RUHTA 2:4 - Jinghpaw Common Language Bible 2009

⁴ Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.

Jinghpaw Hanson Version Bible

⁴ Shaloi Bua gaw Betlehem mare na sa nna, mam dan ai ni hpe, “Yehowa nanhte hte rau nga nga u ga law,” ngu wu ai. Shanhte mung, “Yehowa nang hpe shaman ya u ga law,” nga nna htan ma ai.

RUHTA 2:4 ပူးပေါင်းရင်းမြစ်များ

NINGPAWT NINGHPANG 18:19

Abraham gaw shi a shadang sha ni hte shi a matu mara ni nye a ga hpe madat mara nna ding hpring teng man ai amu hpe galaw ai lam hta shi hkang lu na matu ngai shi hpe lata la ni ai. Shanhte hkan shatup ai rai yang, nye a ga sadi hte maren, shi a matu lam shagu hpe ngai shadik ya na nngai,” ngu nna shi kraw e tsun wu ai.

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

1 HKAWHKAM LABAU 2:51

Shi a kasha Ma Naw ngu na Salma gaw Betlehem mare hpe woi de da nhtawm Ma La ngu na Harep gaw Betgadera mare hpe woi de da nga ai.

SHAKAWN KUNGDAWN 118:26

Madu a mying nsang hte du sa ai wa hpe Karai Kasang shaman ya nga u ga! Madu a Htingnu kaw nna, anhte nang hpe shakawn ga ai.

SHAKAWN KUNGDAWN 134:3

Sumsing lamu hte ginding aga hpe hpan tawn da ai dai Madu gaw Ziun Bum kaw nna nanhte hpe shaman ya nga u ga law!

YEREMIA 31:23

Chyahtum Chyalai N-gun Rawng ai dai Madu Israela a Karai Kasang gaw, “Amyu masha ni hpe shanhte a mungdan de ngai bai woi wa ai shaloi, shanhte gaw Yuda mung hte de a mare ni hkan, ‘Dai Madu gaw Yerusalem a chyoi pra ai bum, shi shanu nga ai chyoi pra ai shara hpe shaman ya nga u ga,’ ngu nna kalang mi bai tsun lu na mara ai.

BU HKAWM 6:24

Dai Madu gaw nang hpe shaman ya nna lanu lahku nga u ga;

LUKA 1:28

Lamu kasa gaw Mari kaw du jang, “Chyeju nga lit ga, nang a lu ndai, dai Madu gaw nang hte rau nga nga ai rai nna shaman chyeju kaba nang hpe jaw nit dai,” ngu wu ai.

2 HTESALONI 3:16

Anhte a ngwi pyaw ai lam a npawt rai nga ai Madu gaw, nanhte hpe tut nawng e lam shagu hta ngwi pyaw ai lam ajaw nga u ga.

1 TIMOHTI 6:2

Hkristan madu ni a npu e nga ai mayam ni gaw tinang a madu ni hpe maren mara hpu nau ni rai ma ai ngu nna n kaw n law n mai di ai; hpa majaw nga yang, tinang a galaw daw ai majaw akyu hkam sha ai ni gaw tinang ni tsaw ra nga ai kam sham ai ni rai nga ma ai majaw shanhte hpe grau nna pyi daw jau ra nga ai. Nang gaw ndai lam hpe sharin shaga nna hkaw tsun lu na rai ndai.

2 TIMOHTI 4:22

Dai Madu gaw na a wenyi hte rau anga nga u ga. Karai Kasang a chyeju gaw nanhte hte rau anga nga u ga law.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

TARA AGYI 6:12

Dai Madu a lamu kasa gaw dai yang e shi kaw dan pru nna, “N-gun ja nna share ai wa e, dai Madu gaw nang hte rau rai nga ai!,” ngu nna tsun wu ai.

TARA AGYI 6:16

Dai Madu mung, “Ngai nang hpe karum la na rai nga nngai majaw nang gaw dai amu hpe galaw lu na rai ndai. Nang gaw shanhte hpe marai mi hpe zawn loi loi hte dai Midian masha ni hpe agrawp kau lu na rai ndai,” ngu nna htan wu ai.

RUHTA 2:3

Dai rai nna, Ruhta gaw yi de sa nhtawm, mam dan ai ni a hpang e shanhte ngam da ai nlim ni hpe hkan hta, gut la lu nga ai. Shi gaw n dum shami Bua a yi de sa ang nga wu ai.

RUHTA 2:5

Bua gaw mam dan hpa-awn wa hpe, “Dai numsha ma gaw kadai rai nga a ni?,” ngu nna san wu ai.

RUHTA 4:11

Mare a ningbaw ni hte kaga masha ni mung, “Rai sa, anhte gaw sakse ni rai nga saga ai. Yaku hpe kasha law law shaprat ya ai Rahkela hte Lea yan zawn na a madu jan hpe dai Madu hpajang ya nga u ga. Nang mung Ehprat a amyu lakying hta sut su ngamu ngamai wa ai hte Betlehem mare hta kajai gumhkawng wa nu ga.

1 SAMUELA 17:37

Dai Madu gaw ngai hpe hkanghkyi ni hte tsap ni a lata kaw na mung hkye la ni ai; ya ndai Hpilisti masha wa a lata kaw na mung ngai hpe hkye la na ra ai,” ngu nna tsun wu ai. Shaloi Shawlu gaw, “Mai sa, dai rai yang gaw sa su, Dai Madu gaw nang hte rau a nga nga u ga law,” ngu nna htan wu ai.