RUHTA 3:1 - Jinghpaw Common Language Bible 2009

¹ Aten mi na ai hpang, Naomi gaw Ruhta hpe, “Na a matu ningrum ningtau langai ngai tam lajang ya na re; shing rai na a matu dinghku langai de la lu na rin dai.

Jinghpaw Hanson Version Bible

¹ Shaloi kamoi Naomi gaw, “Ngai nam e, nang hpe ngamu ngamai shangun na matu, na a nga pyaw nhpang ngai n tam na rai ni?

RUHTA 3:1 ပူးပေါင်းရင်းမြစ်များ

NINGPAWT NINGHPANG 40:14

Rai ti mung, lam shagu hta nang ngamu ngamai wa ndai shaloi, chyeju hte ngai hpe dum nga e; hkawhkam wa a man e nye a lam tsun dan lu nit ga, chyeju hte ngai hpe matsan dum la e. Ndai htawng kaw nna pru lu na mung, ngai hpe karum la e.

SHAKAWN KUNGDAWN 128:2

Na a lata amu gaw na a ra kadawn nga ai lam ni hpe jahkum shatsup ya lu na ra ai; nang kabu gara wa lu ai hte ngamu ngamai wa na rin dai.

1 KORINHTU 7:36

Mahtan da sai hpang hkungran ai lam n galaw na ngu nna myit daw dan ai yan a lam hte seng nna: la wa gaw num jan a ntsa e tinang galaw ai lam n seng n ang dum ai rai yang mung, shi a myit nau katu nna n sharang lu ai majaw hkungran ai lam galaw ra ai ngu nna sawn nawn ai rai yang mung, shi myit ra ai hte maren shan hkungran ai lam galaw mu ga. Shing rai shi galaw ai gaw hpa yubak mara n rai nga ai.

TARA JAHPRANG 4:40

Nanhte hte nanhte a amyu matu ni yawng ngamu ngamai wa lu myit ga, dai ni, ngai nanhte hpe jaw da sai shi a tara ni yawng hpe madat mara hkan sa nga mu; shaloi dai Madu nanhte a Karai Kasang nanhte hpe htani htana a matu jaw ya nga ai mungdan hta prat tup jaw lup matut nna nga lu na rai myit dai,” ngu nna tsun wu ai.

1 TIMOHTI 5:14

Dai rai nna hpyen ni gaw anhte a lam n kaja ai hku tsun na lam ginjang n nga hkra aprat kaji ai gaida jan ni gaw hkungran nna kashu kasha shangai ai hte shanhte a kun dinghku ni hpe yu lajang nga na hpe ngai grau ra sharawng nga nngai.

1 TIMOHTI 5:8

Marai langai ngai gaw, tinang a amyu ru sai, grau nna dinghku masha ni hpe yu lanu lahku ai lam n nga ai wa gaw, dai makam masham hpe ningdang kau ai wa rai nna n kam ai masha langai hta pyi grau nna n hkru n kaja ai wa rai nga ai.

RUHTA 1:9

Nan a matu dinghku bai de lu nna, nan a madu wa ni hte rau nga lu u ga. Dai Madu gaw dai lam shabyin ya na ra ai,” ngu nna tsun wu ai. Dai rai nna Naomi gaw shan hpe pup shakram wu ai. Rai ti mung, shanhte gaw hkrap hpang wa ai hte,

RUHTA 2:23

Dai rai nna, Ruhta gaw muk-yaw mam hte hkaulan mam dan tawn ai aten du hkra rau amu galaw let, mam nlim gut nna kamoi hte matut nga nga ai.

RUHTA 3:2

Nang hte rau magam amu galaw ai manang numsha ni a Madu Bua gaw ndai nta ni a nta chyen mi rai nga ai, amyu dap a jinghku rai nga ai hpe dum u. Ya madat u, dai na de shi gaw chyarang ntsa e muk-yaw mam kabye nga na ra ai.