RUHTA 2:7 - Jinghpaw Common Language Bible 2009

⁷ Shi gaw mam dan ai ni a hpang e hkan nang nna, nlim hkan gut la lu u ga, nga nna ngai kaw ahkang hpyi ai hte dai hpawt kaw nna shang gut nu ai, ya aten mi gan hkring sa la na matu shingbyi nga wu ai,” ngu nna htan wu ai.

Jinghpaw Hanson Version Bible

⁷ shi mung, ‘Ngai mam dan ai ni a hpang e, mam hkauling hta na ngam ai nlim hkan gut la n ga yaw,’ nga nna shang gut nga ai; dai hpawt kaw nna, ya wa e, hkring mi sha nta e sa ai du hkra, gut nu ai,” ngu nna htan wu ai.

RUHTA 2:7 ပူးပေါင်းရင်းမြစ်များ

GA SHAGAWP 13:4

Lagawn ai masha wa gaw lama mi hpe gade wa marit nga ti mung, dai hpe galoi mung lu la na wu ai n rai; shakut shaja ai wa chyawm gaw shi ra ai lam hpa hpe rai ti mung, lu la na ra ai.

GA SHAGAWP 15:33

Dai Madu hpe hkrit hkungga ai gaw hpaji nan rai nga ai; nang shagrit shanem chye yang sha, shagrau sha-a ai hpe hkam la lu nga ai.

GA SHAGAWP 18:23

Matsan mayan re ai masha wa tsun shaga yang, shi gaw sumnung shingdi rai shaga ra nga ai; sut su ai wa htan ai shaloi, shi gaw n kaw n law di nga ai.

GA SHAGAWP 22:29

Bungli galaw kangka ai masha ngai hpe madun dan e; shaloi, hkawhkam ni a manang tai ging ai hte kaga ni law law hta kaja htum ai wa hpe nang hpe madun na nngai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

MAHTE 5:3

“Wenyi hta matsan mayan rai nga ai hpe dum chye ai masha ni gaw a lu ma ai, hpa majaw nga yang, sumsing lamu a mungdan gaw shanhte a mungdan rai nga malu ai!

ROMA 12:11

Lagawn lamawn n re ai sha magam bungli hpe n-gun lapyin dat let shakut shaja galaw nga mu. Tup hkrak maju jung ai myit masin hte dai Madu a bungli hpe agalaw nga mu.

GALATI 6:9

Dai rai nna kaja ai amu galaw na anhte n hki n sang nga ga; hpa majaw nga yang, anhte myit n yaw, myit n daw ga yang gaw, aten ladaw du jang anhte dan la na raga ai.

EHPESU 5:21

Nanhte a Hkristu hpe hkrit kamyin ai myit a majaw shada da a npu e ataw nga mu.

RUHTA 2:2

Lani mi na nhtoi hta, Ruhta gaw Naomi hpe, “Mam dan ai ni ngam da ai nlim hkan gut la na matu ngai yi de sa n-ga. Ngai hpe ahkang jaw na masha sa mu tam na kam nngai,” ngu nna tsun wu ai. Naomi gaw, “Ngai nam e, sa magang su,” ngu nna htan wu ai.

RUHTA 2:21

Dai hpang Ruhta gaw, “Yawng hta grau kaja htum ai gaw shanhte mam dan tawn ai aten du hkra, shi a mam dan masha ni hte rau, mam gut la na, shi ngai hpe tsun da ni ai,” ngu nna tsun dan wu ai.

RUHTA 2:6

Hpa-awn wa gaw, “Shi gaw Naomi hte rau Moba mung kaw nna hkan nang wa ai maigan numsha langai mi rai nga ai.

RUHTA 2:8

Dai hpang, Bua gaw Ruhta hpe, “Ngai nang hpe hpaji loi mi jaw de ga; ndai yi hta lai nna kaga shara hkan hkum hkan gut sa; ndai yi hta amu galaw ai numsha ni hte rau galaw u;