RUHTA 2:12 - Jinghpaw Common Language Bible 2009

¹² Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.

RUHTA 2:12 ပူးပေါင်းရင်းမြစ်များ

SHAKAWN KUNGDAWN 17:8

Tara n lang ai ni a gasat gala ai hte law la ai hpyen ni ngai hpe wang shinggrup nga ai kaw na na a myi sha ni hpe nang makawp maga ndai zawn ngai hpe na a singkaw ni a shingnip a npu e makoi da e.

SHAKAWN KUNGDAWN 19:11

Dai ni gaw na a shangun ma rai nga ai ngai hpe machye machyang hpaji jaw ya e; ngai mung dai lam ni hpe hkan sa madat mara ai majaw, shagrau sha-a ai hkrum nga nngai.

SHAKAWN KUNGDAWN 36:7

Karai Kasang e, na a dinggrin tsaw ra myit gaw kade wa hpu reng nga a hka! Na a singkaw ni a shingnip npu hta shingbyi shara anhte lu ga ai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 58:11

“Ding hpring ai ni gaw teng teng shagrau sha-a ai hkam la na mara ai; mungkan hpe tara jeyang na Karai Kasang gaw teng teng nga nga ai,” nga nna masha ni tsun wa na mara ai.

SHAKAWN KUNGDAWN 61:4

Nye a asak prat tup na a chyoi pra ai shara hta ngai nga nga lu n-ga; na a singkaw ni a npu e shim ai shara hta ngai shingwung lu n-ga.

SHAKAWN KUNGDAWN 63:7

na a lam hpe shana tup ngai myit yu nga nngai. Na a singkaw ni a shingnip kata hta kabu gara ai hte ngai mahkawn mangoi nga nngai.

SHAKAWN KUNGDAWN 91:4

Shi gaw shi a singkaw ni hte nang hpe magap da na ra ai, shi a lanu lahku mada mara ai hta nang shim nga lu na ra ai; shi a sadi sahka gaw nang hpe makawp maga ya ai hte, bau sin ya na ra ai.

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

GA SHAGAWP 23:18

Dai rai yang, na a shawng lam grai awng dang na ra ai.

YEREMIA 31:16

Na a hkrap ai hpe shangap kau u na a myi prwi hpe katsut kau u. Na a nshu nsha ni a matu nang galaw sai lam yawng mayawng hte maren shabrai n hkam la na ma ai n rai; shanhte gaw gumlau hpyen ni a mung kaw nna nhtang wa na mara ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

MAHTE 6:1

Nanhte hpa galaw ai hpe masha ni mada mu lu mu ga, shawa a man e sha nanhte a nawku htung hte seng nna galaw daw ra ai amu ni hpe n galaw myit ga, sadi nga mu; shing n rai yang gaw, sumsing lamu hta nga ai nanhte a Kawa kaw na hpa shabrai mung nanhte n lu na myit dai.

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

KOLOSE 2:18

Laklai ai shingran ni hpe mu ai majaw yawng hta grau ai ngu myit ai hte n teng n man ai hku shagrit shanem shangun nna lamu kasa ni hpe nawku na matu shadut ai ni kadai hpe rai ti mung nanhte hpe mara hkum dawdan shangun et. Dai zawn re ai ni gaw shanhte a shinggyim myit hku nna kaman lila grang dakat ai ni rai ma ai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

RUHTA 1:16

Rai ti mung, Ruhta gaw, “Nang hte hka na, ngai hpe hkum shadut et! Nang hte rau tut tut hkawm sa lu n ga. Nang du ai shara shagu hkan ngai du nang na nngai; nang nga ai shara shagu hkan, ngai mung hkan nga na nngai. Na a amyu gaw nye a amyu, na a Karai Kasang gaw nye a Karai Kasang rai nga na ra ai.

RUHTA 2:11

Bua chyawm gaw, “Na a madu wa si mat ai hpang, na a kamoi hpe galaw jaw ai lam magup mung ngai na ni ai. Na a nnu yan nwa hte na a mungdan hpe kau da nna, shawng de nang galoi mung n chye n hkau ai masha ni a lapran e nang sa du nga ai lam ngai chye nngai.

RUHTA 2:13

Ruhta gaw, “Madu e, nang gaw ngai hpe grai wa yu matsan dum chye ai wa rai nga ndai. Ngai gaw na a shangun ma langai mi a madang daram n rai nga tim pyi gaw ngai hpe ga ngwi ga pyaw shaga nna kabu gara hkam sha shangun nga ndai,” ngu nna bai htan wu ai.

RUHTA 4:15

Nang hpe tsaw ra nna shadang sha sanit lu ai hta grau akyu jaw ai na nnam gaw na a aprat nhtang ya ai wa, nang hpe aprat ugut gu hkra bau lakawn na na a kashu hpe shaprat ya nu ai,” ngu nna shaman ya ma ai.

1 SAMUELA 24:19

Masha wa mi shi a gumlau hpyen wa hpe kade lang lu rim tim, n machyi jahkrum ai sha dat kau shangun mai nga a ni? Dai ni nang ngai hpe galaw nit dai amu a majaw, dai Madu gaw nang hpe shaman ya nga u ga law!

1 SAMUELA 24:20

Ya nang gaw Israela hkawhkam tai na ra ai mung, dai mungdan gaw nang up hkang ai npu hta matut nna grin nga na mung, ngai hkrak chye ni ai.