RUHTA 1:20 - Jinghpaw Common Language Bible 2009

²⁰ Shi gaw, “Ngai hpe Naomi ngu nna hkum shaga myit; Mara ngu nna shaga mi, hpa majaw nga yang, Chyahtum Chyalai N-gun Rawng Ai Karai Kasang gaw nye a asak hkrun lam hpe ahkup ahka di ya ai majaw rai nga ai.

Jinghpaw Hanson Version Bible

²⁰ Shi chyawm gaw, “Ngai e, Naomi, hkum ngu ma ni; Mara she ngu mi; N-gun Chyalai rawng ai wa gaw, nachying hka ai hku ngai hpe shatai ni ai.

RUHTA 1:20 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 43:14

Chyahtum Chyalai N-gun Rawng Ai Karai Kasang gaw dai wa a jaw e, nanhte hpe matsan dum la shangun nga u ga; Benyamin hta kaga nanhte a hpu nau langai mi hpe ngai hpang de bai woi nhtang wa na shi dat dat ya na ru ai. Nye a matu chyawm gaw, kasha ni sum mat ai rai yang mung sum mat sanu ga,” ngu nna shanhte hpe tsun wu ai.

YOBA 11:7

Karai Kasang a galu kaba ai hte daru magam n-gun a masat jarit ni hpe nang mu sawk lu n ni?

YOBA 19:6

Ndai amu Karai Kasang galaw nu ai hpe nanhte n mu myit ni? Shi gaw ngai hpe rim na mahkam up da nga nu ai.

YOBA 5:17

Karai Kasang e shading sharai hkrum ai wa gaw a nga ai! Shi nang hpe daru sharin yang, masin hkum pawt et.

YOBA 6:4

Chyahtum Chyalai N-gun Rawng Ai Karai Kasang gaw ngai hpe pala ni hte gap jung nna, dai ni a agung gaw nye a hkum kata de tsim shang wa ai. Karai Kasang gaw ngai hpe ninghkap na matu hkrit hpa lam ni hpe dingren da nu ai.

YOBA 9:18

Shi ngai hpe nsa awai la shangun ai n rai; shi gaw nye a asak hpe ahkup ahka nga ai hte jahpring ya nga ai.

SHAKAWN KUNGDAWN 73:14

O Karai Kasang e, nang ngai hpe shani tup nni nkri jahkrum da nga ndai; nang ngai hpe jahpawt shagu ari jaw nit dai.

SHAKAWN KUNGDAWN 88:15

Ngai naw kaji nga ai aten kaw nna nni nkri hpe hkam sha ni ai gaw ganoi noi si hkra rai ni ai; nang jaw ai ari ahpri ni a majaw ngai hki ba la nga nngai.

PRU MAT 15:23

Dai hpang shanhte gaw Mara ngu ai shara de du shang wa ma yang, dai yang e, grai hka ai hka nga nga ai rai nna dai hka hpe shanhte n lu lu ma ai. Dai rai nna shara dai hpe Mara ngu nna shamying ma ai.

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

ESAIA 38:13

Ngai gaw shana tup nchyi nmu hte marawn hkrap nngai, Hkanghkyi gaw nye a nrut nra ni hpe agrawp kau ya ai zawn Karai Kasang gaw nye a asak hpe jahtum kau ya nga sai ngu, ngai myit nawn kau we ai.

HEBRE 12:11

Anhte daru sharin hkrum ai shaloi kabu hpa n rai nga ai, daru sharin hkrum ai ten hta yawn hpa zawn rai nga ai. Rai ti mung dai gaw htawm hpang e she daru sharin hkam ai a marang e tara hkan ai masha ni tai wa ai hte ding hpring ai asak hkrung lam a ngwi pyaw ai kumhpa hpe shu la shangun nga ai. s Matsun Ai Lam Ni Hte Sadi Jaw Ai Lam Ni

SHINGRAN 1:8

Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.

SHINGRAN 21:22

Dai mare kata e nawku htingnu ngai n mu nngai, hpa majaw nga yang, Chyahtum Chyalai n-gun atsam rawng ai Madu Karai Kasang hte Sagu Kasha gaw, dai mare a nawku htingnu rai nga ai.