RUHTA 1:8 - Jinghpaw Common Language Bible 2009

⁸ shi gaw shan hpe hkrun lam e, “Nan a dum nta de bai nhtang wa masu, nan a kanu ni hte rau wa nga mu. Nan gaw si mat ai yan hpe mung, ngai hpe mung galaw jaw manit dai hte maren, dai Madu gaw nan hpe chyeju htang ya nga u ga.

Jinghpaw Hanson Version Bible

⁸ Naomi chyawm gaw kanam yan hpe, “Wa manu, nan a nnu nwa nta de wa manu; nan gaw, si mat ai yan hpe mung, ngai hpe mung, galaw jaw manit dai hte maren, Yehowa nan hpe chyeju htang ya malit ga law.

RUHTA 1:8 ပူးပေါင်းရင်းမြစ်များ

2 SAMUELA 2:6

Ya chyawm gaw dai Madu nanhte hpe matsan dum ai hte kangka ai chyeju jaw ya nga u ga law. Nanhte galaw kau sai amu a majaw, ngai mung nanhte hpe mai kaja ai lam galaw na made ai.

EHPESU 5:22

Madu jan ni e, nanhte gaw Madu a up hkang ai hpe hkam la nga myit dai hte maren, madu wa a up hkang ai hpe hkam la mu.

KOLOSE 3:18

Madu jan ni e, tinang a madu wa ni hkang ai hku hkan nga mu, dai gaw Hkristan langai mi hku nna dai Madu hta hkan sa na matu sut ai lam rai nga ai.

KOLOSE 3:24

Karai Kasang gaw shi a amyu masha ni hpe ga ndat tawn da ai shaman chyeju sali wunli hpe nanhte hkam la na rai nga myit dai hpe galoi mung adum nga mu. Hpa majaw nga yang, Hkristu chyawm gaw nanhte daw jau nga ai Madu majing rai nga ai.

RUHTA 1:5

Malon hte Hkilion yan mung si mat ma ai, Naomi gaw madu wa, kasha ni n nga mat ai hte shi chyu sha ngam nga ai.

RUHTA 1:7

Shanhte gaw Yuda mung de nhtang wa na matu rau pru sa wa ma tim,

RUHTA 1:9

Nan a matu dinghku bai de lu nna, nan a madu wa ni hte rau nga lu u ga. Dai Madu gaw dai lam shabyin ya na ra ai,” ngu nna tsun wu ai. Dai rai nna Naomi gaw shan hpe pup shakram wu ai. Rai ti mung, shanhte gaw hkrap hpang wa ai hte,

RUHTA 2:20

Naomi gaw, “Dai Madu gaw Bua hpe shaman ya nga u ga! Hkrung nga ai ni hte si mat sai ni hta dai Madu shi a ga shaka tut nawng agrin nga u ga,” ngu nna marawn tsun wu ai. Shi gaw matut nna, “Dai wa gaw anhte hte grau ni htep ai jinghku, anhte hpe yu lanu lahku ang ai lit nga ai masha wa mung rai nga ai,” ngu nna tsun dan wu ai.

RUHTA 3:10

Shi gaw, “Dai Madu gaw nang hpe shaman ya u ga. Na a kamoi hpe nang galaw daw ai hta, dinghku sadi dung ai lam grau kaba nga ai hpe nang madun dan nga ndai. Matsan, lu su n nga, shabrang kadai hpe mung nang mai tam nga tim nang kadai hpe mung n myit ndai.