RUHTA 1:16 - Jinghpaw Common Language Bible 2009

¹⁶ Rai ti mung, Ruhta gaw, “Nang hte hka na, ngai hpe hkum shadut et! Nang hte rau tut tut hkawm sa lu n ga. Nang du ai shara shagu hkan ngai du nang na nngai; nang nga ai shara shagu hkan, ngai mung hkan nga na nngai. Na a amyu gaw nye a amyu, na a Karai Kasang gaw nye a Karai Kasang rai nga na ra ai.

Jinghpaw Hanson Version Bible

¹⁶ Ruhta chyawm gaw “Nang hpe kau da nna, nang kaw n hkan lu na hku, ngai e hkum shagwi et; nang du shara shagu de ngai du na nngai; nang nga ai shara shagu e ngai nga na nngai: na a amyu gaw nye a amyu, na a Karai Kasang mung nye a Karai Kasang rai u ga;

RUHTA 1:16 ပူးပေါင်းရင်းမြစ်များ

2 SAMUELA 15:21

Rai ti mung Itai mahtang, “Madu hkawhkam e, nang du hkawm ai shara shagu hkan si hkrung si htan amu hte hkrup kadup wa tim pyi, nang hte rau tut nawng n daw n hka ai sha hkawm sa na nngai, ngu dai Madu a mying ningsang hta ngai nang hpe dagam nngai law,” ngu nna htan wu ai.

SHAKAWN KUNGDAWN 45:10

Hkawhkam wa a num nnan jan e, ngai hpa tsun na lam hpe madat la u; na a amyu masha ni hte na a makyin jinghku ni hpe malap kau u.

GA SHAGAWP 17:17

Jinghku ni gaw tut nawng e, shanhte a tsaw ra myit hpe madun dan nga ma ai; ru yak tsin-yam hpe n chye garan hkam la ai rai yang, kaning re ai hpu nau ni daw hkat nga ga ta?

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

Daniela 2:47

Hkawhkam wa gaw, “Na a Karai Kasang gaw karai ni yawng hta galu kaba htum ai wa rai nna, hkawhkam ni a madu, makoi magap da ai amu ni hpe shadan dan ai wa rai nga ai. Ndai makoi magap ai amu hpe nang tsun shaleng dan lu nit dai majaw ndai lam ngai chye ni ai,” ngu nna tsun wu ai.

Daniela 3:29

“Ya chyawm gaw amyu baw shagu, amyu bawsang shagu hte ga amyu myu tsun ai amyu ni hta kadai rai ti mung Shadrak, Meshak hte Abednego ni a Karai Kasang hpe n gawn n sawn di ai rai yang, shi gaw kahtum kadaw di kau ai hkrum nna shi a nta mung run sumpum kau ai hkrum lu na rai nga ai. Ndai zawn hkye mawai la lu ai karai shaje kanang e mung nga nga ai n rai,” ngu nna hkang dat wu ai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

ZEHKARIA 8:23

Dai nhtoi hte yang, maigan masha marai shi gaw Yuda masha langai hpang de sa nna, ‘Karai Kasang gaw nanhte hte rau rai nga ai hpe anhte na saga ai majaw nanhte hte rau anhte rau hkawm sa mayu ga ai,” ngu nna tsun na mara ai.

MAHTE 8:19

Shaloi tara sara langai mi sa du nna, “Sara e, nang sa ai shara shagu de ngai nang kaw hkan nang na nngai,” ngu wu ai.

YAWHAN 13:37

Petru gaw, “Madu e, ngai nang hte rau hpa rai n hkan lu na rai ta? Na a matu si hkam na ngai jin chyalu rai nga nngai,” ngu wu ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna nye myit hpe gawng run shangun ya nga myit ta? Yerusalem mare e gyit hkang da ai hkrum na sha n ga, Madu Yesu a mying nsang a majaw dai yang sa si hkam na pyi ngai jin jin rai nga nngai,” ngu nna htan shangap mu ai.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

YAWSHU 24:18

Anhte dai mung de rawt lung wa yang, dai mung e nga ai Amori masha ni yawng hpe dai Madu shaden shapraw kau wu ai rai nna anhte gaw dai Madu hpe chyu sha daw jau na ga ai; shi chyu sha anhte a Karai Kasang rai nga ai law,” ngu nna htan ma ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

RUHTA 1:15

Dai rai nna, Naomi gaw shi hpe, “Ruhta e, na a kana pyi shi a amyu hte shi a hpara hpang de bai wa sai. Nang mung shi hte rau nta de nhtang wa su,” ngu nna tsun wu ai.

RUHTA 1:17

Nang si ai shara hta ngai si na nngai, dai yang e ngai mung makoi mayang hkam na nngai. Nang hte ngai si hka ai sha n rai yang, kaga lam hku nna hka wa ai rai yang mung dai Madu a sawng htum ai ari nye a ntsa de du wa u ga!,” ngu nna htan wu ai.

RUHTA 2:6

Hpa-awn wa gaw, “Shi gaw Naomi hte rau Moba mung kaw nna hkan nang wa ai maigan numsha langai mi rai nga ai.

RUHTA 4:15

Nang hpe tsaw ra nna shadang sha sanit lu ai hta grau akyu jaw ai na nnam gaw na a aprat nhtang ya ai wa, nang hpe aprat ugut gu hkra bau lakawn na na a kashu hpe shaprat ya nu ai,” ngu nna shaman ya ma ai.