RUHTA 3:3 - Jinghpaw Common Language Bible 2009

³ Dai rai nna, nang hka shin, manam pyaw ai sau ni chya ai hte kaja reng ai bu hpun palawng ni hte sumli da u. Dai hpang shi mam kabye nga ai chyarang de sa wa su; rai ti mung, shi lu ngut, sha ngut ai aten du hkra nang dai shara hta du nga ai lam shi hpe hkum chye shangun et.

Jinghpaw Hanson Version Bible

³ Dai rai nna, nang hka shin, sau chya rai nna, hpun palawng sumli la nhtawm chyarang de sa su: rai timung, shi shat garai n sha ngut jang, na hkum shi hpe hkum madun et.

RUHTA 3:3 ပူးပေါင်းရင်းမြစ်များ

2 SAMUELA 12:20

Dawi gaw dun kaw nna rawt nhtawm hka shin ai hte shi a kara masit kau nhtawm bu hpun palawng galai kau wu ai. Dai hpang dai Madu a nta hta nawku na nga, shi sa mat wa wu ai. Shi gaw shi a hkawhkam htingnu de bai nhtang wa yang, lusha hpyi wu ai rai nna shanhte daw jau ya ai hte rau shi sha nga ai.

2 SAMUELA 14:2

Tekoa mare hta nga ai dai myit let ai numsha langai mi hpe shaga shangun dat wu ai. Numsha dai du jang, Yoab gaw shi hpe, “Na a kara n masit ai sha, ayawn hpun palawng bu hpun nhtawm sharung shayawt masu u. Shing rai aten na na sharung shayawt hkrum ai numsha langai zawn galaw u.

ESHTA 5:1

Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

SHAKAWN KUNGDAWN 104:15

shi hkum nan myit ngwi myit pyaw na matu sabyi ntsin hpe mung; kabu sumsai lu na matu, tsanlun sau hpe mung, n-gun hpring wa na matu, shadung muk hpe mung, shi galaw shapraw nga ai.

HPAJI NINGLI 9:8

Tut nawng kabu gara ai hte kabu pyaw nga u.

EZEKELA 16:9

“Dai hpang, ngai gaw hka la nhtawm na hkum hta kap nga ai asai ni hpe kashin kau ya ni ai. Ngai gaw na a hkum hpe arut kashin kau nna tsanlun sau hte chya ya ni ai.

MAHTE 6:17

Nang mahtang lusha gam n-yang gaw, na a myi man myit kau nna, na a kara sau chya nna masit kau u.

RUHTA 3:2

Nang hte rau magam amu galaw ai manang numsha ni a Madu Bua gaw ndai nta ni a nta chyen mi rai nga ai, amyu dap a jinghku rai nga ai hpe dum u. Ya madat u, dai na de shi gaw chyarang ntsa e muk-yaw mam kabye nga na ra ai.

RUHTA 3:4

Shi yup ai shara hpe atsawm sha matsing da u; shi yup ra shang ai hpang nba ka-aw nna hkan shang wa nhtawm shi a lagaw nhpang e kaleng taw nga u. Shaloi nang gara hku galaw kaning rai na gaw shi tsun na ra ai,” ngu nna htan wu ai.