RUHTA 2:14 - Jinghpaw Common Language Bible 2009

¹⁴ Shat sha ai aten hta Bua gaw Ruhta hpe, “Wa rit, ndai muk hkyep hpe la nna ntsin hkri hta dai hpe dip galu u,” ngu nna tsun wu ai. Shing rai, mam dan ai ni hte rau shi wa dung nga ai; Bua mung shi hpang de mam nmyi nkau mi jaw shalai dat ya wu ai. Shi sha hkru nna lusha nkau mi naw ngam hkra pyi rai nga ai.

Jinghpaw Hanson Version Bible

¹⁴ Bai, shat sha ai aten du jang, Bua gaw dai numsha hpe, “Wa rit, shat wa sha ru; ndai ntsin hkri hta na muk hkyep galu u,” ngu wu ai. Shaloi mam dan ai ni hte rau shi wa dung nna, Bua mung shi hpe mam nmyi jaw wu ai; shi mung sha hkru nna, ngam hkra rai nga lu ai.

RUHTA 2:14 ပူးပေါင်းရင်းမြစ်များ

2 SAMUELA 17:28

Dawi hte shi a masha ni nam mali kata e hki ba nna kawsi hpang gara hkrum sha nga ma ai hpe shanhte chye ma ai majaw shanhte gaw jarung, ga di bu hte panep ni hpe mung, Dawi hte shi a masha ni sha na lusha a matu hkaulan mam, muk-yaw mam, malu masha, kabaw da ai nsi naisi, shapre, naw kyu, lagat ntsin, htawbat, chyu shage hte sagu ni sa sak jaw ma ai.

SHAKAWN KUNGDAWN 23:5

Nye a gumlau hpyen ni yawng ngai hpe mu mada lu ai shara hta; nye a matu sha ku nang lajang da ya nga ndai. Nang gaw ngai hpe shagrau sha-a hkrum ai manam langai mi hpe zawn hkalum la nga ndai, nye a gawm hpe nten dem rai hkra jahpring ya nga ndai.

ESAIA 32:8

Rai ti mung shagrau ging ai wa chyawm gaw myit malang ai hku amu galaw nna ding man ai amu a matu ngang ngang tsap nga ai.

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

MAHTE 14:20

Shaloi shanhte yawng sha nna hkru kat nga ma ai. Dai hpang sape ni gaw ngam ayai nga ai adaw ahkyep ni hpe lahkawn la yang, mung shi lahkawng hpring dem rai nga ai.

TARA JAHPRANG 11:15

Nanhte gaw nanhte sha mayu ai lusha hkum sumhpa yawng hpe lu la na marin dai.

TARA JAHPRANG 8:10

Nanhte sha mayu ai lusha yawng lu la na rai nna, dai Madu nanhte a Karai Kasang nanhte hpe jaw ya nu ai dai ga sau hte hpring nna ningru ningja ai lamu ga a majaw shi hpe chyeju dum na rai myit dai.

RUHTA 2:13

Ruhta gaw, “Madu e, nang gaw ngai hpe grai wa yu matsan dum chye ai wa rai nga ndai. Ngai gaw na a shangun ma langai mi a madang daram n rai nga tim pyi gaw ngai hpe ga ngwi ga pyaw shaga nna kabu gara hkam sha shangun nga ndai,” ngu nna bai htan wu ai.

RUHTA 2:15

Mam nlim gut na matu pru sa mat wa yang, Bua gaw shi a mam dan ai ni hpe, “Hkauling shabawn hkan na pyi shi gut la lu u ga, shi hpe hpa mung hkum hkan tsun myit. Dai hta n-ga, hkauling shabawn ni kaw nna mam nkau mi shaw la shangun mu; shi gut la lu na matu ngam da ya mu,” ngu nna hkang dat wu ai.

RUHTA 2:18

Shi gaw lu dup la ai mam hpe gun nna, mare de bai wa nhtawm shi a kamoi hpe shi lu la wa ai mam madun wu ai; shi sha hkru nna naw ngam ai lusha hpe mung wa jaw wu ai.

1 SAMUELA 17:17

lani mi na aten hta Yese gaw Dawi hpe, “Ndai mam npaw bye mali, ndai muk tawng shi la lang nhtawm dap de nga ai na nhpu ni kaw tin tin sa wa su.

1 SAMUELA 25:18

Abigala gaw muk tawng lahkawng tsa, sabyi ntsin shanhpyi tau lahkawng hpring hpring, kakang da sai sagu manga, mam npaw dang lahkawng, sabyi si jahkraw sumbaw latsa, lakum si jahkraw hte galaw da ai muk lahkawng tsa, ni hpe alawan lahkawn shinggyin la nhtawm lawze ni hta htaw ma ai.