RUHTA 1:19 - Jinghpaw Common Language Bible 2009

¹⁹ Shan gaw hkawm sa wa nna, Betlehem de du shang wa ma ai. Shan mare de du shang wa ai shaloi, mare ting gaw shan a majaw yu kajawng ma ai hte dai mare na numsha ni gaw, “Ndai Naomi teng teng rai nga a ni?,” ngu nna shada da san shajang nga ma ai.

Jinghpaw Hanson Version Bible

¹⁹ Shing rai shan lahkawng sa wa nna, Betlehem de du ma ai. Betlehem de du ma yang mare ting shan a majaw wu wu di di nga, “Ndai Naomi rai nga nni?” Nga nna num ni shada san shajang ma ai.

RUHTA 1:19 ပူးပေါင်းရင်းမြစ်များ

1 HKAWHKAM LABAU 2:51

Shi a kasha Ma Naw ngu na Salma gaw Betlehem mare hpe woi de da nhtawm Ma La ngu na Harep gaw Betgadera mare hpe woi de da nga ai.

ESAIA 23:7

Moi chyaloi nhkoi kaw nna de da nga sai ndai Turu mare gaw kabu gara lu na rai nga a ni? Panglai rap nna sumtsan mung hkan e sa nga na matu masha dat dat ya ai gaw ndai mare rai nga a ni?

SHARUNG SHAYAWT 2:15

Dai mare hku lai wa ai masha ni gaw nang hpe yu nna jahpoi asawng nga ma ai. “Ndai mare gaw yu tsawm na zawn rai nga a ni? Ndai mare gaw mungkan ting a gumrawng shara rai nga a ni?,” nga nna shanhte a baw ni kanga nhtawm Yerusalem mare a hten run mat ai hpe yu nna ashu nga ma ai.

MAHTE 21:10

Yerusalem mare hta shang bang wa yang, mare ting kabring kabrawng rai wa nna, “Ndai wa gaw kadai rai nga a ta?,” nga nna san shajang ma ai.

RUHTA 1:20

Shi gaw, “Ngai hpe Naomi ngu nna hkum shaga myit; Mara ngu nna shaga mi, hpa majaw nga yang, Chyahtum Chyalai N-gun Rawng Ai Karai Kasang gaw nye a asak hkrun lam hpe ahkup ahka di ya ai majaw rai nga ai.

RUHTA 2:6

Hpa-awn wa gaw, “Shi gaw Naomi hte rau Moba mung kaw nna hkan nang wa ai maigan numsha langai mi rai nga ai.