RUHTA 3:10 - Jinghpaw Common Language Bible 2009

¹⁰ Shi gaw, “Dai Madu gaw nang hpe shaman ya u ga. Na a kamoi hpe nang galaw daw ai hta, dinghku sadi dung ai lam grau kaba nga ai hpe nang madun dan nga ndai. Matsan, lu su n nga, shabrang kadai hpe mung nang mai tam nga tim nang kadai hpe mung n myit ndai.

Jinghpaw Hanson Version Bible

¹⁰ Bua mung, “Ngai sha e, Yehowa nang hpe shaman ya nit ga law; nang sut su ai la shabrang, matsan ai la shabrang kadai hpe mung n myit ndai majaw, shawng na galaw jaw ai chyeju hta, hpang na chyeju grau kaba salit dai.

RUHTA 3:10 ပူးပေါင်းရင်းမြစ်များ

NINGPAWT NINGHPANG 24:31

Nang gaw dai Madu a shaman chyeju hpe hkam la ai wa rai nga ndai. Hpa rai ndai shinggan e tsap nga n ta? Nye a nta hta na a matu ya jang mai nga ai gawk langai mi lajang da ya se ai: dai sha n rai, gawla-uk ni a matu nga shara mung nga ai,” ngu nna tsun wu ai.

RUHTA 1:8

shi gaw shan hpe hkrun lam e, “Nan a dum nta de bai nhtang wa masu, nan a kanu ni hte rau wa nga mu. Nan gaw si mat ai yan hpe mung, ngai hpe mung galaw jaw manit dai hte maren, dai Madu gaw nan hpe chyeju htang ya nga u ga.

RUHTA 2:11

Bua chyawm gaw, “Na a madu wa si mat ai hpang, na a kamoi hpe galaw jaw ai lam magup mung ngai na ni ai. Na a nnu yan nwa hte na a mungdan hpe kau da nna, shawng de nang galoi mung n chye n hkau ai masha ni a lapran e nang sa du nga ai lam ngai chye nngai.

RUHTA 2:20

Naomi gaw, “Dai Madu gaw Bua hpe shaman ya nga u ga! Hkrung nga ai ni hte si mat sai ni hta dai Madu shi a ga shaka tut nawng agrin nga u ga,” ngu nna marawn tsun wu ai. Shi gaw matut nna, “Dai wa gaw anhte hte grau ni htep ai jinghku, anhte hpe yu lanu lahku ang ai lit nga ai masha wa mung rai nga ai,” ngu nna tsun dan wu ai.

RUHTA 2:4

Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.

RUHTA 3:9

Shi gaw, “Nang kadai rai nga n ta?,” ngu nna san dat wu ai. Shi gaw, “Madu e, Ruhta rai nngai. Nang gaw ngai hpe hta ang ai ni htum ai nta chyen rai nga ndai majaw, ngai hpe yu lanu lahku na lit lu nga ndai. Dai re ai majaw, chyeju hte ngai hpe hkungran la rit,” ngu nna htan wu ai.

1 SAMUELA 15:13

Samuela mung Shawlu nga ai de yu sa wu yang Shawlu gaw, “Samuela e, dai Madu gaw nang hpe shaman ya u ga! Dai Madu hkang da ai ga hpe ngai madat ni ai,” ngu tsun let shakram la wu ai.