RUHTA 1:5 - Jinghpaw Common Language Bible 2009

⁵ Malon hte Hkilion yan mung si mat ma ai, Naomi gaw madu wa, kasha ni n nga mat ai hte shi chyu sha ngam nga ai.

Jinghpaw Hanson Version Bible

⁵ Dai shadang sha Malon yan Hkilion mung si mat ma ai rai nna, Naomi gaw kasha mung, madu wa mung n lu, shi khrai rai mat ai.

RUHTA 1:5 ပူးပေါင်းရင်းမြစ်များ

ESAIA 49:21

Dai hpang nang gaw tinang kraw e, ‘Nye a matu ndai ma kaji ni yawng hpe kadai shangai ya nga a ni? Ngai gaw ma ni hpe shamat kau ni ai, kaga mi n lu jat lu na sai. Ngai gaw bawng dung hkrum ai hte gawt kau ai hkrum ni ai- kadai wa ndai ma ni hpe bau kaba dat nga ai kun? Ngai chyu sha nga ai aten hta ndai ma ni gara shara kaw na du sa wa nga ma ni?,’” ngu nna tsun na rin dai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

LUKA 7:12

Dai mare chyinghka de shi du magang yang, si mat ai masha langai mi hpe lup makoi na matu mang hpai ai ni hpai pru sa wa mara ai; si ai wa gaw gaida jan langai mi a shadang sha shingtai rai nga ai; mare masha law law mung dai num hte rau hkan sa nang ma ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

RUHTA 1:4

dai shadang sha yan mung Moba num ni rai nga ai Orpa hte Ruhta yan hpe la ma ai. Shi ning daram na mat wa ai hpang,

RUHTA 1:6

Aten ladaw mi na ai hpang, dai Madu gaw shi a amyu masha ni hpe nsi naisi kaja kat shangun ai hte shaman ya ai shiga hpe Naomi na wu ai shaloi, shi a kanam yan hte rau Moba mung kaw nna rawt pru mat wa na shajin da wu ai.