RUHTA 2:18 - Jinghpaw Common Language Bible 2009

¹⁸ Shi gaw lu dup la ai mam hpe gun nna, mare de bai wa nhtawm shi a kamoi hpe shi lu la wa ai mam madun wu ai; shi sha hkru nna naw ngam ai lusha hpe mung wa jaw wu ai.

Jinghpaw Hanson Version Bible

¹⁸ Dai hpe gun wa nna mare de bai wa ai; shi gut lu ai mam dai kamoi hpe wa madun wu ai; shi sha hkru nna ngam tawn ai nmyi mung, shi hpe jaw dat wu ai.

RUHTA 2:18 ပူးပေါင်းရင်းမြစ်များ

1 TIMOHTI 5:4

Rai ti mung gaida jan langai ngai hta kashu kasha lu ai rai yang, shanhte gaw tinang a dinghku a matu nawku htung makam masham hte seng nna galaw ra ai lit ni hpe shawng sharin la mu ga, shing rai galaw ai hku nna tinang a kanu kawa ni hte kaji kawoi ni hpe chyeju htang jaw mu ga, hpa majaw nga yang dai gaw Karai Kasang hpe sharawng awng shangun ai lam rai nga ai.

RUHTA 2:14

Shat sha ai aten hta Bua gaw Ruhta hpe, “Wa rit, ndai muk hkyep hpe la nna ntsin hkri hta dai hpe dip galu u,” ngu nna tsun wu ai. Shing rai, mam dan ai ni hte rau shi wa dung nga ai; Bua mung shi hpang de mam nmyi nkau mi jaw shalai dat ya wu ai. Shi sha hkru nna lusha nkau mi naw ngam hkra pyi rai nga ai.

RUHTA 2:17

Dai rai nna, Ruhta gaw shana de du hkra dai yi hta gut la ai hte dai ni hpe dup la ai shaloi pawng hkun manga daram lu la nga ai.