rai nu ga; hpa majaw nga yang, dai hpe shawng mari la na ahkaw ahkang nang lu nga ndai. Dai hpang she ngai hta ang wa na re ai,” ngu nna tsun wu ai. Dai masha wa mung, “Dai hpe ngai mari la na nngai,” ngu nna tsun wu ai.

RUHTA 4:6

Dai masha wa gaw, “Ndai amu hta yi mari la na nye a ahkaw ahkang hpe ngai bai dawm kau na we ai, hpa majaw nga yang, dai hpe nye a kashu kasha ni n hkam la lu na lachyum pru wa ai majaw rai nga ai. Nang mahtang dai hpe shaw la u; ngai n mari na ni ai,” ngu nna htan wu ai.

1 SAMUELA 25:41

Abigala gaw ga de dingnyawm dagup nhtawm, “Ngai gaw nye a madu a shangun ma ni a lagaw kashin na daram sha re ai shangun ma langai mi she rai nga nngai,” ngu nna tsun wu ai.