RUHTA 1:21 - Jinghpaw Common Language Bible 2009

²¹ Ngai ndai shara kaw na pru wa yang, sut gan n taw n tsang lu nngai, rai ti mung dai Madu gaw ngai hpe kaman hte bai woi nhtang wa ni ai. Chyahtum Chyalai N-gun rawng dai Madu gaw ngai hpe daw dan kau ai hte ru yak tsin-yam jaw mi yang, hpa majaw ngai hpe Naomi ngu nna shaga nga myit ni?,” ngu nna htan wu ai.

Jinghpaw Hanson Version Bible

²¹ Lu su hpring chyat pru wa nngai, Yehowa ngai hpe Kaman woi wa ni ai: Yehowa ngai hpe shagrit kau nna, N-gun Chyalai rawng ai wa, ngai hpe matsan shangun kau ni yang me, hpa rai ngai hpe Naomi naw nga nga myit ta?” ngu nna htan mu ai.

RUHTA 1:21 ပူးပေါင်းရင်းမြစ်များ

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

YOBA 10:17

Nang gaw ngai hpe mara shagun na sakse nkau mi tut nawng lu ndai; na a masin kahtet ai gaw ngai hpang maga de grau grau law wa nga ai; nang gaw gasat ladat nnan tut nawng maw mawn nga ndai.

YOBA 13:26

Brang ram prat e ngai galaw shut kau sai amu a majaw, nang ngai hpe ahkup ahka nga ai nni nkri mara hkam sha shangun nga ndai.

YOBA 16:8

Nang gaw ngai hpe rim la nit dai, nang gaw nye a gumlau wa rai nga ndai. Ngai gaw hpyi hte nra ni sha rai nga nngai. masha ni gaw ngai hpe mara a sakse hku mu nga ma ai.

YOBA 30:11

Karai Kasang gaw ngai hpe n-gun shakya shangun nna matsan mayan hkrum shangun wu ai majaw, shanhte gaw ngai hpe sinpawt lahtet hte nhtang ninghkap ma ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

RUHTA 1:13

shanhte kaba wa ai aten du hkra, nan la lu na myit ni? Kaga ni kaw num n wa hkra, dai ni hpe myit mada nga lu na rai myit ni? N rai na re, ngai nam yan e, dai lam hku n mai byin ai mung nan chye nga myit dai. Dai Madu gaw ngai hpe ari jaw ai hte ngai nan a matu grai myit yu machyi nga nngai,” ngu nna tsun wu ai.