RUHTA 2:13 - Jinghpaw Common Language Bible 2009

¹³ Ruhta gaw, “Madu e, nang gaw ngai hpe grai wa yu matsan dum chye ai wa rai nga ndai. Ngai gaw na a shangun ma langai mi a madang daram n rai nga tim pyi gaw ngai hpe ga ngwi ga pyaw shaga nna kabu gara hkam sha shangun nga ndai,” ngu nna bai htan wu ai.

Jinghpaw Hanson Version Bible

¹³ Ruhta mung, “Madu e, na a man e ngai myi man pa ni ga law; ngai wa, na a shangun ma numsha ni hte pyi n bung nngai wa; nang madu ga ngwi ga pyaw hte ngai hpe shalan nna, na a mayam jan hpe kabu shangun ni ai,” ngu nna tsun wu ai.

RUHTA 2:13 ပူးပေါင်းရင်းမြစ်များ

NINGPAWT NINGHPANG 32:6

Dai kasa ni Yaku kaw bai du wa yang, shanhte gaw, “Na a nhpu Esaw kaw anhte du saga ai. Nang hpe sa tau la na nga, shi a hkrun lam hkawm na matu shajin da nu ai. Shi hte rau masha mali tsa mung lawm nang na ma ai,” ngu nna tsun dan mu ai.

NINGPAWT NINGHPANG 33:10

Yaku gaw, “N rai law, na a man e ngai myi man pa ni ai rai yang gaw chyeju hte nye a kumhpa ni hkap la ya e. Nang ngai hpe hku lahkun re ai myit rawng nga ndai majaw, na a myi man hpe mu lu ai gaw nye a matu Karai Kasang a myi man mu lu ai zawn rai nga li ai.

NINGPAWT NINGHPANG 33:15

Esaw gaw, “Dai rai taw, nye a masha nkau mi nang hte tawn da ya de ga,” ngu nna tsun wu ai. Rai ti mung, Yaku mahtang, “Na a man e myi man pa lu na hta kaga

NINGPAWT NINGHPANG 33:8

Esaw mahtang, “Ngai hkrum kau dat ai kaga hpung ni gaw kaning re ai ni rai nga ma ta? Dai gaw kaning re ai lachyum rai nga a ta?,” ngu nna san wu yang, Yaku gaw, “Dai gaw na a man e myi man pa lu na matu rai nga li ai,” ngu nna htan wu ai.

NINGPAWT NINGHPANG 34:3

Rai ti mung, dai numsha a ahpraw ningja grai tsawm htap nga ai hpe shi mu wu ai majaw shi hta tsaw ra myit anoi nga ai rai nna shi a tsaw ra myit hpe hkam la lu na matu shakut wu ai.

NINGPAWT NINGHPANG 43:14

Chyahtum Chyalai N-gun Rawng Ai Karai Kasang gaw dai wa a jaw e, nanhte hpe matsan dum la shangun nga u ga; Benyamin hta kaga nanhte a hpu nau langai mi hpe ngai hpang de bai woi nhtang wa na shi dat dat ya na ru ai. Nye a matu chyawm gaw, kasha ni sum mat ai rai yang mung sum mat sanu ga,” ngu nna shanhte hpe tsun wu ai.

2 SAMUELA 16:4

Hkawhkam wa gaw Ziba hpe, “Mehpiboshet madu da ai arai shagu gaw na a rai nga lit dai,” ngu nna tsun wu ai. Ziba chyawm gaw, “Ngai gaw na a shangun ma she rai nga nngai. Dai rai nna nye a hkawhkam hpe ngai tut nawng awng sharawng nga n-ga law,” ngu nna tsun htang wu ai.

GA SHAGAWP 15:33

Dai Madu hpe hkrit hkungga ai gaw hpaji nan rai nga ai; nang shagrit shanem chye yang sha, shagrau sha-a ai hpe hkam la lu nga ai.

HOSEA 2:16

Shaloi shi gaw ngai hpe shi a madu wa ngu nna bai shaga na ra ai; shi gaw ngai hpe shi a Bala ngu nna galoi mung shaga na ra ai n rai.

HPILIPI 2:3

Gumrawng gumtawng mayu ai myit, tinang akyu tam mayu ai myit, hte hpa mung hkum galaw mu; masha kaga wa gaw tinang hta grau kaja nga ai ngu nna tut nawng myit la let shada da shagrit shanem ai myit hte kanawn mazum nga mu.

TARA AGYI 19:3

Dai hpang dai wa gaw shi a nta de bai nhtang wa lu na matu shi hpe shalen la na nga, shi hpang de hkan sa na daw dan wu ai. Shi hte rau shi a shangun ma langai, lawze lahkawng woi nna rawt sa mat wa wu ai. Dai numsha mung Lewi wa hpe nta de woi shang wa ai rai nna shi a kawa dai wa hpe mu ai shaloi, shi hpe kabu gara ai hte hkalum la wu ai.

RUHTA 2:12

Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.

RUHTA 2:14

Shat sha ai aten hta Bua gaw Ruhta hpe, “Wa rit, ndai muk hkyep hpe la nna ntsin hkri hta dai hpe dip galu u,” ngu nna tsun wu ai. Shing rai, mam dan ai ni hte rau shi wa dung nga ai; Bua mung shi hpang de mam nmyi nkau mi jaw shalai dat ya wu ai. Shi sha hkru nna lusha nkau mi naw ngam hkra pyi rai nga ai.

1 SAMUELA 1:18

Shi gaw, “Ngai hpe matsan dum la na tut nawng myit dum ya nga rit law,” ngu nna htang tsun wu ai. dai hpang n yawn nga ai sha, lusha loi mi sha la nna wa mat wa wu ai.

1 SAMUELA 25:41

Abigala gaw ga de dingnyawm dagup nhtawm, “Ngai gaw nye a madu a shangun ma ni a lagaw kashin na daram sha re ai shangun ma langai mi she rai nga nngai,” ngu nna tsun wu ai.