RUHTA 1:6 - Jinghpaw Common Language Bible 2009

⁶ Aten ladaw mi na ai hpang, dai Madu gaw shi a amyu masha ni hpe nsi naisi kaja kat shangun ai hte shaman ya ai shiga hpe Naomi na wu ai shaloi, shi a kanam yan hte rau Moba mung kaw nna rawt pru mat wa na shajin da wu ai.

Jinghpaw Hanson Version Bible

⁶ Dai rai nna, dai numsha gaw Moba mung na bai wa na nga, kanam yan hte rau rawt wa ma ai: kaning rai nme law, Yehowa shi a amyu hpe kawan katsan yu wu ai rai nna, lusha bai jaw sai da, nga ai shi, Moba mung e na nu ai.

RUHTA 1:6 ပူးပေါင်းရင်းမြစ်များ

NINGPAWT NINGHPANG 21:1

Dai Madu gaw shi shagrin da sai ga sadi hte maren, Sara hpe shaman ya ai hte shi hta na-um nasin rai wa nna,

NINGPAWT NINGHPANG 28:20

Dai shara hpe Yaku gaw dai Madu hpe, “Nye wa a nta de shim lum ai hte ngai bai nhtang wa lu hkra,

NINGPAWT NINGHPANG 48:15

Dai hpang shi gaw Yosep hpe shaman ya wu ai: “Nye a kaji kawa ni rai nga ai Abraham hte Isak daw jau ai Karai Kasang gaw ndai ma yan hpe shaman ya u ga law! Ngai hpe lam woi nga ai Karai Kasang gaw ndai yan hpe dai ni jang shaman ya u ga law!

NINGPAWT NINGHPANG 50:25

Dai hpang Yosep gaw shi a amyu masha ni hpe dagam shaka na matu lajin wu ai. Shi gaw, “Ngai hpe ga sadi jaw mi, Karai Kasang nanhte hpe dai mung de woi wa ai shaloi nye a hkum tsawp hpe nanhte hte rau la lung wa na rai myit dai,” ngu nna tsun wu ai.

SHAKAWN KUNGDAWN 102:14

Ziun mare gaw jahten sharun kau hkrum nga tim pyi, na a shangun ma ni shi hpe tsaw ra nga ma ai; dai mare hten byak mat ti pyi, shanhte dai hpe matsan dum ai myit nga nga ma ai.

SHAKAWN KUNGDAWN 111:5

Dai Madu gaw shi hpe shagrau sha-a ai ni hpe lusha jaw ya nga nna; shi a ga shaka hpe galoi mung n malap kau nga ai.

SHAKAWN KUNGDAWN 132:15

Ngai gaw Ziun mare hpe shi hta ra kadawn nga ai lam mahkra ntaw ntsang shaman ya na nngai; dai mare na matsan mayan masha ni hpe mung, lusha hte ngai jahkru shakat na nngai.

SHAKAWN KUNGDAWN 145:15

Asak hkrung ai ni yawng hte gaw nang hpe myit mada let, mada yu nga ma ai rai nna, shanhte hta lusha shahpa kadawn wa ai shaloi, shanhte hpe nang lusha jaw ya nga ndai.

SHAKAWN KUNGDAWN 146:7

Shi gaw dip gamyet sha hkrum ai ni a hpang maga de, tara dara ya nna; kaw si hkrum ai masha ni hpe lusha shahpa jaw ya nga ai. Dai Madu gaw bawng dung ai ni hpe mung shalawt dat wu ai.

SHAKAWN KUNGDAWN 147:14

Shi gaw na a lamu ga jarit ni hpe shim nga shangun nna; sau ai hkaulan mam hta nang hpe shakat ya nga ai.

PRU MAT 3:16

Sa nna Israela a ningbaw ni hpe jahpawng shinggyin da nna shanhte a kaji kawa ni a Karai Kasang, Abraham, Isak hte Yaku ni a Karai Kasang Ngai Madu nan nang kaw dan pru ni ai lam shanhte hpe tsun dan u. Shanhte hpang de ngai nan du ni ai rai nna, shanhte hpe Egutu masha ni kaning rai roi rip nga ai hpe mung ngai mu se ai lam shanhte hpe tsun dan u.

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

GA SHAGAWP 30:8

Masu magaw ga tsun ai kaw na, ngai hpe shatsan shagang kau ya e; sut su ai hte matsan ai mung, ngai hta n rai u ga. Dai majaw ngai hta ra kadawn nga ai shat lusha hpe sha, ngai hpe jaw ya e.

ESAIA 55:10

Nye a mungga gaw ginding aga hpe hka jaw na matu lamu kaw na htu hkrat ai ahkyen hte marang zawn rai nga ai. Dai ni gaw nsi naisi ni hpe tu shangun nna gat hkai na matu nli hte sha na lusha shapraw ya nga ai.

YEREMIA 29:10

Dai Madu gaw, ‘Babelon mung hta sanit shi ning ladu hkrum ai shaloi, nanhte a matu nye a myit tsang ai lam ngai madun dan na mawe ai; nanhte hpe dum nta de bai woi wa na ngu ai nye a ga sadi hpe shadik shatup na nngai.

YOELA 2:19

Shi gaw shanhte hpe ning ngu htan wu ai: “Ya chyawm gaw, ngai nanhte hpe nsi naisi, sabyi ntsin, hte tsanlun sau jaw na made ai, nanhte myit dik hkra hkru kat na madai. Kaga masha amyu baw ni nanhte hpe galoi mung asawng asang di na mara ai n rai.

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.

MAHTE 6:11

Anhte hta ra ai lusha, dai ni anhte hpe jaw mi;

LUKA 1:68

“Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

LUKA 19:44

Shanhte gaw nang hpe mung, na a bunghku ni a kata e rawng nga ai masha ni hpe atsai awai jahten kau ai nhtoi gaw nang kaw pru na ra ai rai nna, nang hta nlung langai mi a ntsa e langai mi pyi n mara ngam nga lu hkra rai na ra ai. Hpa majaw nga yang, nang gaw Karai Kasang nang hpe hkye la na matu du sa ai aten hpe n dum n chye ndai,” ngu wu ai.

1 TIMOHTI 6:8

Dai rai nna anhte gaw lusha hte hpun palawng ni lu nga ga yang gaw, dai hte myit dik nga ga.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

RUHTA 1:5

Malon hte Hkilion yan mung si mat ma ai, Naomi gaw madu wa, kasha ni n nga mat ai hte shi chyu sha ngam nga ai.

RUHTA 1:7

Shanhte gaw Yuda mung de nhtang wa na matu rau pru sa wa ma tim,

1 SAMUELA 2:21

Dai Madu gaw Hana hpe shaman ya nu ai rai nna, shadang sha masum hte shayi sha lahkawng hte hpe bai shaprat wu ai. Dai ma Samuela mung dai Madu hpe daw jau ai amu galaw let kaba wa nga ai.