RUHTA 3:7 - Jinghpaw Common Language Bible 2009

⁷ Bua gaw lusha sha ngut ai hpang, myit pyaw ai hte nga nga wu ai. Shi gaw muk-yaw mam sumpum de sa wa nhtawm sa yup nga ai. Ruhta mung atsin sha sit sa wa nhtawm nba ka-aw nna shi a lagaw nhpang e shang kaleng taw nga ai.

Jinghpaw Hanson Version Bible

⁷ Ya Bua gaw lusha ngut nna myit pyaw let, mam sumpum makau e sa yup nga ai: shaloi Ruhta mung, atsin sha sit sa nhtawm, shi a lagaw magap ai nba kawaw nna taw lawm nga ai.

RUHTA 3:7 ပူးပေါင်းရင်းမြစ်များ

NINGPAWT NINGHPANG 43:34

Shat lusha hpe Yosep a sha ku kaw nna shanhte hpe daw jau mu ai rai nna Benyamin hpe mahtang kaga ni hta jan nna manga lang jat ya wu ai. Dai rai nna shanhte gaw Yosep hte rau shanhte lu nang mat ai aten du hkra rau lu rau sha nga ma ai.

2 SAMUELA 13:28

shi a shangun ma ni hpe ning ngu matsun da wu ai: “Amnon grai nang nga ai aten, ngai yu nna hkang dat ai hte rau shi hpe sat kau na rai myit dai; dai amu galaw na hkum hkrit nga myit, ngai nan mung lit la na we ai. Nden shaja mu! Hkum kanung nga masa!.”

1 HKAWHKAM 21:7

Yezebela gaw, “Rai sa, nang hkawhkam re n rai ni? Yup ku kaw na rawt u, myit pyaw pyaw hte shat sha u. Nabot a sabyi sun lu la hkra ngai lajang ya na de ai!,” ngu nna tsun htang wu ai.

ESHTA 1:10

Hkawhkam wa a lusha poi galaw ai sanit ya shani hta, hkawhkam wa sabyi lu nhtawm kabu gara myit pyaw nga ai rai nna shi a shangun ma ni rai nga ai Mehuman, Bizhta, Harabona, Bighta, Abaghta, Zehtara hte Hkarahka ngu ai unuk marai sanit hte hpe shaga jashawn la wu ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

HPAJI NINGLI 10:19

Lusha poi galaw ai gaw nang hpe kabu gara shangun nga ai; sabyi ntsin gaw nang hpe myit pyaw shangun nga ai; rai ti mung gumhpraw n lu yang dai hta na langai ngai hpe nang galaw lu ai n rai.

HPAJI NINGLI 2:24

Anhte galaw lu ai kaja htum ai amu gaw lu lu sha sha hte anhte galaw lu ai amu hta kabu gara na lam sha rai nga ai. Ti mung, dai pyi Karai Kasang kaw na rai nga ai hpe ngai dum hprang nngai.

HPAJI NINGLI 8:15

Dai rai nna, anhte gaw anhte hkum nan kabu gara ang nga ga ai ngu nna ngai myit hkawn nngai, hpa majaw nga yang, anhte gaw ndai asak hkrun lam hta lu lu sha sha rai nna anhte hkum nan kabu pyaw nga ga ai. Ndai mungkan ga hta Karai Kasang anhte hpe jaw da sai asak hkrung nga ai laman magam amu anhte galaw ra ai zawn yawm dik ndai amu hpe anhte galaw lu nga ai.

HPAJI NINGLI 9:7

Sa wa magang su, kabu gara ai hte na a lusha sha u; na a sabyi ntsin lu nna kabu pyaw nga u. Dai gaw Karai Kasang ra ai lam rai nga ai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

EHPESU 5:18

Chyaru hkum nang mu; dai gaw nang hpe jahten shabya kau na ra ai. Wenyi hte hpring tsup nga mu.

TARA AGYI 19:22

Shanhte gaw apyaw sha nga nga ma yang, dai mare na n hkru n hkra ngang gayut ai masha nkau mi gaw dai hpe sa wang nhtawm nta chyinghka ni hpe sa adup hpang ma ai. Shanhte gaw dai dingla wa hpe, “Nang hte rau nta de shang wa sai masha wa hpe shapraw ya mi! Anhte shi hte nga sha mayu ga ai!,” ngu nna tsun ma ai.

TARA AGYI 19:6

Dai rai nna dai masha lahkawng yan gaw dung let rau lu rau sha rai ma ai. Shaloi dai numsha a kawa mahtang Lewi wa hpe, “Chyeju hte dai na lana mi sha gaw grai pyaw ai hte naw nga la u,” ngu nna tsun wu ai.

TARA AGYI 19:9

Dai wa gaw shi a lashi num hte shangun ma ni hte mung lang mi bai sa wa na nga rawt pru ma yang, kawa gaw, “Yu mu, jan pyi du wa sai; dai na naw hkring yang mai na myit dai. Ya kade n na yang, nsin sin na sai, ndai yang e nga nna aten kaja hpe hkam la mu. Hpawt de mahtang hkawm sa na matu jau jau rawt nna nta ga de wa masit,” ngu nna tsun wu ai.

RUHTA 3:6

Dai rai nna Ruhta gaw chyarang pa de sa mat wa nhtawm, shi a kamoi shi hpe tsun matsun dat ai hte maren hkan galaw wu ai.

RUHTA 3:8

Shana aten hta, shi gaw akajawng sha hprang wa nna kayin dat yang shi a lagaw nhpang e numsha langai mi kaleng taw nga ai hpe mu nna mau nga ai.