RUHTA 2:2 - Jinghpaw Common Language Bible 2009

² Lani mi na nhtoi hta, Ruhta gaw Naomi hpe, “Mam dan ai ni ngam da ai nlim hkan gut la na matu ngai yi de sa n-ga. Ngai hpe ahkang jaw na masha sa mu tam na kam nngai,” ngu nna tsun wu ai. Naomi gaw, “Ngai nam e, sa magang su,” ngu nna htan wu ai.

Jinghpaw Hanson Version Bible

² Shaloi Moba num Ruhta gaw, “Ngai yi de sa nna, ai nawn ai ni kaw, mam nlim hkan gut ni ga yaw,” ngu nna Naomi kaw hpyi wu ai. Naomi mung, “Sa su, ngai nam gaw,” ngu dat wu ai.

RUHTA 2:2 ပူးပေါင်းရင်းမြစ်များ

NINGPAWT NINGHPANG 32:6

Dai kasa ni Yaku kaw bai du wa yang, shanhte gaw, “Na a nhpu Esaw kaw anhte du saga ai. Nang hpe sa tau la na nga, shi a hkrun lam hkawm na matu shajin da nu ai. Shi hte rau masha mali tsa mung lawm nang na ma ai,” ngu nna tsun dan mu ai.

JAW JAU 19:10

Nanhte a sabyi sun hta na nlim mung bai di lu na myit dai n rai; shi hkrai hkrat mat ai hpe mung hta la lu na myit dai n rai; dai gaw matsan mayan re ai ni hte hkrun lam hkawm sa ai manam ni a matu ngam da ya lu na rai myit dai. Ngai gaw dai Madu nanhte a Karai Kasang rai nga nngai.

JAW JAU 19:16

Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.

JAW JAU 19:9

“Nanhte a yi hkauna hta na nai mam ni shu la yang, njut nnaw shingnawm hkan tu ai nsi naisi du hkra dan la lu na n rai; hkauling hta na ngam ai nlim hpe mung bai nhtang gut la lu na myit dai n rai.

JAW JAU 23:22

Nanhte a yi hkauna kaw na nai mam ni shu la myit dai shaloi, yi hkauna a njut nnaw hkan na nsi naisi dan la lu na myit dai n rai; dai gaw matsan mayan re ai ni hte tsasam masha ni a matu ngam da ya lu na rai myit dai. Ngai gaw dai Madu nanhte a Karai Kasang rai nga nngai.

RUHTA 2:3

Dai rai nna, Ruhta gaw yi de sa nhtawm, mam dan ai ni a hpang e shanhte ngam da ai nlim ni hpe hkan hta, gut la lu nga ai. Shi gaw n dum shami Bua a yi de sa ang nga wu ai.

RUHTA 2:7

Shi gaw mam dan ai ni a hpang e hkan nang nna, nlim hkan gut la lu u ga, nga nna ngai kaw ahkang hpyi ai hte dai hpawt kaw nna shang gut nu ai, ya aten mi gan hkring sa la na matu shingbyi nga wu ai,” ngu nna htan wu ai.

1 SAMUELA 1:18

Shi gaw, “Ngai hpe matsan dum la na tut nawng myit dum ya nga rit law,” ngu nna htang tsun wu ai. dai hpang n yawn nga ai sha, lusha loi mi sha la nna wa mat wa wu ai.