RUHTA 2:3 - Jinghpaw Common Language Bible 2009

³ Dai rai nna, Ruhta gaw yi de sa nhtawm, mam dan ai ni a hpang e shanhte ngam da ai nlim ni hpe hkan hta, gut la lu nga ai. Shi gaw n dum shami Bua a yi de sa ang nga wu ai.

Jinghpaw Hanson Version Bible

³ Ruhta mung sa nna, mam dan ai ni a hpang e nlim hkan gut wu yang, Elimelek amyu dap hpu na Bua a yi hta ndum shami sa ang wu ai.

RUHTA 2:3 ပူးပေါင်းရင်းမြစ်များ

2 SAMUELA 1:6

Dai shabrang wa chyawm gaw, “Gilaboa Bum ntsa e hpa baw mi byin sai kun, ngu du hkawm yu yang, Shawlu gaw shi a nri hta shanat nga ai shaloi hpyen maga de na hpyen leng ni hte gumra jawn ai ni shi hpang de shani sa wa nga ma ai hpe ngai mu nngai.

2 SAMUELA 20:1

Benyamin amyu bawsang hta na Bikri a kasha Sheba mying nna, arawn alai n htap ai masha langai, Gilgala mare hta nga ai. Shi gaw pahtau dum dat nhtawm, “Dawi hkrat sum u ga law! Shi a hpang anhte n hkan lu na ga ai! Israela masha ni e nta de wa shajang saga law!,” ngu nna jahtau tsun wu ai.

2 HKAWHKAM 8:5

Gehazi gaw hkawhkam wa hpe Elisha gaw si mat sai masha langai mi hpe kaning rai jahkrung da sai lam tsun dan nga yang, numsha wa mung hkawhkam wa kaw hpyi lajin nga wu ai. Shaloi Gehazi gaw hkawhkam wa hpe, “Madu hkawhkam e, ndai numsha hte ndai ma mung Elisha jahkrung ya ai shi a kasha rai nga ai!,” ngu nna tsun wu ai.

MAHTE 10:29

U tsa lahkawng hpe pyeksan langai mi hte mari lu ai n rai ni? Rai ti mung, nanhte a Kawa a myit ra ai hku n rai yang gaw, dai ni hta na langai mi pyi ga de n hkrat ma ai.

LUKA 10:31

Shaloi hkinjawng langai mi dai lam hku lai yu wa hkrup nna, dai wa hpe mu jang, koi kau da wu ai.

2 HTESALONI 3:12

Shing rai nga ai masha ni gaw, atsawm sha hkrak ai hku nga nna tinang a kan bau bungli galaw let hkrung nga mu ga, ngu nna Madu Yesu Hkristu a mying nsang hta e anhte htet da ai hte sadi jaw dat ga ai.

RUHTA 2:2

Lani mi na nhtoi hta, Ruhta gaw Naomi hpe, “Mam dan ai ni ngam da ai nlim hkan gut la na matu ngai yi de sa n-ga. Ngai hpe ahkang jaw na masha sa mu tam na kam nngai,” ngu nna tsun wu ai. Naomi gaw, “Ngai nam e, sa magang su,” ngu nna htan wu ai.

RUHTA 2:4

Loi hkring mi rai jang, Bua shi nan Betlehem mare kaw nna du sa wa nhtawm mam dan ai masha ni hpe, “Dai Madu gaw nanhte hte rau anga nga u ga law!,” ngu nna shakram let tsun wu ai. Shanhte gaw, “Dai Madu nang hpe shaman ya nga u ga!,” ngu nna htan ma ai.