RUHTA 2:19 - Jinghpaw Common Language Bible 2009

¹⁹ Naomi gaw shi hpe, “Dai ni, nang ndai mam ni yawng hpe gara shara kaw na gut wa n ta? Kade a yi hta sa gut la n ta? Nang hpe myit lawm ai masha wa hpe Karai Kasang shaman ya u ga law!,” ngu nna tsun wu ai. Dai rai nna Ruhta gaw dai ni ngai sa gut la ai yi madu gaw Bua mying ai masha wa a yi na rai nga ai ngu, Naomi hpe tsun dan wu ai.

Jinghpaw Hanson Version Bible

¹⁹ Shaloi kamoi gaw, “Dai ni kanang sa gut n ta? Kanang sa galaw n ta? nang hpe hkap shachyen la ai wa gaw, a nga u ga law,” ngu wu ai. Ruhta mung, “Dai ni ngai sa gut ai yi madu a amying gaw Bua rai lu ai,” nga nna shi a lam kamoi hpe tsun dan wu ai,

RUHTA 2:19 ပူးပေါင်းရင်းမြစ်များ

1 HKAWHKAM 7:21

Huram gaw dai magri mang shadaw lahkawng hpe Nawku Htingnu a shang wa chyinghka lam a man e shadun wu ai; langai mi hpe dingda maga de shadun nna Yahkin ngu nna shamying wu ai. Bai langai mi hpe mahtang dingdung maga de shadun da nhtawm dai hpe Bua ngu nna shamying wu ai.

SHAKAWN KUNGDAWN 41:1

Matsan mayan masha ni a matu, myit ru myit tsang ya nga ai ni gaw a nga ai; shanhte ru tsang hkrum nga ai shaloi, dai Madu gaw shanhte hpe karum la na ra ai.

SHAKAWN KUNGDAWN 41:2

Dai Madu gaw shanhte hpe makawp maga ai hte shanhte a asak hpe kyem mazing da ya na ra ai; shi gaw dai lamu ga hta shanhte hpe kabu gara shangun nna, shanhte a gumlau hpyen ni a lata hta shanhte hpe shi kau da na wu ai n rai.

SHAKAWN KUNGDAWN 44:1

O Karai Kasang e, anhte a na ni hte dai lam hpe anhte na yu saga ai. Anhte a kaji kawa ni mung, lai mat wa sai nhtoi ni ngu ai, shanhte a aten hta, nang galaw shapraw dan sai galu kaba ai amu ni ngu ai;

RUHTA 2:10

Ruhta gaw shi a myi man hpe ga de gum dagup da nna Bua hpe, “Nang ngai hpe hpa majaw dai daram gawn yu nga n ta? Nang gaw maigan masha wa hpe hpa majaw grai matsan yu dum nga n ni?,” ngu nna tsun wu ai.